Uyda yolgʻiz

Uyda yolgʻiz — AQSh kinoijodkorlari tomonidan suratga olingan oilaviy komediya. Xalqaro premyerasi 1990-yil 16-noyabrda boʻlib o‘tgan. Film Eng kassabop filmlar roʻyxatida "barcha davrlarning eng koʻp daromad keltirgan komediya filmi" sifatida eʼtirof etilib, 2011-yilgacha yetakchi oʻrinda boʻlgan. 1991-yilda bosh rol ijrochisi Makoley Kalkin "Oltin globus"ning "Eng yaxshi film" va "Eng yaxshi aktyor" nominatsiyalarida gʻolib boʻldi. Bastakor Jon Uilyams "Eng yaxshi film musiqasi" uchun Oskar mukofotining ikkita nominatsiyasida gʻolib boʻldi. Filmning muvaffaqiyati xuddi shu nomdagi butun media franshizaning yaratilishiga olib keldi, jumladan, toʻgʻridan-toʻgʻri davomi – “Uyda yolgʻiz 2: Nyu-Yorkdagi sarguszashtlar” filmi 1992-yilda ekranga chiqqan. Ikkala film 2003-yilda oʻzbek tiliga oʻgirilgan. Unga aktyorlar Obid Asomov, Mirzabek Xolmedov, Hojiakbar Nurmatov, Oybarchin Bakirova, Farhod Aminov, Tohir Doʻstxoʻjayev, Farhod Abdullayev va Gʻaybullo Hojiyev ovoz berishgan. Но перевод на Узбекский язык получили не все части фильма один дома, а только первые две

Uyda yolgʻiz inglizcha: Home alone
Rejissyor(lar)	Chris Columbus
Prodyuser(lar)	John Hughes
Ssenariynavis(lar)	John Hughes
Rollarda	Macaulay Culkin Joe Pesci Daniel Stern John Heard Catherine OʻHara
Bastakor(lar)	John Williams
Kinematografiya	Julio Macat
Distribyutor	20th Century Fox
Chiqarilgan sanasi	1990
Davomiyligi	102 minut
Mamlakat	AQSh
Byudjeti	18 million $
Daromadi	476 million $
Keyingi film	Uyda yolgʻiz 2

Syujeti

Makkallisterlar oilasi Rojdestvo bayramidan oldin Parijga uchish uchun Chikago chekkasidagi Piter va Keytning uyiga yigʻilishadi. 8 yoshli Kevin, uy egalarining kenja oʻgʻli, ikkala aka-uka va boshqa qarindoshlar, ayniqsa bezori akasi Bazz tomonidan masxara qilinadi, u bilan janjal Kevinning jazolanishiga olib keladi — bolani chordoqda yolgʻiz tunash uchun joʻnatishadi, u esa, qarindoshlaridan gʻazablanib, oilasining gʻoyib boʻlishini orzu qiladi. Kechasi kuchli shamol daraxt shoxini sindirib, elektr tarmogʻining simlariga tushib, qisqa tutashuvga sabab boʻladi, natijada elektr energiyasi uzilib qoladi va budilnik oʻz vaqtida ishlamaydi. Kevinning chordoqda uxlayotganidan bexabar oila aʼzolari, bolalarni qayta sanab oʻtish paytida tasodifan qoʻshnining bolasini Kevin deb oʻylashadi va shuning bilan u uyda qoladi. Uygʻongan Kevin uning orzusi amalga oshganidan xursand boʻladi, lekin tez orada Kevinning kayfiyati oʻzgaradi: birinchi navbatda, bola qor tozalovchi begʻaraz qoʻshni, qariya Marlidan qoʻrqadi. keyin esa uning uyi „hoʻl oʻgʻrilar“ laqabli Garri va Marv tomonidan nishonga olinadi. Garri bu uyga politsiyachi niqobi ostida razvedka uchun kelgan va oilaning ketishga tayyorgarlik koʻrganiga guvoh boʻlgan edi. Uning sherigi Marv esa, oʻgʻirlangan uydan chiqayotganda joʻmrakni doim ochiq qoldirishi bilan tanilgan va bu bilan „hoʻl oʻgʻri“ laqabini olgan. Ikkovlon uyga yashirincha kirayotganini payqagan Kevin, butun oila uyda qolgan, degan taassurot uygʻotishga muvaffaq boʻladi, shuning uchun oʻgʻrilar oʻz rejalarini vaqtincha kechiktiradilar. Keyt Parijga uchayotganda, Kevinning yoʻqligini bilib qoladi, biroq shikastlangan elektr tarmogʻi sababli uyga qoʻngʻiroq qilish imkonsiz edi. U imkon qadar tezroq uyga qaytishni xohlaydi, lekin Rojdestvo munosabati bilan keyingi ikki kunga Chikagoga chiptalar yoʻqligini biladi. Piter va qolgan oila aʼzolari Parijdagi kvartiraga borishadi, Keyt esa AQShga qaytadi. Afsuski, Chikagoga ham chiptalar yoʻq, shuning uchun u Chikagoga yaqin boʻlgan Skrantonga parvoz qiladi. Rojdestvo arafasida Keyt hech qayerga ucha olmaydi, lekin unga yordamga mamlakat boʻylab sayohat qilib, qoʻshiq ijro etadigan sayohatchi musiqachilar ansambli keladi. Ayni paytda, Garri va Marv Kevin hali ham uyda yolgʻiz ekanini tushunishadi. Kevin cherkovga boradi va bolalar xorini tinglaydi. U yerda qariya Marli bilan uchrashib qoladi. Suhbat davomida Marli u haqida doimo bemaʼni gaplarni gapirishlarini aytadi. Qoʻshnisi bolaga nevarasi qoʻshiq kuylayotgan xor spektakllariga tez-tez kelib turishini, lekin ular bir-birlarini hech qachon koʻrmasliklarini, chunki u oʻgʻli bilan koʻp yillar oldin janjallashib, anchadan beri gaplashmaganini aytadi. Kevin Marliga oʻgʻli bilan yarashishga harakat qilishni taklif qiladi. Kevin uyiga qaytadi va oʻz uyini himoya qilishi kerakligini tushunib, oʻgʻrilar uchun turli joylarda tuzoqlar oʻrnatadi. Garri va Marv uyga bostirib kirishga harakat qilishadi, lekin Kevin bilan toʻqnash kelishadi. Qaroqchilar Kevinni butun uy boʻylab taʼqib qilishayotganda, bola politsiyaga qoʻngʻiroq qiladi va yaqin atrofdagi boʻsh uyga yuguradi. Shunga qaramay, Garri va Marv Kevinni qoʻlga olishga muvaffaq boʻlishadi, ular boladan qanday oʻch olish haqida oʻylashni boshlaydilar. Bu vaqtda qariya Marli ularning orqasidan yashirinib kelib, belkurak bilan urib, yerga qulatadi. Oʻgʻirlikdan soʻng suv bosgan barcha uylar ularning qoʻli ishi ekanini bilgan politsiya, „hoʻl oʻgʻrilarni“ qoʻlga olish uchun oʻz vaqtida yetib keladi. Rojdestvo kuni ertalab uygʻongan Kevin, uning oilasi uyga qaytmagani uchun oʻzini ayblaydi. Shundan soʻng u Keytning uyga kirib, unga qoʻngʻiroq qilganini eshitadi. Kevin uning oldiga tushadi, ular uchrashuvdan xursand boʻlishadi va yarashishadi. Koʻp oʻtmay, ularga Makkallisterlarning qolgan qismi qoʻshiladi. Kevin qaroqchilar bilan toʻqnash kelgani haqida oilasiga aytmaydi — uyni yaxshilab tartibga keltiradi. Keyinchalik, derazadan qariya Marlini oʻgʻli va uning oilasi bilan birlashayotganini tomosha qiladi. Marli Kevinni payqaydi — ular bir-birlariga qoʻl silkitib, keyin oilalariga qaytishadi.

Rollarda

Aktyor	Rol
Makoley Kalikin	Kevin Makkalister Jahongir Ismoilov
Jon Herd	Piter Makkalister Hojiakbar Nurmatov
Ketrin O'Hara	Keyt Makkalister Oybarchin Bakirova
Marin Elizabet	Linni Makkalister Barno Qodirova
David Retray	Bazz Makkalister Tohir Do'sxujaev
Hillary Woolf	Megan Makkalister Zulxumor Mo'minova
Jo Peshi	Garri Laym Obid Asomov
Daniel Shtern	Marv Merchantes Mirzabek Xolmedov