Shamol kadastri

Shamol kadastri — shamol energetikasi resurslari (imkoniyatlari)ni hisobga olish tizimi; maʼlumotlar toʻplami. Joylardagi (mahalliy) shamol tezliklari maromini ifodalovchi obyektiv maʼlumotlarni oʻz ichiga oladi. Shamol kadastri maʼlumotlari shamol energetikasi sohasida bajariladigan hisoblashlar uchun asos boʻladi. Shamol kadastrida mahalliy shamollarnchng oniy va oʻrtacha tezliklari, takrorlanuvchanligi, yuz beradigan sukunat (shtil) davomiyligi va boshqa toʻgʻrisidagi maʼlumotlar jadval yoki grafik shaklida beriladi. Bu jadval va grafiklarni tayyorlashda meteorologiya styalarining koʻp yillik kuzatishlari materiallaridan foydalaniladi. Uzbekistonda bunday kuzatishlar gidrometeorologiya xizmati tomonidan olib boriladi (Uzbekistonda 47 ta meteorologiya styasi mavjud; 2005).