Boris Aleksandrovich Arapov (1905.12.9, Peterburg — 1992.28.1) — rus kompozitori, pedagog, Oʻzbekistonda xizmat koʻrsatgan sanʼat arbobi (1944). 1930-yildan Leningrad konservatoriyasida kompozitsiyadan daryo bergan, professor (1948). Leningrad konservatoriyasi bilan 1941-44 yillarda Toshkentda evakuatsiyada boʻlgan. Sharq mavzulari va kuylariga izchil murojaat etgan. „Nasriddin Buxoroda“ musiqali komediyasi (F. Gʻulom va V. Vitkovich bilan hamkorlikda, 1943; Yangiyoʻl teatri), „Jaloliddin Xorazmiy“ oratoriyasi (A. Kozlovskiy bilan, 1944) va boshqa asarlari bilan oʻzbek musiqasiga hissa qoʻshgan. Opera va baletlar, 6 simfoniya, orkestr uchun konsert, „Rus syuitasi“, skripka va orkestr uchun 2 ta konsert, qator vo-kalsimfonik, kamer-vokal va cholgʻu asarlar, kinofilmlarga musiqalar yozgan.[1]
- ↑ "Arapov Boris Aleksandrovich" OʻzME. A-harfi[sayt ishlamaydi] Birinchi jild. Toshkent, 2000-yil
