Shokir Axmedov
Shokir Axmedov (25-fevral 1943-yil, Toshkent) – baletmeyster. Oʻzbekiston Respublikasi sanʼat arbobi (2000). Toshkent davlat xoreografiya bilim yurtini (1962), Moskva davlat teatr sanʼati institutining baletmeysterlik fakultetini (1972) tugatgan. 1962—1965-yillar Oʻzbek davlat Katta ashula va raqs ansamblida, 1972—1974-yillar „Shodlik“ ansamblida, 1974-yildan Muqimiy teatrida bosh baletmeyster. Axmedov sahnalashtirgan eng yaxshi raqslar: „Erkaklar katta raksi“, „Uchrashuv“; spektakllarda – „Jonim fido“, „Nurxon“, „Arshin mol olon“, „Super qaynona“, „Dilafroʻzga toʻrt oshiq“, „Taqdir“, „Ur, toʻqmoq!“, „Paranji sirlari“ va boshqa Axmedov Oʻzbekistonda oʻtkaziladigan tantanali bayramlarda bosh baletmeyster sifatida ishtirok etgan. Raqslarida zamonaviy-ijtimoiy ruh asosiy oʻrin tutadi. Mumtoz raqslarga ham yangicha sayqal berish, doimo originallikka, oʻziga xos raqslar yaratishga intilish Axmedov ijodiga xosdir.
| Shokir Axmedov | |
|---|---|
| Tavalludi |
25-fevral 1943-yil |
| Taʼlimi | Toshkent davlat xoreografiya bilim yurti |
| Kasbi | Baletmeyster |
| Mukofotlari | Oʻzbekiston Respublikasi sanʼat arbobi |
Adabiyotlar
tahrir- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |