Chen Ir Son (Andrey Buirovich)
| Shaxsiy maʼlumot | |||
|---|---|---|---|
| Toʻliq ismi | Chen Ir Son (Andrey Buirovich) | ||
| Tavallud sanasi | 6-avgust 1921-yil | ||
| Tavallud joyi | Vladivostok Uzoq Sharq Respublikasi | ||
| Vafot sanasi |
25-fevral 1981-yil (59 yoshda) | ||
| Vafot joyi |
Olmaota Qozogʻiston SSR  SSSR | ||
| Ampluasi | Hujumchi | ||
| Mukofotlari |
 | ||
| Professional faoliyati* | |||
| Yillar | Jamoa | Isht. | (Gol.) |
| 1946 |
Dinamo (Olmaota) | ||
| 1947 |
Spartak (Olmaota) | ||
| 1948—1953 |
Dinamo (Olmaota) | ||
| 1954—1955 |
Urojay (Olmaota) | 16 | (0) |
| Boshqargan klublari | |||
| - |
 KHDR | ||
| 1965—1967 |
Politodel | ||
| 1968 |
Vostok | ||
| 1969 |
Qayrat | ||
| 1974 |
Dinamo (Selinograd) | ||
| Xalqaro medallar | |||
| *Professional klublardagi gollari (ichki chempionat) | |||
Chen Ir Son Andrey Buirovich (Chen Ir-Song, Chen-Irson; 6-avgust 1921-yil, Vladivastok – 25-fevral 1981-yil, Olmaota, Qozogʻiston SSR) – koreys millatiga mansub sovet futbolchisi, hujumchi pozitsiyasida toʻp surgan. Oʻzbekiston SSRda xizmat koʻrsatgan murabbiy (1966).
Biografiya
tahrir1921-yil 6-avgustda Vladivostokda tugʻilgan.
1937-yilda Stalinning koʻchirish siyosati natijasida u Qozogʻistonda kelib qoldi. 1943-yilda „Dinamo“ (Olmaota) klubida oʻynay boshladi[1].
SSSR chempionatlarida Olmaotaning „Dinamo“ (1946, uchinchi guruh, 1948—1953, „B“ toifasi, „Spartak“ (1947, ikkinchi guruh), „Lokomotiv“ / „Hosil“, keyinroq „Qayrat“ nomi ostida faoliyat yuritgan (1954—1955, „B“ toifasidagi) jamoalarida oʻynagan.
1955-yilgi mavsumni futbolchi sifatida boshlagan Chen, mavsum boshidayoq bosh murabbiy Arkadiy Xoxmanning yordamchisi sifatida murabbiylikka oʻtgan. 1955-yilda „Urojay“ „B“ toifasidagi 2-zonaning 16 jamoasi ichida 10-oʻrinni egallagan. 1956-yilgi mavsumda jamoa juda past natijalar bilan boshlangan. Natijada 1-turdan soʻng Xoxman oʻrniga Moskvadan bosh murabbiy lavozimiga taniqli mutaxassis Pyotr Grigoryevich Zenkin taklif qilingan. Chen yanggi murabbiy bilan ham ishlashda davom etgan. 1956-yilda 18 ishtirokchidan 15-oʻrin, 1957-yilgi SSSR chempionatining 3-chi zonasi „B“ toifasida 16 jamoadan 7-oʻringa yuqorilishida katta ishni bajargan[1].
1958-yil 5-iyunda Shimoliy Koreya sport tashkilotlarining iltimosiga binoan Chen Pxenyan shahriga yuborilgan va u yerda bir necha yil davomida Shimoliy Koreya milliy, yoshlar va boshqa terma jamoalarida maslahatchi murabbiy boʻlib ishlagan. 1959-yilda SSSR boʻylab turnega chiqqan Pxenyan terma jamoasi bosh murabbiyi boʻlgan. 1966-yilgi jahon chempionatida sensatsion tarzda chorak finalga qadar yetib borgan KXDR terma jamoasi bosh murabbiyi Myung Rye-hyun, Chen Ir Sonning shogirdlaridan edi[2].
1965—1967-yillarda Oʻzbekiston SSR futbol jamoasi „Politotdel“ klubi bosh murabbiyi boʻlgan. Klub bilan 1966-yilda „A“ toifasining ikkinchi guruhi final turnirida ishtirok etib, jamoa 3-oʻrinni egallagan. 1966-yilgi mavsum yakunida Politodel futbolchilari SSSR sport ustasi, Chen Ir Son esa Oʻzbekiston SSRda xizmat koʻrsatgan murabbiy unvoniga sazovor boʻlgan.
1968-yilda Chen Ir Son „A“ toifasining 2-guruhida Qozogʻistonning boshqa ikkita jamoasida (Qaragʻandining „Shaxtyor“ va Chimkentning „Metallurg“) ishlagan. Gennadiy Kostyuchenko Chenning yordamchisi boʻlib ishlagan. Oʻsha davrda „Vostok“ unchalik yaxshi oʻyin koʻrsatmagan: 4-kichik guruhda 21 nafar turnir ishtirokchisi ichida atigi 15-oʻrin bilan kifoyalangan. Biroq, 1968-yilgi mavsumda jamoa QazSSR Vazirlar Kengashi kubogini qoʻlga kiritgan. 7-aprel kuni Olmaota shahrida boʻlib oʻtgan final bahsida „Vostok“ jamoasi „Jambul Vosxod“ni 2:1 hisobida magʻlub etgan.
1969-yilda „Qayrat“ jamoasiga ustozlik qilgan. Birinchi bosqichda jamoa 1-14-oʻrinlar uchun kurashgan guruhga kirish uchun yetarli ochkoga ega boʻlmagan, autsayder turnirda esa „Qayrat“ 20 ta oʻrindan 17-oʻrinni egallab, „A“ toifasi birinchi guruhini tark etgan.
Keyinchalik Chen Ir Son yana bir bor oʻzini professional jamoa murabbiyi sifatida sinab koʻrgan. 1974-yilda u 2-liganing 1-zonasida oʻynagan „Dinamo“ (Tselinograd) klubini boshqargan. Tselinograddagi ishlar yaxshi ketmagan va jamoa turnir jadvalida doimiy quyi pogʻonada edi. Musoboqaning 1-davrasi yakuniga yetganidan soʻng murabbiy almashgan. Iyulda Chen Ir Son oʻrniga Vladimir Kotlyarov kelgan.
1970-yillarda oʻzining professional murabbiylik faoliyatini yakunlab, M.Kirov nomidagi Qozoq milliy universiteti jismoniy tarbiya kafedrasi oʻqituvchisi boʻlib ishlagan.
Chen 1984-yil 25-fevralda Olmaotada vafot etgan, shaharning Shimoliy qabristoniga dafn qilingan.
Manbalar
tahrir- ↑ 1,0 1,1 100-letiyu Chen Ir Sona posvyaщaetsya
- ↑ „Chenovskaya zakalka“. 2015-yil 19-sentyabrda asl nusxadan arxivlangan. Qaraldi: 2023-yil 10-sentyabr.
Havolalar
tahrir- Chenning qattiqlashishi (Archive.is saytida 2015-09-19 sanasida arxivlangan) (mavjud havola)