Ubaydulla So‘fiyev

So‘fiyev Ubaydulla — 3328-sonli ish bo‘yicha otuvga hukm qilingan, 1884-yili tug‘ilgan, Namangan shahridan, sobiq savdogar, 1930-yili aksilinqilobiy, millatchi “Milliy ittihod” tashkiloti a’zosi bo‘lgani uchun qamoqqa olingan. Qamoqdan ozod bo‘lgach o‘zining aksilinqilobiy faoliyatini to‘xtatmay bir qator yillar davomida mag‘lubiyatchilik xarakterida aksilinqilobiy tashviqot olib borganlikda, sovetlar qarorlarini mazax qilganlikda ayblangan. “Uchlik” yig‘ilishi bayonnomasi Zagvozdin, To‘rabekov, Sheyndlin, Yakovlevlar tomonidan imzolangan.