Yuki (Ibaraki)
Yuki (yaponcha: 結城市 Yūki-shi) Yaponiyaning Ibaraki prefekturasida joylashgan shahar. 1-oktyabr, 2020-yil holatiga koʻra, shaharda 19,353 xonadonda 50,282 kishi yashaydi va shaharning har 1 km² hududiga 765 kishi toʻgʻri keladi. 65 yoshdan oshganlar 30.8% ni tashkil etadi[1]. Shahar hududi 65.76 km². Yuki anʼanaviy nomoddiy merosi boʻmish yūki-tsumugi mato ishlab chiqarish texnologiyasi bilan, yana u, koʻplab qadimiy Budda ibodatxonalari va Shinto kabi ziyoragohlari bilan ham mashhur hisoblanadi.
Yuki 結城市 | |
|---|---|
| shahar | |
 | |
 Bayroq  Gerb | |
| 36°17′22.76″N 139°52′17.51″E / 36.2896556°N 139.8715306°E | |
| Mamlakat | Yaponiya |
| Prefektura | Ibaraki |
| Hukumat | |
| • mer | Fumio Zenba (2011-yil avgustdan beri) |
| Maydon | 65.76 km2 (25.39 kv mi) |
| Iqlim turi | nam kontinental |
| Rasmiy til(lar)i | yapon |
| Aholisi (2020) |
50 282 kishi |
| Vaqt mintaqasi | UTC+9 |
| Telefon kodi | 20296-32-1111 |
|
| |
Geografiyasi
tahrirYuki Ibaraki prefekturasining uzoq gʻarbida joylashgan boʻlib, shimol va gʻarbda Tochigi prefekturasi bilan chegaradosh va Ibaraki prefekturasining qolgan qismidan Kinugava daryosi orqali ajratilib turadi. Oyama shahriga yaqin joylashganligi sababli madaniyat (masalan, dialektlar), iqtisodiyot va transport jihatidan Tochigi prefekturasi bilan chambarchas bogʻliq.
Atrofdagi munitsipalitetlar
tahrirIbaraki prefekturasi
Tochigi prefekturasi
- Oyama
Iqlimi
tahrirYuki nam kontinental iqlimga ega (Köppen iqlim tasnifiga koʻra), issiq yoz va sovuq qish va yengil qor yogʻishi bilan ajralib turadi. Yukida oʻrtacha yillik harorat 14.1 °C (57.4 °F). Yillik oʻrtacha yogʻinlar 1,321 mm (52.0 in) ni tashkil qiladi. Eng yomgʻirli oy bu – sentyabr. Eng yuqori harorat avgustda 26.2 °C (79.2 °F) atrofida va eng pasti yanvarda, taxminan 2.8 °C (37.0 °F)[2].
Demografiyasi
tahrirYaponiya aholini roʻyxatga olish maʼlumotlariga koʻra,[3] Yuki aholisi soʻnggi 40 yil ichida nisbatan barqaror boʻlib qolgan.
| Yil | Aholi | ±% |
|---|---|---|
| 1920 | 27,379 | — |
| 1930 | 30,948 | +13.0% |
| 1940 | 32,137 | +3.8% |
| 1950 | 39,894 | +24.1% |
| 1960 | 38,06 | −4.6% |
| 1970 | 39,561 | +3.9% |
| 1980 | 49,387 | +24.8% |
| 1990 | 53,288 | +7.9% |
| 2000 | 52,774 | −1.0% |
| 2010 | 52,494 | −0.5% |
| 2020 | 50,645 | −3.5% |
Tarixi
tahrirYuki hududi Nara davrida paxta, zigʻir va toʻqimachilik mahsulotlari ishlab chiqarish uchun muhim markaz edi. Kamakura davridan boshlab, hudud Yuki qasri atrofida qal'a shaharchasi qurgan Yuki urugʻi tomonidan nazorat qilingan. Qalʼa shaharcha keyinchalik Edo davrida Tokugava syogunligi ostidagi Mizuno urugʻi kichik boʻlimining 10 avlodi tomonidan boshqariladigan Yuki domenining markaziga aylandi.
Yuki shahri 1889-yil 1-aprelda zamonaviy munitsipalitetlar tizimining oʻrnatilishi bilan yaratilgan. 1954-yil 15-martda Yuki qoʻshni Yamakava, Kinugava, Egava va Kamiyamakava qishloqlari bilan birlashdi va shahar maqomiga koʻtarildi.
Hukumat
tahrirYuki toʻgʻridan-toʻgʻri saylanadigan mer va 18 aʼzodan iborat bir palatali shahar kengashiga ega boʻlgan mer-kengash boshqaruv shakliga ega. Yuki Ibaraki prefekturasi assambleyasiga bitta aʼzodan hissa qoʻshadi. Milliy siyosat nuqtai nazaridan, shahar Yaponiya Diet quyi palatasining Ibaraki 7-okrugi tarkibiga kiradi.
Iqtisodiyoti
tahrirYuki sanoat parkiga ega, ammo mahalliy iqtisodiyot qishloq xoʻjaligi va oziq-ovqat mahsulotlarini qayta ishlashga asoslangan. Asosiy ekinlar guruch, kanpyō, salat va makkajoʻxorini oʻz ichiga oladi.
Taʼlim
tahrirYuki shahrida toʻqqizta davlat boshlangʻich maktabi, shahar hukumati tomonidan boshqariladigan uchta davlat oʻrta maktabi va Ibaraki prefekturasi taʼlim kengashi tomonidan boshqariladigan uchta davlat oʻrta maktabi mavjud. Prefekturada nogironlar uchun maxsus taʼlim maktabi ham mavjud.
Transporti
tahrirTemir yoʻl
tahrir.svg){kind=logo}
JR Sharq - Mito liniyasi
- Otabayashi - Yuki - Higashi-Yuki
Magistral yoʻl
tahrir
4-milliy yoʻnalishi
50-milliy yoʻnalishi
Qardosh shahar
tahrir
Mahalliy diqqatga sazovor joylari
tahrir- Yuki qal'asi
- Mizuno Tadakuni qabri
- Eski omborlari boʻlgan Yuki eski shaharchasi
Yukilik taniqli insonlar
tahrir- Takeo Fujisava, Honda asoschilaridan biri
- Katsumi Hirosava, beysbolchi
- Yukie Nakayama, sport otishmachisi
Galereya
tahrir-
Xushmanzara maskan -
Shinkonbank bosh ofisi -
Temir yo'l stansiyasi yaqini maydondagi yodgorlik -
Yuki politsiya mahkamasi
Manbalar
tahrir- ↑ „Ibaraki prefectural official statistics“ (yaponcha).
- ↑ Yūki climate data
- ↑ Yūki population statistics
- ↑ „Yuki (Ibaraki) & Mechelen (Antwerp)“ (inglizcha). Sister Cities. Embassy of Japan in Belgium (2013). 2016-yil 4-martda asl nusxadan arxivlangan. Qaraldi: 13-dekabr 2015-yil.
Havolalar
tahrir- Rasmiy veb-sayti (yaponcha)