Vashington (shtat)

Vashington — AQShning shimoligʻarbidagi shtat. Shimolida Kanada bilan chegaradosh. Maydon 176,6 ming km². Aholisi 5,2 mln.dan ziyod kishi (1990-yillar oʻrtalari). Maʼmuriy markazi — Olimpiya shahar. Eng yirik shahri — Sietl. Vashington hududining koʻp qismi togʻlar va yassi togʻlardan iborat. Yanvarning oʻrtacha temperaturasi gʻarbida 4°, sharqida —2°, —3°, iyulniki gʻarbida 16—17°, sharqida 20—23°. Yillik yogʻin 400–2000 mm. Togʻlarida igna bargli oʻrmonlar bor. Daryolari (Kolumbiya va uning irmoqlari) sersuv. Bir qancha GES qurilgan. Gidroenergiyaga boyligi jihatidan AQSH shtatlari orasida 1-oʻrinda. Rangli va qora metallurgiya tarmoklaridan alyuminiy, ferroqotishma, elektrkimyo va atom sanoatlari taraqqiy etgan. Pyujet-Saundda kemasozlik korxonalari va harbiydengiz bazasi bor. Aviaraketa sanoati Sietlda ("Boing" zavodi) joylashgan. Vashington AQShda yogʻoch tayyorlash va yogoch sanoati boʻyicha 1-oʻrinda turadi. Fanera va qogʻoz ishlab chiqariladi. Baliq-konserva sanoati rivojlangan. Vashingtonda Kanadadan keltirilgan neftni qayta ishlovchi zavod qurilgan. Qishloq xoʻjaligi kam taraqqiy qilgan. Qishloq xoʻjaligiga yaroqli yerlarning yarmi ekinzor, qolgani yaylov. Dengiz boʻyi rayonlari sut chorvachiligiga ixtisoslashgan. Kolumbiya platosida bugʻdoy ekiladi, meva yetishtiriladi. Dengiz boʻylarida baliq ovlanadi. Vashingtondan muhim avtomobil va transport yoʻl oʻtgan. Asosiy portlari — Sietl va Takoma.

Vashington Washington
Shtat
Vashington bayrogʻi Vashington tamgʻasi
Shtat laqabi: (Evergreen State)
Mamlakat	AQSh
Poytaxt	Ottava
Eng yirik shaharlar	Seattle Spokane Tacoma
Maydon    • Butun    • % suv	AQSh: 18-oʻrinda 184,665 km² 6.67 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 14-oʻrinda 6,287,759 34.2 kishi/km² 10 12
YIM    • YIM    • YIM/kishi	AQSh: 14-oʻrinda $261,549 million $42,137
Ittifoqqa kirish    • Sana	42-boʻlib 11 noyabr 1889
Vaqt	UTC-8 (PST)
Qisqartma	WA [53]
Shtat guli	Coast Rhododendron (Rhododendron macrophyllum)
Shtat daraxti	Western Hemlock (Tsuga heterophylla)

Adabiyotlar

• OʻzME. Birinchi jild. Toshkent, 2000-yil