Aleksey Ovchinin

Aleksey Ovchinin
Tavalludi	1971-yil 28-sentyabr (51 yosh) Ribinsk, Yaroslavl viloyati, Rossiya SFSR, SSSR
Fuqaroligi	Rossiya
Millati	rus
Kosmik karyera
Kosmosdagi vaqt	374 kun 19 soat 31 daqiqa
Tanlash	2006-yil TsPK-14 kosmonavtlar guruhi
Missiyalar	Soyuz TMA-20M (ekspeditsiya 47/48), Soyuz MS-10, Soyuz MS - 12 (ekspeditsiya 59/60)
Missiya belgisi	;

Aleksey Ovchinin (Ruscha: Алексей Овчинин^[1] 1971-yil 28-sentyabrda tugʻilgan) — Rossiya Harbiy-havo kuchlari mayori va kosmonavti, Ovchinin 2016-yilda oʻzining birinchi kosmik parvozini amalga oshirdi va 2018-yilda „Soyuz MS-10“ qoʻmondoni etib tayinlandi.

Yoshligi

Ovchinin Ribinsk shahridagi 2-sonli oʻrta maktabni tamomlagan.

1988-yil avgustdan 1990-yil sentyabrgacha Borisoglebsk oliy harbiy uchuvchilar maktabi kursanti, 1990-yil sentyabrdan 1992-yil avgustigacha Yeisk oliy harbiy uchuvchilar maktabining talabasi boʻlib, u yerda uchuvchi-muhandis malakasini oldi^[2].

Rossiya Federatsiyasi Mudofaa vazirining buyrugʻi bilan 2012-yilda Ovchinin Qurolli Kuchlar safidan zaxiraga olingan.

Kosmonavt faoliyati

2006-yil 11-oktyabrda kosmonavtlarni tanlash boʻyicha idoralararo komissiya yigʻilishida u Yuriy Gagarin nomidagi Kosmonavtlarni tayyorlash markaziga kosmonavt nomzodi sifatida tavsiya etildi^[3].

2008-yil 16-iyundan 22-iyungacha Sevastopolda u Robert Thirsk (Kanada) va Richard Garriott (AQSh) bilan birga oʻquv mashgʻulotlarida ishtirok etdi.

U 2015-yil 27-martda ishga tushirilgan „Soyuz TMA-16M“ ning zaxira ekipaji tarkibida mashq qildi. 2015-yilning kuzida Ovchinin va kosmonavt Oleg Skripochka 8 kun davomida XKS bortida kosmonavtlar uchun moʻljallangan 160 xil oshpazlik taomini tatib koʻrdi. Oziq-ovqat 9 balli tizimda baholandi.

Ekspeditsiya 47/48

Ovchinin 47-ekspeditsiya ekipajdoshi Tim Peake bilan

Ovchinin 2016-yil 18-mart kuni Soyuz TMA-20M komandiri sifatida UTC vaqti bilan 21:26 da, 47/ 48 - ekspeditsiyaning bir qismi sifatida uchirilgan^[4]. U 2016-yil 7-sentabr kuni orbitada 172 kun boʻlganidan soʻng ekipaj azolari bilan yerga qaytdi.

Ekspeditsiya 59/60

Ovchinin 2019-yil 14-mart kuni amerikalik astronavtlar Nick Hague va Christina Koch bilan birga “Soyuz MS-12” da, XKSga uchirildi. Uchlik ekspeditsiya 59 ekipajiga qoʻmondon Oleg Kononenko va parvoz muhandislari David Saint-Jacques va Anne McClain bilan qoʻshildi^[5].

Oilaviy hayot

Uning rafiqasi Svetlanadan, Yana ismli qizi (2007-yilda tugʻilgan) bor. Uning sevimli mashgʻulotlariga ov qilish, baliq ovlash va musiqa kiradi.

Manbalar

↑ Team, Forvo. „Овчинин pronunciation: How to pronounce Овчинин in Russian“ (inglizcha). Forvo.com. Qaraldi: 12-oktabr 2018-yil.
↑ „Alexey Ovchinin – ISS Expedition 47 | Spaceflight101“. 2022-yil 31-oktyabrda asl nusxadan arxivlangan. Qaraldi: 2022-yil 31-oktyabr.
↑ „squad CPC VVS.14 second set“. testpilot.ru. Qaraldi: 17-mart 2016-yil.
↑ „NASA Television to Air Launch of Next Record-Breaking U.S. Astronaut“. NASA (10-mart 2016-yil). Qaraldi: 17-mart 2016-yil.
↑ Gebhardt, Chris. „Soyuz MS-12 docks with the Space Station“. NASASpaceflight.com (14-mart 2019-yil).

[1] Team, Forvo. „Овчинин pronunciation: How to pronounce Овчинин in Russian“ (inglizcha). Forvo.com. Qaraldi: 12-oktabr 2018-yil.

[2] „Alexey Ovchinin – ISS Expedition 47 | Spaceflight101“. 2022-yil 31-oktyabrda asl nusxadan arxivlangan. Qaraldi: 2022-yil 31-oktyabr.

[3] „squad CPC VVS.14 second set“. testpilot.ru. Qaraldi: 17-mart 2016-yil.

[launch-4] „NASA Television to Air Launch of Next Record-Breaking U.S. Astronaut“. NASA (10-mart 2016-yil). Qaraldi: 17-mart 2016-yil.

[nsf20190314-5] Gebhardt, Chris. „Soyuz MS-12 docks with the Space Station“. NASASpaceflight.com (14-mart 2019-yil).

[1]

[2]

[3]

[4]

[5]