Toʻrgʻay soyligi

Toʻrgʻay soyligi, Toʻrgʻay vodiysi — shimoldan janubga Toʻrgʻay platosi va Gʻarbiy Sibir tekisligi hamda Turon pasttekisligining shimoliy qismini kesib oʻtgan eroziontektonik soylik. Qozogʻistonning shimoli-gʻarbida. 800 km ga choʻzilgan. Eni 20–75 km, bal. 125 m gacha. Qad. allyuvial va koʻlallyuvial qumoqlaridan tashkil topgan. Toʻrgʻay soyligi boʻylab shimoliy yoʻnalishda Ubagan daryosi, janubiy yoʻnalishda Toʻrgʻay daryosi oqib oʻtadi, shoʻr koʻllar bor. Erigan qor suvlaridan botqoqliklar hosil boʻlgan, grunt suvlari minerallashgan. Dasht va chala choʻl landshaftlarda shoʻrtobshoʻrxok, shoʻrtoboʻtloqdasht va oʻtloklar bor. Yaylov va pichanzor koʻp.