Shamurat Musayev
Shamurat Musayev (1890 yoki 1891—1973) – Sovet Ittifoqi davrida Oxunboboev nomidagi kolxoz rahbari boʻlgan. 1949-yilda uning kolxozi 6 gektar maydonining har bir gektaridan 71,8 sentnerdan paxta hosili olib, 1950-yilda Sotsialistik Mehnat Qahramoni unvoni bilan taqdirlangan. 1951—1963 yillarda Qoraqalpogʻiston Avtonom Sovet Sotsialistik Respublikasi Oliy Kengashining 3-, 4- va 5-chaqiriqlari deputati boʻlgan. 1961-yilda Oʻzbekiston SSR Fanlar akademiyasining faxriy akademigi boʻldi.
| Shamurat Musayev | |
|---|---|
| Tavalludi |
1980 |
| Vafoti | 1973 |
| Fuqaroligi |
 SSSR |
| Kasbi | Oxunboboev nomidagi kolxoz rahbari |
| Mukofotlari | Sotsialistik Mehnat Qahramoni, Lenin ordeni, „Mehnatda oʻrnak koʻrsatganlik uchun“ medali |
Hayoti va faoliyati
tahrirShamurat Musayev 1890 yoki 1891-yilda Turkiston general-gubernatorligining (hozirgi Qoraqalpogʻiston, Oʻzbekiston) Sirdaryo oblastida tugʻilgan. Bolaligidan dehqonchilik bilan shugʻullana boshlagan, kollektivlashtirish boshlanganidan soʻng Chimboy viloyatidagi Oxunboboyev nomidagi paxtachilik kolxoziga qoʻshilgan[1].
1937-yildan Shamurat Musayev shu kolxozda mudir boʻlib ishlay boshladi. Kolxozdagi mehnatlari uchun u 1-marta 1948-yilda Lenin ordeni bilan taqdirlangan. 1949-yilda Musayev oʻzi rahbarlik qilgan 6 gektar maydonning har gektaridan 71,8 sentnerdan paxta yigʻib oldi. SSSR Oliy Kengashi Prezidiumining 1950-yil 13-iyundagi "1949-yilda sugʻoriladigan yerlarda sholi, paxta va yashil kenaf poyalaridan yuqori hosil olgani uchun" farmoni bilan Shamurat Musayevga Sotsialistik Mehnat Qahramoni unvoni berildi. 1956-yildagi faoliyati natijalariga koʻra u uchinchi Lenin ordeni bilan taqdirlangan.
1951—1963 yillarda Qoraqalpogʻiston Avtonom Sovet Sotsialistik Respublikasi Oliy Kengashining 3, 4 va 5-chaqiriqlari deputati etib saylangan. 1961-yilda Oʻzbekiston SSR Fanlar akademiyasining faxriy akademigi boʻldi. 13 yil oldin pensiya yoshiga yetgan boʻlishiga qaramay Shamurat Musayev 1971-yilda nafaqaga chiqdi. Shamurat Musaev 1973-yilda vafot etgan[1].
Mukofotlari
tahrirShamurat Musaev quyidagi mukofotlar bilan taqdirlangan[1]:
- "Oʻroq va Bolgʻa" medali (1950-yil 13 iyun – № 5109);
- 3 marta Lenin ordeni (1949-yil 19-iyul; 1950-yil 13-iyul – No 122564; 1957-yil 11-yanvar);
- "Mehnatda oʻrnak koʻrsatganlik uchun" medali (1965-yil 1-mart);
- Shuningdek, boshqa bir qator medallar.
Manbalar
tahrir- ↑ 1,0 1,1 1,2 „Мусаев Шамурат“ (ru). Герои страны. Qaraldi: 2018-yil 15-aprel.