Vohid Shodiyev

Vohid Shodiyev
Shaxsiy maʼlumot
Toʻliq ismi	Vohid Shodiyev Muhiddinovich
Tavallud sanasi	9-noyabr 1986-yil (38 yosh)
Tavallud joyi	Xatirchi tumani, Oʻzbek SSR
Boʻyi	182 cm (5 ft 11 1⁄2 in)
Ampluasi	hujumkor yarimhimoyachi
Vazni	76 kg
Klub maʼlumoti
Joriy klub	Faoliyatini yakunlagan
Raqami	14
Yoshligida aʼzo boʻlgan klublar
	Neftchi
Professional faoliyati*
Yillar	Jamoa
2005—2007	Zarafshon
2008	UzDongJu
2009	Qizilqum
2010—2012	Neftchi Fargʻona
2012—2013	Buxoro
2014—2015	Bunyodkor
2016	Perak FA
2016—2017	Qizilqum
2017	Bunyodkor
2018	Mashʼal Muborak
2019	Dinamo Samarqand
2019—2021	Qizilqum
Milliy terma jamoa‡
2013—2017	Oʻzbekiston
	*Professional klublardagi gollari (ichki chempionat); (13-oktyabr uchun); ‡ Milliy terma jamoadagi gollari (13-oktyabr uchun)

Vohid Shodiyev (1986-yil 9-noyabrda Navoiy viloyatining Xatirchi tumanida tugʻilgan) – Toshkentning Bunyodkor futbol klubi, hamda, Oʻzbekiston milliy terma jamoasining sobiq yarimhimoyachisi hisoblanadi. Nafaqadagi futbolchi.

Faoliyati

Vohid Shodiyev professional futboldagi ilk faoliyatini 2005-yili Navoiyning Zarafshon klubida boshlagan, ushbu klubda u 3 mavsum oʻynab 20 ga yaqin gol muallifi boʻlgan. 2008-yili bir mavsum Andijonning Uz-Dong Ju tarkibida oʻynab 7 marta maydonga tushgan boʻlsa, 2009-yili Navoiyning yana bir klubi Qizilqum tarkibida ham bir mavsum oʻynab, 25 ta uchrashuvda maydonga tusib raqiblar darvozasini 7marta ishgʻol qilgan.

U 2010-yili Fargʻonaning Neftchi klubiga oʻtadi va u klubda 2 mavsumda 24 ta uchrashuvda klub sharafini himoya qiladi. Undan keyin, 2012-yilning fevral oyida Buxoroning Buxoro klubi bilan sartnoma tuzadi. Ushbu klubda u jamoaning yetakchi futbolchilaridan biriga aylanadi. Vohid Shodiyev Buxoro klubida 51 uchrashuvda maydonga tushib, jaʼmi 17 ta gol urgan.

2014-yilning boshida u Toshkentning Bunyodkor klubi murabbiyining eʼtiboriga tushadi va tez orada ushbu klub bilan shartnoma imzolaydi va oʻsha yili Oʻzbekiston kubogining kumush medali sohibiga va Oʻzbekiston Super kubogining oltin medali sohibiga aylanadi. Bugungi kunga qadar u ushbu klub tarkibida 22ta uchrashuvga maydonga tushib 9 ta gol muallifi boʻlgan. Vohid Malayziyaning „Perak FA“ jamoasi bilan 2015-yil 30-dekabrda shartnoma imzolagan^[1]. Dastlabki mavsumida 10 ta oʻyinda 1 ta gol urdi va mavsum yakunida Oʻzbekistonga qaytdi^[2]. 2016 va 2017-yillarda Navoining "Qizilqum jamoasida oʻynagan. 2017-yilning 26-iyulida Shodiyev „Bunyodkor“ jamoasi bilan qayta shartnoma imzolagan^[3].

Terma jamoadagi faoliyati

Vohid Shodiyev 2013-yilning 6-noyabrida 2015-yilgi Osiyo kubogi uchun kechgan saralash bosqichida Vyetnamga qarshi kechadigan uchrashuv oldidan Oʻzbekiston milliy terma jamoasiga chaqirtirildi.^[4] 15-noyabrda u Vyenamga qarshi kechgan oʻyinda ilk debyutini oʻtkazdi va oʻshanda Vohid Shodiyev terma jamoadagi ilk golini raqiblar darvozasiga joylab qoʻydi. Oʻsha yilning 19-noyabr kuni Gon Kong terma jamoasiga kechgan ucrashuvda ham gol urib terma jamoadiga ikkinchi golini oʻz hisobiga yozdirib qoʻydi.

2015-yilda Avstraliyada boʻlib oʻtgan Osiyo kubogida u terma jamoa safida qatnashdi. Guruh bosqichida Saudiya Arabistoni bilan kechgan juda muhim oʻyinda, muhim golni urib terma jamoaning guruh bosqichidan chiqishiga katta hissasini qoʻshgan edi.

Yutuqlari

2 Oʻzbekiston kubogi finalchisi: 2014
1 Oʻzbekiston Super kubogi gʻolibi: 2013

Statistikalari

Klubda

Klub	Mavsum	Liga		Kubok		AFC		Jaʼmi
Klub	Mavsum	Isht	Gol	Isht	Gol	Isht	Gol	Isht	Gol
Neftchi	2010	15	0	2	1	-		17	1
	2011	9	0	3	1	-		12	1
	Jaʼmi	24	0	5	2	-		29	2
Buxoro	2012	25	5	6	0	-		31	5
	2013	26	12	0	0	-		26	12
	Jaʼmi	51	17	6	0	-		57	17
Bunyodkor	2014	20	6	5	3	7	2	32	11
	2015	2	2	0	0	4	1	6	3
	Jaʼmi	22	8	5	3	11	3	38	14
Jaʼmi faoliyatida		97	25	16	5	11	3	124	33

Terma jamoada

№	Sana	Maydon	Raqib	Hisob	Natija	Musobaqa
1.	15-noyabr 2013	Xanoy, Vyetnam	Vyetnam	1–0	3–0	AFC Osiyo kubogi 2015 saralash bosqichi
2.	19-noyabr 2013	Gon Kong	Gonkong	1–0	2–0	AFC Osiyo kubogi 2015 saralash bosqichi
3.	18-yanvar 2015	Melburn, Avstraliya	Saudiya Arabistoni	2–1	3–1	AFC Osiyo kubogi 2015