Boltaxoʻja Umirzakov
Boltaxoʻja Ermatovich Umirzakov (1948-yil 25-oktyabr, Oʻrta Chirchiq tumani, Toshkent viloyati, Oʻzbekiston SSR) — oʻzbekistonlik olim, fizika-matematika fanlari doktori, professor.
| Boltaxoʻja Umirzakov | |
|---|---|
 | |
| Tavalludi |
25-oktyabr 1948-yil Oʻrta Chirchiq tumani, Toshkent viloyati, Oʻzbekiston SSR |
| Fuqaroligi |
 Oʻzbekiston |
| Ish joylari | Toshkent davlat texnika universiteti |
| Taʼlimi | Toshkent politexnika instituti |
| Ilmiy darajasi | fizika-matematikafanlari doktori |
| Ilmiy unvoni | professor |
| Mukofotlari |
  |
Biografiyasi
tahrirBoltaxoʻja Umirzakov 1948-yil 25-oktyabr Oʻrta Chirchiq tumanida tugʻilgan. 1966—1973-yillarda Toshkent politexnika institutining „Injenerlik fizika“ fakultetida tahsil olib, elektron texnika muhandisi ixtisosligini olgan[1]. 1973—1977-yillarda „Amaliy va nazariy fizika“ kafedrasida muhandis, 1978—1980-yillarda aspirant, 1981—1993-yillarda assistent, dotsent, 1993—2005-yillarda Toshkent davlat texnika universiteti „Elektron texnika materiallari fizikasi va texnologiyasi“ kafedrasining mudiri, 2004—2005-yillarda „Elektronika va avtomatika“ fakultetining dekani, 2006—2013-yillarda „Nanotexnologiya“ kafedrasi mudiri, 2013-yildan Toshkent davlat texnika universiteti „Umumiy fizika“ kafedrasida professor lavozimida ishlab kelmoqda[1].
Oilasi
tahrirOilali, 4 nafar farzandi bor[1].
Ilmiy faoliyati
tahrir1982-yilda fizika-matematika fanlari boʻyicha nomzodlik, 1993-yilda doktorlik dissertatsiyasini himoya qilgan. Ilmiy faoliyatini asosan nanomateriallar olish va nanoelektronika sohasiga bagʻishlagan va bu sohada respublikada birinchi boʻlib ilmiy maktab yaratgan (2000) va 2006-yilda Toshkent davlat texnika universitetida yangi „Nanotexnologiya va nanoelektronika“ taʼlim yoʻnalishi tashkil qilinishiga rahbarlik qilgan[1]. Ilmiy-pedagogik faoliyati mobaynida 800 dan ortiq ilmiy-uslubiy ishlar, shu jumladan 12 ta monografiya, 20 dan ortiq oʻquv qoʻllanma va darsliklar, 150 dan ortiq ilmiy maqolalar muallifi. Xalqaro pedagogik taʼlim fanlar akademiyasi (2010) va Xalqaro ekologiya, aholi va tabiat muhofazasi fanlar akademiyasining (2017) haqiqiy aʼzosi.
Mukofotlari
tahrir2019-yil „Mehnat shuhrati“ ordeni[2], 2023-yil 26-avgustda „Doʻstlik“ ordeni bilan mukofotlangan[3]..
Manbalar
tahrir- ↑ 1,0 1,1 1,2 1,3 Oʻzbekistonning taniqli olimlari ensiklopediyasi, 2-tom (oʻzbekcha), Toshkent: Science and Innovation, 2023 — 383-bet.
- ↑ „Ўзбекистон Республикаси давлат мустақиллигининг йигирма саккиз йиллиги муносабати билан фан, таълим, соғлиқни сақлаш, адабиёт, маданият ва санъат соҳалари ходимларидан бир гуруҳини мукофотлаш тўғрисида“ (2019-yil 29-avgust).
- ↑ „Ўзбекистон Республикаси мустақиллигининг ўттиз икки йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида“ (2023-yil 26-avgust).