Yokote (Akita)
Yokote (yaponcha: 横手市 Yokote-shi) Yaponiyaning Akita prefekturasida joylashgan shahardir. 2019-yil 31-dekabr holatiga koʻra, shaharda 34.240 ta xonadonda hisoblangan 89.574 nafar aholi istiqomat qilishi aniqlangan va aholi zichligi har kvadrat kilometrga 130 kishidan toʻgʻri keladi[1]. Shaharning umumiy maydoni 693,04 km² (267,58 mil²) ni tashkil etadi.
Yokote 横手市 | |
|---|---|
| Shahar | |
 | |
 Bayroq  Gerb | |
| 39°18′49.4″N 140°33′59.8″E / 39.313722°N 140.566611°E | |
| Mamlakat | Yaponiya |
| {{{mintaqa_turi}}} | Tohoku viloyati |
| Asos solingan |
XI asr 1951-yil 1-aprel |
| Maydon | 69,304 km2 (26,758 kv mi) |
| Rasmiy til(lar)i | yapon |
| Aholisi (2019-yil aprel) |
89 574 |
| Zichligi | 130 kishi/km2 |
| Vaqt mintaqasi | UTC+9:00 |
Geografiyasi
tahrirYokote Akita prefekturasining janubi-sharqiy qismida joylashgan boʻlib, Ou togʻlari bilan oʻralgan, sharqda Ivate prefekturasi bilan chegaradosh. Yokote daryosi sharqiy Ou togʻlaridan tushib, shahar orqali oqib oʻtadi.
Qoʻshni munitsipalitetlar
tahrirIqlimi
tahrirYokote nam kontinental iqlimga ega (Köppen iqlim tasnifi Dfa/Cfa) boʻlib, katta mavsumiy harorat farqlari kuzatiladi, issiqdan issiq (va koʻpincha nam) yoz va sovuq (baʼzan qattiq sovuq) qish fasli bu hudud iqlimiga xosdir. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli darajasi kuzatiladi. Yokoteda oʻrtacha yillik harorat 11.2 °C (52.2 °F) ni tashkil etadi. Yillik oʻrtacha yogʻin miqdori 1,737.3 mm (68.40 in) boʻlib, dekabr eng seryogʻin oy hisoblanadi. Avgustda eng yuqori harorat 24.7 °C (76.5 °F) atrofida va eng past harorat yanvarda, taxminan −1.3 °C (29.7 °F) atrofida boʻladi.
| Yokote (1991−2020) iqlimi | |||||||||||||
|---|---|---|---|---|---|---|---|---|---|---|---|---|---|
| Koʻrsatkich | Yan | Fev | Mart | Apr | May | Iyun | Iyul | Avg | Sen | Okt | Noy | Dek | Yil |
| Mutlaq maksimal, °C | 11,0 | 14,6 | 20,6 | 31,6 | 33,7 | 34,6 | 38,1 | 38,6 | 36,4 | 31,8 | 25,5 | 18,4 | 38,6 |
| Oʻrtacha maksimal, °C | 1,4 | 2,6 | 6,9 | 15,0 | 21,3 | 25,2 | 28,3 | 30,0 | 25,7 | 19,0 | 11,5 | 4,2 | 15,9 |
| Oʻrtacha minimal, °C | −4,3 | −4,1 | −1,5 | 3,6 | 9,9 | 15,1 | 19,7 | 20,6 | 16,1 | 9,1 | 2,9 | −1,8 | 7,1 |
| Mutlaq minimal, °C | −15,5 | −16,4 | −11,5 | −6,5 | −0,2 | 5,7 | 9,3 | 11,2 | 4,3 | 0,0 | −10 | 15,9 | 16,4 |
| Yogʻingarchilik meʼyori, mm | 184,1 | 119,5 | 95,4 | 85,3 | 100,1 | 113,8 | 194,4 | 183,6 | 136,6 | 144,6 | 174,1 | 206,0 | 1 737,3 |
| Manba: Yapon Meteorologiya Agentligi[2][3] | |||||||||||||
Demografiyasi
tahrirYaponiya aholini roʻyxatga olish maʼlumotlariga koʻra[4], Yokote aholisi soni soʻnggi 70 yil ichida kamaygan.
| Yil | Aholi | ±% |
|---|---|---|
| 1950 | 148,075 | — |
| 1960 | 140,675 | −5.0% |
| 1970 | 124,16 | −11.7% |
| 1980 | 120,479 | −3.0% |
| 1990 | 115,761 | −3.9% |
| 2000 | 109,004 | −5.8% |
| 2010 | 98,378 | −9.7% |
| 2020 | 85,555 | −13.0% |
Tarixi
tahrirHozirgi Yokote hududi qadimgi Deva viloyatining bir qismi boʻlgan va Heian davridagi Gosannen urushidagi Kiyohara urugʻining asosiy manzilgohi boʻlgan. Sengoku davrining oxirida hudud Yokote qal’asida hukmronlik qilgan Onodera sulolasining nazorati ostiga oʻtgan. Biroq, Onodera Sekigahara jangida Tokugava Ieyasuga qarshi chiqadi va bu hudud Hitachi provinsiyasidagi sobiq mulklaridan Kubota domeniga koʻchirilgan Satake sulolasining nazorati ostiga oʻtadi. Tokugava syogunatining „har bir domen uchun bitta qal’a“ qoidasiga qaramay, Kubota domenida bir nechta qal’alar mavjud boʻlgani bilan ajralib turardi shuningdek, Yokote Meiji qayta tiklanishigacha Kubota urugʻiga qarashli ikkinchi darajali qal’a shaharchasi boʻlib qolgan.
Meidzi davri boshlangandan soʻng, hudud 1878-yilda Akita prefekturasining Hiraka tumani tarkibiga kiritildi, unda bitta shahar va 23 qishloq mavjud. Zamonaviy Yokote shahriga 1951-yil 1-aprelda asos solingan.
2005-yil 1-oktyabrda Hiraka, Jumonji, Masuda, Omonogava va Omori shaharlari, Sannay va Tayyu (barchasi Hiraka tumanidan) qishloqlari Yokotega birlashtirildi, u hozirda sobiq Hiraka okrugini, shuningdek, ayrim qishloqlar oʻrnini ham egallaydi. Meiji va Nishinarusei (avvalgi Ogachi tumanidan) hamda Kanazava qishlogʻi (sobiq Senboku tumanidan) shular jumlasidandir.
Hukumat
tahrir
Yokote toʻgʻridan-toʻgʻri saylanadigan mer va 25 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakliga ega. Shahar Akita prefekturasi assambleyasiga toʻrtta aʼzo qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining 3-Akita okrugi tarkibiga kiradi.
Iqtisodiyoti
tahrirYokote iqtisodiyoti qishloq xoʻjaligiga asoslangan.
Taʼlim tizimi
tahrirYokote shahar hukumati tomonidan boshqariladigan oʻn toʻrtta davlat boshlangʻich maktabi va oltita davlat oʻrta maktabi shuningdek, Akita prefekturasi taʼlim kengashi tomonidan boshqariladigan beshta davlat oʻrta maktabi faoliyat yuritadi. Prefekturada, yana, nogironlar uchun birlashtirilgan oʻrta/oʻrta maktab va bitta maxsus taʼlim maktabi ham bunyod etilgan.
Transporti
tahrirTemir yoʻl
tahrir.svg){kind=logo}
Sharqiy Yaponiya temir yoʻl kompaniyasi — Ou magistral liniyasi
- Jūmonji - Daigo — Yanagita - Yokote
Sharqiy Yaponiya temir yoʻl kompaniyasi — Kitakami liniyasi
- Kurosava — Komatsukava - Ainono - Yokote
Magistral yoʻl
tahrir- Yuzava-Yokote koʻchasi
- Akita tezkor yoʻli
- Milliy yoʻnalish 13
- Milliy yoʻnalish 107
- Milliy yoʻnalish 342
- Milliy yoʻnalish 397
Mahalliy diqqatga sazovor joylar
tahrir
- Akita zamonaviy sanʼat muzeyi
Mahalliy bayramlar
tahrirKamakura festivali
tahrirYokote oʻzining Kamakura festivali, qish oʻrtalari festivali bilan mashhur boʻlib, unda shahar boʻylab igluga oʻxshash qor uylari quriladi va ular yaponlar tilida kamakura deb nomlanadi. U Bonden festivali oldidan (fevral oʻrtalarida) oʻtkaziladi va uning joylashuv hududi shahar hokimiyati tomonidan belgilab beriladi. yerlik aholining bolalari kamakurada oʻtirib, tashrif buyuruvchilarga amazake va mochi taklif qilishadi. Bundan tashqari, shahar atrofida boshqa turdagi yapon festivali taomlari, jumladan, shaharning oʻziga xos meibutsu „Yokote yakisoba“ bilan savdo qiluvchi bir nechta doʻkonlar ham faoliyat yuritadi.
Har bir kamakura ichidagi xonaning orqa tomonida suv xudosi uchun qurbongoh oʻyilgan boʻlib, u yerda odamlar moʻl-koʻl hosil, oila aʼzolarining xavfsizligi, yongʻindan himoya va akademik muvaffaqiyat uchun ibodat qilishadi. Katta iglulardan tashqari, butun shahar boʻylab qurilgan mini- kamakuralarni ham uchratish mumkin. Kichkina qor gumbazlari ichida shamlar yoqilgan boʻladi. Doimiy saqlanuvchi kamukura va mini-kamakuraning baʼzilari mahalliy korxonalar tomonidan homiylik asosida yasaladi va baʼzida mahsulot reklamasi (uyali telefon kabi) kabilarni kamakura devorlarida koʻrinishi mumkin. Kamakurada yashashni yil davomida Kamakura-kan deb nomlangan Yokote shahar hokimiyatiga tutash binoda sinab koʻrish mumkin. Ichkarida 10 °C (50 °F) daraja haroratda saqlanadigan bir nechta kamakuralar mavjud va ulardan tashrif buyuruvchilar uchun istalgan vaqtda foydalanilishi mumkin.
Xalqaro munosabatlar
tahrirQardosh shaharlar
tahrirYokote quyidagilar bilan birodarlashgan :
Atsugi, Kanagava, Yaponiya, 1985-yil 24-maydan buyon- Naka, Ibaraki, Yaponiya, 2004-yil 24-oktyabrdan buyon
Yokote shahridan chiqqan taniqli odamlar
tahrir- Keyshi Handa, basketbolchi
- Makoto Hasegava, basketbol boʻyicha bosh murabbiy
- Tatsuzzo Ishikava, muallif
- Kiyonomori Masao, sumo kurashchisi
- Yasushi Sasaki, rejissyor.
- Sayuri Sugavara, musiqachi
- Yu Takaxashi, musiqachi
- Manabu Terata, siyosatchi
- Yoshinori Tomura, general
- Daisuke Usami, voleybolchi
Manbalar
tahrir- ↑ Yokote City official statistics (yaponcha)
- ↑ „ja:観測史上1～10位の値（年間を通じての値）“. JMA. Qaraldi: 4-aprel 2022-yil.
- ↑ „ja:気象庁 / 平年値（年・月ごとの値）“. JMA. Qaraldi: 4-aprel 2022-yil.
- ↑ Yokote population statistics
Havolalar
tahrir |
Vikiomborda Yokote (Akita) haqida turkum mavjud |
- Rasmiy veb -sayt (yaponcha)
- Ingliz tilidagi maʼlumotlar va maqolalar (English)
- Yokote sayyohlik veb-sayti (yaponcha)