Anhor (qoʻshiq)
„Anhor“ („Anhor boʻyida“ deb ham nomlanadi) — „Bojalar“ oʻzbek musiqiy guruhi ijro etgan qoʻshiq. Guruh repertuaridagi eng keng tanilgan taronalarning biri.[1] Qoʻshiq matnini ham, kuyini ham oʻzbek reperi „Radius 21“ (haqiqiy ismi Shahzod Gʻulomov) yozgan.[2]
| „Anhor“ | |
|---|---|
| „Bojalar“ qoʻshigʻi | |
| Janr | pop musiqa |
| Davomiyligi | 3:53 |
| Matn muallif(lar)i | „Radius 21“ |
| Bastakor(lar) | Radius 21 |
| Klipi | |
| „Anhor“ YouTubeda | |
„Bojalar“ guruhining boshqa aksar qoʻshigʻi kabi, „Anhor“ ham hazil sheʼrga bastalangan. Qoʻshiq guruh aʼzosi Moʻmin Oripov vafot etishidan oldin yozib olingan taronalarning biridir. Qoʻshiqning remiksi guruhning 2015-yil eʼlon qilingan „Buxoro“ nomli terma albomiga kiritilgan[3].
Qoʻshiq uchun guruh aʼzolari Jahongir Poziljonov hamda Oripov ishtirokida qishloq manzaralari aks etgan klip suratga olingan. Klip 2013-yil YouTubega yuklanganidan keyin 2022-yil avgustiga qadar 11 million martadan oshiq koʻrilgan.[4]
2019-yil „Bojalar“ guruhi qoʻshiqni yangi talqinda kuylagan. Botir Aliyev aranjirovka qilgan yangi versiya uchun klip suratga olingan.[5]
Manbalar
tahrir- ↑ „«Божалар» Мўмин Ориповнинг ўлимидан кейин бачканалашиб кетдими? (видео)“. Zamin (25-oktyabr 2020-yil). Qaraldi: 7-avgust 2022-yil.
- ↑ „Жаҳонгир Позилжонов "Анҳор"ни янги талқинда куйлади“. Popcorn (10-avgust 2019-yil). Qaraldi: 12-avgust 2022-yil.
- ↑ „Buxoro“. Spotify. Qaraldi: 27-noyabr 2022-yil.
- ↑ „Bojalar - Anhor boʻyida“. YouTube (26-iyun 2013-yil). Qaraldi: 10-avgust 2022-yil.
- ↑ „Bojalar - Anhor“. YouTube (9-avgust 2019-yil). Qaraldi: 10-avgust 2022-yil.
Havolalar
tahrir
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |