Viktor Shchekin

Viktor Andreyevich Shchekin (1889.1.2, Kursk gubernyasi – 1965.23.12, Toshkent) — seleksiyachi chorvador olim, Oʻzbekistonda xizmat koʻrsatgan fan va texnika arbobi (1959), qishloq xoʻjaligi fanlari doktori (1945), professor (1947). Moskva universitetining yuridik fakulteti iqtisodiyot boʻlimini tugatgan (1912). Fransiya (1898–99), Germaniya (1909), Angliya (1911)da malaka oshirgan. Oʻrta Osiyo chorvachilik styasi boʻlim mudiri (1933–40), Oʻzbekiston chorvachilik ilmiy tekshirish institutida yilqichilik boʻlimi boshligʻi (1940–45). Toshkent qishloq xoʻjaligi institutida hayvonlar fiziologiyasi va chorvachilik kafedrasi mudiri (1949–65). Ilmiy ishlari yilqichilikda naslchilik seleksiya ishlari tahlili, zotlar tarixi; yangi duragay ish hayvonlari olish, chorva hayvonlari mahsuldorligini oshirish va boshqalar masalalarga bagʻishlangan. Oliy oʻquv yurtlari uchun bir necha darsliklar muallifi. 3 jilddan iborat "Qorabayir ot zoti" davlat naslchilik kitobini yaratgan.

Manbalar

• Karabairm sennaya poroda loshadey, T., 1944; Karabair (V.S.Vixrev bilan hamkorlikda), T., 1947; Konevodstvo, T., 1952; Oʻzbekistonda qoramol zotini yaxshilash, T., 1958; Chorvachilik, T, 1964.