Slavko Luštica
Slavko Luštica (1923-yil 11-yanvar – 1992-yil 14-iyul) 1952-yilgi Yozgi Olimpiya oʻyinlarida Yugoslaviya safida maydonga tushgan futbolchi edi. Luštica Yugoslaviyada NK Osvit va Hajduk Split klublarida yarim himoyachi sifatida toʻp surgan[1].
| Shaxsiy maʼlumot | |||
|---|---|---|---|
| Tavallud sanasi | 11-yanvar 1923-yil | ||
| Tavallud joyi | Kumbor shahri, Yugoslaviya qirolligi | ||
| Vafot sanasi |
14-iyul 1992-yil (69 yoshda) | ||
| Ampluasi | Yarim himoyachi | ||
| Yoshligida aʼzo boʻlgan klublar | |||
| 1935–1936 | Osvit Šibenik | ||
| 1939–1941 | Hajduk Split | ||
| Professional faoliyati* | |||
| Yillar | Jamoa | Isht. | (Gol.) |
| 1936–1939 | Osvit Šibenik | ||
| 1941–1957 | Hajduk Split | 226 | (19) |
| Milliy terma jamoa | |||
| 1951–1952 | Yugoslavia | 3 | (0) |
| Boshqargan klublari | |||
| 1969–1972 | Hajduk Split | ||
| 1973–1976 | Olimpija Ljubljana | ||
| 1978 | Yugoslavia | ||
| *Professional klublardagi gollari (ichki chempionat) | |||
Faoliyati
tahrirKlub
tahrirLuštica Kotor koʻrfazidagi Kumbor shahrida tugʻilgan, Šibenikdagi NK Osvit klubining yoshlar jamoasida oʻynashni boshlagan. Luštic 13 yoshidayoq kattalar jamoasiga oʻtgan boʻlsa-da, jamoatchilik eʼtiborini Belgraddagi oʻyinda Yugoslaviya yoshlar terma jamoasi safida oʻsha paytning kuchli Vengriya yoshlar jamoasini yengganidan soʻng qozondi. Koʻp oʻtmay Luštica Hajduk Split klubi bilan shartnoma imzoladi va futbolchilik faoliyatining qolgan qismini shu klubda oʻtkazdi. Uning klub tarkibida rasmiy debyut oʻyinini 1941-yil 9-martda Concordia Zagreb klubiga qarshi 5:2 hisobidagi gʻalaba bilan yakunlangan uchrashuvda oʻtkazdi. Ikkinchi jahon urushi davrida, 1944-yilda Hajduk Split klubi Vis oroliga vaqtincha koʻchirilgach, Luštica klub tarkibida barcha oʻyinlarida ishtirok etdi. Urushdan soʻng ham Luštica Hajdukda oʻynashni davom ettirib, uch marotaba Yugoslaviya chempionligini (1950, 1952 va 1955-yillarda) qoʻlga kiritdi. Luštica jami 634 ta oʻyinda maydonga tushdi (bu koʻrsatkich bilan Hajdukning barcha davrlardagi oʻyinlar roʻyxatida Frane Matošić va Ivan Hlevnjakdan keyin uchinchi oʻrinni egalladi) va 86 ta gol urdi.
Milliy terma jamoadagi faoliyati
tahrirLuštica Yugoslaviya milliy terma jamoada ilk bor 1951-yil 23-avgustda Osloda Norvegiyaga qarshi oʻtkazilgan oʻrtoqlik uchrashuvida maydonga tushdi (Yugoslaviya 4:2 hisobida gʻalaba qozondi). Luštica yana ikki marta terma jamoa tarkibida oʻyin oʻtkazdi, soʻnggi marta esa 1952-yil 2-noyabrda Belgradda Misrga qarshi boʻlgan oʻyinda (5:0 hisobida gʻalaba) ishtirok etdi[2].
Murabbiylik faoliyati
tahrirLuštica oʻzining futbolchilik faoliyatini tugatgach, Hajduk Split klubiga murabbiylik qildi va 1971-yilda chempionlik unvonini qoʻlga kiritdi. Shuningdek, Luštica 1973-yildan 1976-yilgacha NK Olimpiya Lyublyana klubiga ham murabbiylik qilgan[3].
Yutuqlari
tahrirHajduk Split
tahrir- Yugoslaviya Chempionati: 1950, 1952, 1954-55
Murabbiy
tahrir- Yugoslaviya Chempionati: 1970-71
Manbalar
tahrir- ↑ „Slavko Luštica“. Olympedia. Qaraldi: 2021-yil 5-noyabr.
- ↑ „Player Database“. EU-football. Qaraldi: 2022-yil 15-oktyabr.
- ↑ „Nogometni klub Olimpija Ljubljana“. 2011-yil 17-oktyabrda asl nusxadan arxivlangan. Qaraldi: 2011-yil 23-oktyabr.