Simnon ustoni

Simnon ustoni  — Eronning shimoli-sharqida joylashgan. Ushbu viloyat shimoldan Mozandaron ustoni, Guliston ustoni va Shimoliy Xuroson ustoni, janubdan Isfahon ustoni, sharqdan Xurosoni Rizoviy ustoni va gʻarbdan Tehron ustoni va Qum ustoni bilan chegaradosh. Viloyatda 5 ta tuman, 13 ta baxsh, 29 ta qishloq va 17 ta shahar mavjud.

Simnon
forscha: سمنان‎ / Semnân

Uston
Maʼmuriy markazi	Simnon
Rasmiy tili	forscha
Aholi	589 742
Zichligi	6 kishi./km²
Millatlar tarkibi	asosan kurdlar, ozarbayjonlar va forslar
Dinlar tarkibi	asosan musulmonlar
Maydoni	97491 km²
Xaritada

Iqlimi

Simnon viloyatining ob-havosi shimoldan Elburs togʻ tizmalariga va janubi-sharqdan Dashti Kavir choʻliga yaqinligi sababli issiq va quruq. Bundan tashqari, viloyatning dengizdan uzoqda joylashganligi, togʻlarning balandligi, shamollarning esishi ham viloyat iqlimiga oʻz taʼsirini oʻtkazadi. Viloyatga shimoldan kirib keladigan havo oqimi tufayli kuz va qish oylarida havo sovuq boʻladi. Choʻl tomonidan esadigan shamollar esa yilning issiq oylarida havo harorati va quruqligining oshishiga sabab boʻladi. Qisqa qilib aytganda, togʻli hududlarda havo sovuq, togʻ etaklarida havo moʻtadil va choʻlga yaqin hududlarda havoning harorati yuqori va eng muhimi havoning quruqligi bu viloyat iqlimning asosiy xususiyatlaridandir.

Geografiyasi

Simnon viloyatining oʻrmonlari tabiiy va sunʼiy oʻrmonlarga boʻlinadi. Tabiiy oʻrmonlar hududining maydoni 225 000 ga yerni va sunʼiy oʻrmonlar hududining maydoni 6626 ga yerni tashkil etadi. Yaylovlar viloyatning shimoliy chegaralarida joylashgan .