Aldan togʻligi

Aldan togʻligi — Sharqiy Sibirdagi togʻlik, Saxa (Yakutiya)ning janubda. Stanovoy tizmasidan shim.roqda, Olyokma va Uchur daryolari oraligʻida, oʻrtacha balandligi 800-1000 m boʻlgan yassi qirlar koʻp, ularning orasidan balandligi 1400-2000 m keladigan ayrim-ayrim togʻ tizmalari (maksimal balandligi 2306 m) kutarilib turadi. Asosan arxey va proterozoy gneyslari va kristalli slaneslardan tuzilgan. 1100-1300 m balandlikkacha qaragʻay tilogʻoch oʻrmonlari va togʻ tilogʻoch taygasi, undan yuqorida kedr chakalaklari uchraydi. Yalangoch togʻ tepalari toshloq tundra. Temir rudasi, toshkoʻmir, slyuda, oltin konlari bor^[1].

Manbalar

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Rossiya oid ushbu maqola chaladir. Siz uni boyitib, Vikipediyaga yordam berishingiz mumkin.