Seiyo

Seiyo (yaponcha: 西予市 Seiyo-si) Yaponiyaning Ehime prefekturasida joylashgan shahar. 2022-yil 31-avgust holatiga koʻra, shaharda hisob-kitoblarga koʻra, 17627 xonadonda 35456 nafar aholi istiqomat qilgan va aholi zichligi har kvadrat kilometrga 69 kishidan toʻgʻri kelgan. Shaharning umumiy maydoni 514,34 kvadrat kilometr (198,59 mi²).

Seiyo 西予市
Shahar
Skyline of Seiyo
Bayroq Gerb
33°21′45.5″N 132°30′39.1″E
Mamlakat	Yaponiya
Hudud	Sikoku
Prefektura	Ehime
Hukumat
• Mer	Kadzuo Kanke (2016-yil may oyidan beri)
Maydon	514.34 km2 (198.59 kv mi)
Iqlim turi	subtropik nam
Aholisi  (2022-yil 31-avgust)	35 456
Seiyo

Kaimei Gakko

Seiyoning Unomachi mahallasining tepadan koʻrinishi

Seiyodagi Onogahara oʻtlogʻi

Geografiyasi

Seiyo Ehime prefekturasining janubi-sharqida joylashgan. Gʻarbida Seto ichki dengizidagi Uva koʻrfazi va sharqda esa Sikoku togʻlari joylashgan. Shahar hududi sharqdan gʻarbga choʻzilgan va turli topografiya tufayli 2013-yil 24-sentyabrda Yaponiya Geoparklar qoʻmitasi tomonidan Yaponiya geoparki (Sikoku Seiyo Geoparki) sifatida sertifikatlangan. Yaponiyaning uchta asosiy karst landshaftlaridan biri Onogahara yashil oʻtlogʻi va oq ohaktoshlari bilan juda chiroyli koʻrinishda. Komatsuda Sikokudagi eng katta gʻorlardan biri boʻlgan Rakan gʻori joylashgan.

Qoʻshni munitsipalitetlar

Ehime prefekturasi

• Odzu
• Yavatahama
• Ikata
• Uvadzima
• Kumakogen
• Uchiko
• Kihoku

Kochi prefekturasi

• Yusuhara

Iqlimi

Seiyoda nam subtropik iqlim shakllangan yozi issiq va qishi sovuq yengil qor yogʻishi bilan ajralib turadi. Seiyoda oʻrtacha yillik harorat 15,3 °C. Yillik oʻrtacha yogʻin miqdori 1663 mm, sentyabr esa eng nam oy hisoblanadi. Eng yuqori harorat yanvarda 26,1 °C ni, eng pasti ham yanvarda kuzatilib, 4,7 °C ni tashkil etadi.

Demografiyasi

Yaponiya aholini roʻyxatga olish maʼlumotlariga koʻra, Seiyo aholisi 1960-yillardan beri doimiy ravishda kamayib kelmoqda.

Aholining oʻsishi

Yil	Aholi	±%
1960	79 525	—
1970	61 009	−23.3%
1980	56 175	−7.9%
1990	51 893	−7.6%
2000	47 217	−9.0%
2010	42 099	−10.8%

Tarixi

Seiyo hududi avvval Iyo viloyatining bir qismi boʻlgan. Edo davrida Uvadzima domenining yoki uning ikkinchi darajali maʼmuriy birligi Iyo-Yosida domenining hududiy qismi. Meydzi islohotidan soʻng, hudud Ehime prefekturasidagi Higasiuva va Nisiuva tumanidagi shahar va qishloqlarga ajratilgan. Seiyo shahri 2004-yil 1-aprelda Akehama, Nomura, Sirokava va Uva (barchasi Higasiuva tumanida) va Mikame (Nisiuva okrugida) shaharlarining birlashishi natijasida tashkil etilgan.

Hukumati

Seiyo toʻgʻridan-toʻgʻri saylanadigan mer va 18 aʼzodan iborat bir palatali shahar kengashiga ega boʻlgan mer-kengash boshqaruv shakliga ega. Seiyo Ehime prefekturasi assambleyasiga bitta aʼzodan hissa qoʻshadi. Milliy siyosat nuqtai nazaridan, shahar Yaponiya Diet quyi palatasining Ehime 4-okrugi tarkibiga kiradi.

Iqtisodiyoti

Seiyoning sanoat bazasi zaif va iqtisodiyoti kambagʻal. Ilgari Uva (Unomachi) va Nomura mahallarida qishloq tovarlarini tarqatish punktlari boʻlgan, ammo transport aloqasi yomonligi va qishloq aholisining kamayishi tufayli savdo pasayib ketgan. Asosiy xoʻjaligi qishloq xoʻjaligi boʻlib, asosan sitrus mevalar, sholi va kashtan yetishtiriladi. Chorvachilik (choʻchqalar, sogʻin sigirlar, qoramollar) ham yoʻlga qoʻyilgan.

Taʼlimi

Seiyoda shahar hukumati tomonidan boshqariladigan 12 ta davlat boshlangʻich maktabi va beshta davlat oʻrta maktabi mavjud. Shaharda Ehime prefekturasi taʼlim kengashi tomonidan boshqariladigan uchta davlat yuqori maktabi mavjud va prefekturada nogironlar uchun ikkita maxsus taʼlim maktabi ham mavjud.

Transporti

Temir yoʻllari

Sikoku temir yoʻl kompaniyasi – Yosan liniyasi

• Iyo-Ivaki – Kamiuva – Unomachi – Simouva

Magistral yoʻllari

• Matsuyama avtomagistrali

Mahalliy diqqatga sazovor joylari

Kannon buloq suvining kichik sharsharasi

Qal'ali yer

Kannon buloq suvi

Sobiq Uva shahrida tabiiy buloq mavjud boʻlib, uning suvi Kannon Spring Water (yaponcha: 観音水 Kannon-sui) deb nomlanadi. Bu suv 1985-yil mart oyida Atrof-muhit vazirligi tomonidan Yaponiyaning 100 ta eng yaxshi suv manbalaridan (yaponcha: 名水百選 meysuy hyakusen) biri sifatida belgilangan. Yozda buloq yonida sayr uchun ajoyib muhit shakllanadi. Buloq suvidan somen nagasi taomi uchun ham ishlatiladi.

Otoi Sumo

Sobiq Nomura shahri, hozir Seiyoning bir qismi boʻlib, har yili bolalar va havaskor kattalar oʻrtasida Otoi Sumo (yaponcha: 乙亥大相撲 Otoi ōzumō) turniri turniri sifatida tanilgan sumo musobaqasi oʻtkaziladi. Kyusyu baso musobaqasidan keyin oʻtkazilib, odatda bir nechta professional sumo kurashchilarini jalb qiladi.

Qal’ali hudud

Bir boy ekssentrik sobiq Nomura shahridagi Nomura toʻgʻoni yaqinidagi togʻ yonbagʻrida qasr qurdirgan. Avval ziyofatlar uchun dam olish maskani boʻlib, tunash uchun qulayliklar bilan jihozlangan. Ammo mashhurlikka erisha olmagan va oxir-oqibat egasi uni Seiyo shahriga sovgʻa qilgan. Hozirda hech kim yashamaydi.

Muzeylari

• Ehime tarixi va madaniyati muzeyi
• Kaymey maktabi

Maʼbad va ibodatxonalari

• Meyseki-dzi, Sikoku ziyoratgohidagi 43-maʼbad

Havolalar

• Rasmiy sayti (yaponcha)