Vasiliy Xarlamov
Vasiliy Maksimovich Xarlamov (1909-yil 1-yanvar, Krasnoyarsk – 1986-yil23-mart) – Sovet harbiy dengiz aviatsiyasining uchuvchisi, Sovet Ittifoqi Qahramoni (1940-yil 7-fevral) va mayor (1943-yil 24-sentyabr[1]).
| Vasiliy Xarlamov | |
|---|---|
| Tavalludi |
1909-yil 1-yanvar Krasnoyarsk, Rossiya imperiyasi |
| Vafoti |
1986-yil 23-mart Leningrad, RSFSR, SSSR |
| Fuqaroligi |
 Sovet Ittifoqi |
| Xizmatdagi yillari | 1927-1948 |
| Unvoni | Mayor |
| Mukofotlari |
    |
Hayoti
tahrirVasiliy Xarlamov 1909-yil 1-yanvarda Krasnoyarskda ishchi oilasida tugʻilgan. Millati – rus. Toshkent shahridagi oʻrta maktabni tamomlagan.
1930-yilning iyun oyidan Kushka qal’asida joylashgan Qizil Armiyaning 4-togʻli otishmalar polkida vzvod komandiri boʻlib xizmat qilgan. Uning tarkibida Oʻrta Osiyodagi bosmachilarni yoʻq qilish boʻyicha harbiy harakatlarda qatnashgan. 1931-yilning may oyidan boshlab Qizil Armiya Harbiy havo kuchlarining Uzoq Sharqdagi 16-aviatsiya brigadasida bort muhandisi stajyori sifatida xizmat qilishni davom ettiradi. 1931-yil sentyabr oyida Xarlamov oʻqishga kirib, 1932-yilning may oyida Orenburgdagi 3-kuzatuvchi uchuvchilar harbiy maktabini tugatadi[1].
1932-yil iyun oyidan 1933-yil may oyigacha 68-alohida daryo aviatsiya eskadronida kichik uchuvchi-kuzatuvchi boʻlib xizmat qilgan. Keyin 1933-yilda Parashyut instruktorlari malakasini oshirish kursini tamomlab, 1933-yil iyun oyida Uzoq Sharqdagi 12-alohida dengiz eskadronida kichik uchuvchi-kuzatuvchi – parashyutchi etib tayinlanadi. 1937-yil oktyabrdan 16-dengiz razvedka aviatsiyasi eskadronida shturman, 1938-yil apreldan boshlab Uzoq Sharqdagi 12-yengil bombardimonchi aviatsiya eskadronida shturman boʻlgan. 1938-yildan VKP(b) aʼzosi[1].
Katta leytenant Vasiliy Xarlamovga SSSR Oliy Kengashi Prezidiumining 1940-yil 7-fevraldagi farmoni bilan qoʻmondonlik topshiriqlarini namunali bajargani, koʻrsatgan jasorati va qahramonligi uchun Sovet Ittifoqi Qahramoni unvoni berilgan. Shuningdek, Lenin ordeni va „Oltin yulduz“ medali bilan taqdirlangan[2].
Vasiliy Xarlamov Leningrad shahrida yashagan. 1986-yilning 23-martida vafot etgan. Sankt-Peterburgda Shimoliy qabristonga dafn etilgan[3].
Mukofotlari
tahrir- Sovet Ittifoqi Qahramoni (02.07.1940)
- Lenin ordeni (02.07.1940)
- Ikkita Qizil Bayroq ordeni (05.10.1942, 11.6.1947)
- 1-darajali Vatan urushi ordeni (03.11.1985)
- Qizil Yulduz ordeni (3.11.1944)
- Bir qator SSSR medallari.
Manbalar
tahrir- ↑ 1,0 1,1 1,2 Kudryavseva L., Lure V. Morskie lyotchiki – Geroi Sovetskogo Soyuza. Xarlamov Vasiliy Maksimovich. // Морской сборник. – 2009. – № 5. – S. 83—84.
- ↑ Ukaz Prezidiuma Verxovnogo Soveta SSSR „O prisvoenii zvaniya Geroy Sovetskogo Soyuza mladshemu komandiru Belogurovu A. I., leytenantu Pinchuk G. S. i starshemu leytenantu Xarlamovu V. M.“ // Pravda. – 1940, 8 fevralya. – S. 1.
- ↑ Fedorov M. R. Morskoy nekropol Peterburga. – SPb., 2003. – S. 245.
Adabiyotlar
tahrir- Geroi Sovetskogo Soyuza: Kratkiy biograficheskiy slovar / Pred. red. kollegii I. N. Shkadov. – M.: Voenizdat, 1988. – T. 2 /Lyubov – Yaщuk/. – 863 s. – 100 000 ekz. – ISBN 5-203-00536-2.
- Varganov Yu. V. Xarlamov Vasiliy Maksimovich // Otchizni vernie sini. Vipuskniki i prepodavateli Voenno-morskoy akademii – Geroi Sovetskogo Soyuza, Geroi Sotsialisticheskogo Truda i Geroi Rossiyskoy Federatsii. Biograficheskiy spravochnik. – SPb.: NPP „Sistema“, 2007. – 468 s. – 990 ekz.
- Geroi Sovetskogo Soyuza Voenno-Morskogo Flota. 1937—1945. – M.: Voenizdat, 1977. – S. 438.
- Plessov K. M. Lyudi visokogo podviga. – M., 1962. – S. 22-24.
- Slovar biograficheskiy morskoy. – SPb., 2000. – S. 402.
Havolalar
tahrir- „Василий Максимович Харламов“ (ru). Герои страны. Qaraldi: 2014-yil 3-fevral.