Afisha

Afisha (fransuzcha: afﬁche, afﬁcher — eʼlon; qoʻyish, koʻrsatish) — reklamaning bir turi. Spektakl, konsert va boshqa adabiy tadbirlar, tomoshalar toʻgʻrisida xabar beruvchi maxsus eʼlon^[1]^[2].

Afisha tomoshaxonalar oldiga, koʻchalar, maydonlardagi maxsus taxtalarga yopishtirib qoʻyiladi. Miloddan avval bunday eʼlonlar devorga, taxtaga, toʻrtburchak ustunlarga yozilgan. Oʻrta asrlarda bu vazifani jarchilar bajargan. XVI asrdan afisha qogʻozlarda bosila boshladi. XIX asrda afisha ishlab chiqarish juda taraqqiy etdi. Bu soha bilan rassomlar shugʻullangani sababli afisha tasviriy sanʼatning bir turiga aylandi. 1914-yilning 15-yanvar sanasida Samarqandda, oʻsha yilning 27-fevralida Toshkentda (Hamza teatrida) „Padarkush“ (Behbudiy) spektakli qoʻyilishi munosabati bilan oʻzbek tilida ilk afishalar tarqatilgan. Hozirgi kunda suratli afishalar keng tarqalmoqda^[3].

Manbalar

↑ I. A. Akbarov. Музика луғати. Toshkent: Gʻafur Gʻulom nomidagi Adabiyot va sanʼat nashriyoti, 1987.
↑ I. A. Akbarov. Мусиқа луғати. Toshkent: Oʻqituvchi nashriyoti, 1997 — 384-bet. ISBN 5-645-02422-2.
↑ "Afisha" OʻzME. A-harfi Birinchi jild. Toshkent, 2000-yil

Havolalar

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

[1] I. A. Akbarov. Музика луғати. Toshkent: Gʻafur Gʻulom nomidagi Adabiyot va sanʼat nashriyoti, 1987.

[2] I. A. Akbarov. Мусиқа луғати. Toshkent: Oʻqituvchi nashriyoti, 1997 — 384-bet. ISBN 5-645-02422-2.

[3] "Afisha" OʻzME. A-harfi Birinchi jild. Toshkent, 2000-yil

[1]

[2]

[3]