Yuriy Kulakov

Yuriy Ivanovich Kulakov (1936-yil 25-fevral, Qizil-Arvat) — Qoraqalpogʻiston Respublikasi sovet va oʻzbek madaniyat va sport arbobi, voleybol boʻyicha Butunittifoq toifasidagi hakam, Qoraqalpogʻiston Respublikasi va Oʻzbekiston Respublikasi murabbiyi va oʻqituvchisi.

Tarjimai hol

Yuriy Ivanovich Kulakov 1936-yil 25-fevralda Turkmanistonning Qizil-Arvat (hozirgi Serdar) shahrida tugʻilgan. 1954-yilda Qizil-Arvat shahar 5-sonli temir yoʻl maktabini tamomlagan. Oʻqishni bitirgandan keyin Nizomiy nomidagi Toshkent davlat pedagogika universitetining jismoniy tarbiya fakultetiga oʻqishga kirdi. Institutda oʻqishni tamomlab, 1959-yilda Qoraqalpogʻiston davlat pedagogika institutiga ishga yuborilib, ayni kungacha ushbu ta’lim maskanida faoliyat yuritib keladi.

Mehnat faoliyati

1959—1966-yillarda “Jismoniy tarbiya nazariyasi va metodikasi” kafedrasi oʻqituvchisi, katta oʻqituvchisi.
1966—1978-yillarda jismoniy tarbiya fakulteti dekani
1979-yildan universitet partiya qoʻmitasi kotibi
1979—1981-yillarda Qoraqalpogʻiston Respublikasi Vazirlar Kengashi huzuridagi Jismoniy tarbiya qoʻmitasi raisi.
1981—1983-yillarda Koraqalpogʻiston davlat universiteti sport kafedrasi mudiri
1983—1987-yillarda Koraqalpogʻiston davlat universiteti birlashgan kasaba uyushma qoʻmitasi raisi.
1987—1988-yillarda Jismoniy tarbiya fakulteti dekani
1988—1991-yillarda universitet partiya qoʻmitasi kotibi
1991—1992-yillarda Koraqalpogʻiston davlat universitetining tarbiyaviy ishlar boʻyicha birinchi prorektori
1993—2007-yillarda “Jismoniy tarbiya” kafedrasi hamda “Jismoniy tarbiya nazariyasi va metodikasi” kafedrasi mudiri.
1997-yil – hozirgi kungacha universitet sport klubi raisi

Darajalari

Oʻzbekiston Respublikasi Oliy Kengashining qarori bilan “Qoraqalpogʻiston Respublikasida xizmat koʻrsatgan madaniyat xodimi” (Birinchi mukofotlanganlar qatorida Yu.I.Kulakov, D. G.Lyan va A. Madaminovlar) unvoni beriladi
1976-yil — “Oʻzbekiston Respublikasida xizmat koʻrsatgan jismoniy tarbiya va sport xodimi” unvoni beriladi (Qoraqalpogʻistondan birinchilardan boʻlib Yu. I. Kulakov, E. F.Chalova mukofotlanadi).
1974-yil — Qoraqalpogʻiston Respublikasida birinchi va hozirgi kungacha yagona boʻlgan voleybol boʻyicha Butunittifoq toifali hakamlik unvoni beriladi.
1994-yil — Dosent ilmiy unvonini oladi.

Nashr etilgan kitoblari

Kulakov sport va sportchilar toʻgʻrisida uchta kitob yozadi va chop etadi.

2010-yil — „Eng yaxshi“ taniqli sportchilar va murabbiylar R.K. (ISBN 978-9943-346-79-6)
2012-yil — “Qoraqalpogʻistonda voleybol” (qoraqalpoq va rus tillarida)
2014-yil — “Oʻzbekistonda voleybol”nomli birinchi kitob 1925—1991-yillarni qamrab oladi (V.F.Shveduks bilan hammualliflikda oʻzbek va rus tillarida)

Hakamlik faoliyati

Yu.I.Kulakov umumittifoq toifali hakam sifatida voleybol musobaqalarini boshqargan.

Moskva shahridagi Butunjahon Universiadasi — 1973-yil
Ittifoq maktab oʻquvchilarining spartakiadasi

Olmaota shahri, 1974-yil
Lvov shahri 1976-yil
Toshkent shahri, 1978-yil
Toshkent shahri, 1982-yil

Voleybol boʻyicha ayollar jamoalari oʻrtasida Butunittifoq yoshlar oʻyinlari

Daugavpils shahri, Latviya, 1978-yil
Daugavpils shahri, Latviya, 1982-yil

SSSR chempioni unvoni uchun Rossiya va Ukraina jamoalari oʻrtasidagi oʻyin (3:0). Birinchi hakamlik sifatida faoliyati.

Daugavpils shahri, Latviya, 1982-yil

SSSR xalqlari spartakiadasi - erkak jamoalari

Moskva shahri, 1975-yil
Moskva shahri, 1979-yil

Yuqoridagi barcha musobaqalarda (Toshkent shahridan tashqari) Oʻzbekistondan yagona hakam Y.I.Kulakov boʻladi.

1962-1982 yillarda birinchi va oliy liga erkak va ayollar jamoalari oʻrtasidagi Ittifoq chempionatida hakamlik qiladi.

Sport faoliyati

Qoraqalpogʻiston terma jamoasi tarkibida Oʻzbekiston SSR chempionatlarida ishtirok etgan.

1959-yildan—1972-yilgacha voleybol
1959-yildan—1967-yilgacha basketbol
1960-yildan — 1970-yilgacha futbol

Havolalar

O‘zbekiston sport faxriylari (Wayback Machine saytida 27-sentabr 2021-yil sanasida arxivlangan) (otasining ismi notoʻgʻri)