Christy Grimshaw

Christy Grimshaw
Shaxsiy maʼlumot
Toʻliq ismi	Christy Louise Grimshaw
Tavallud sanasi	8-noyabr 1995-yil (29 yosh)
Tavallud joyi	Kirkcaldy, Shotlandiya
Vazni	YArim himoyachi
Klub maʼlumoti
Joriy klub	AC Milan
Raqami	11

Christy Luisa Grimshaw (1995-yil 8-noyabrda tugʻilgan, Kirkkaldi, Shotlandiya) — Shotlandiyalik futbolchi, Italiyaning «Milan» klubi va Shotlandiya terma jamoasi yarim himoyachisi.

Klubdagi karyera

«Aberdin»

U klubdagi faoliyatini 2011-yilda Aberdinga koʻchib oʻtishdan oldin «Diside» jamoasida boshlagan, u yerda 17 yoshida Shotlandiya ayollar premer-ligasida debyut qilgan^[1]. 2014-yilda u Barri universitetida oʻqish uchun Mayamiga koʻchib oʻtdi va u yerda besh yil davomida Barry Buccaneers futbol jamoasida oʻynadi.

«Metz»

Oʻqishni tamomlagandan soʻng, 2019-yil iyul oyida u Fransiyaning ayollar 1-divizioni «Metz» klubi bilan shartnoma imzoladi^[2]. 2019-yilning 24-avgustida u «Metz» safida debyutini Ayollar divizioni 1-turida «Gengamp»ga qarshi (0:2) mehmonda oʻtkazdi va asosiy tarkibda maydonga tushdi. 2019-yilning 12-oktabr kuni u Metz uchun ilk golini «Marsel» darvozasiga kiritib, oʻyinning 23-daqiqasida (1:3) hisobni ochdi. Fransiyada COVID-19 pandemiyasi tarqalishi sababli toʻxtatilgan va yakunlanmagan 2019/20-yilgi mavsum yakunlariga koʻra, jamoa chempionatda soʻnggi 12-oʻrinni egallab, 1-divizionni tark etdi. Hammasi boʻlib u Metz tarkibida 14 ta oʻyin oʻtkazgan (13 tasi ayollar divizioni va 1 tasi Fransiya kubogida) va 1 ta gol urgan.

«Milan»

2020-yil 16-iyulda u Italiya A seriyasining «Milan» klubiga oʻtdi va u bilan bir yillik shartnoma imzoladi^[3]. 2020-yil 23-avgust kuni u yangi jamoa safida A Seriya 1-turi doirasidagi Florensiyaga qarshi oʻyinda (1:0) asosiy tarkibda maydonga tushdi. Keyingi oʻyinda, 2020-yilning 29-avgustida u «Milan» uchun A Seriyadagi ilk gollarini San-Marinoga urdi (4:0)^[4]. 2021-yil yanvar oyida u Italiya Superkubogi-2020 yarim finalida oʻynadi, ammo «Milan» «Fiorentina»ga 1:2 hisobida yutqazdi. 2020/21- yilgi mavsum yakunida «Milan» A Seriyada 2-oʻrinni egallab, chempionatning kumush medallarini qoʻlga kiritdi, shuningdek, tarixda birinchi marta UEFA Chempionlar Ligasiga yoʻllanma oldi^[5]. 2020/21-yilgi Italiya Kubogida u jamoa bilan klub tarixidagi ilk mamlakat kubogi finaliga yoʻl oldi, unda «Milan» «Roma» bilan 0:0 hisobida durang oʻynadi va penaltilar seriyasida 3:4 hisobida magʻlub boʻldi^[6]. Hammasi boʻlib 2020/21-yilgi mavsumda u «Milan» safida barcha musobaqalarda 27 ta oʻyin oʻtkazdi (22 ta A Seriya, 6 ta Italiya kubogi va 1 ta Superkubok oʻyinlarida) va 2 ta gol urdi^[7].

2021-yilning 25-mayida u «Milan» bilan shartnomasini bir yilga uzaytirdi. 2021-yilning 17-avgustida u «Milan» safida Yevropa chempionlar ligasida 2021/2022-yilgi mavsumda UEFA Chempionlar ligasining birinchi saralash bosqichi oʻyinida Shveysariyaning «Syurix» klubiga qarshi (2:1) oʻyinda debyut qildi.

Terma jamoadagi karyera

2021-yil 31-may kuni Grimshaw Shotlandiya terma jamoasi bosh murabbiyi Styuart Maklaren tomonidan ilk bor Shimoliy Irlandiya va Uelsga qarshi oʻrtoqlik oʻyinlariga chaqirildi^[8]. 2021-yil 10-iyun kuni 25 yoshida u Shimoliy Irlandiyaga qarshi safar oʻyinida 90-daqiqada Kler Emslining oʻrnimaydonga tushgan holda Shotlandiya terma jamoasi safida debyut qildi^[9]. 2021-yil 21-sentabrda u Shotlandiya terma jamoasi safidagi ilk golini 2023-yilgi jahon chempionati saralash bahsida Farer orollariga qarshi oʻyinda kiritdi^[10].

Karyera statistikasi

Terma jamoa

Terma jamoadagi natijalari
Terma jamoa	Yil	Oʻyin	Gol
Shotlandiya terma jamoasi	2021	8	2
Shotlandiya terma jamoasi	2022	1	0
Umumiy		9	2

Xalqaro maydondagi gollari

Xalaqro gollar
Raqam	Sana	Joy	Raqib	Hisob	Natija	Turnir
1	21-Sentabr 2021-yil	Hampden Park, Glasgow, Shotlandiya		4–0	7–1	2023 FIFA Ayollar oʻrtasidagi jahon chempionati kvalifikatsiya	2	22-Oktabr 2021-yil	Hampden Park, Glasgow, Shotlandiya		1–0	2–1

Manbalar

[1] ttps://www.scottishfa.co.uk/news/christy-grimshaw-interview/?rid=1227

[2] ttps://www.fcmetz.com/2019-2020/actualites/feminines/trois-renforts-pour-les-messines

[3] ttps://m.milannews.it/milan-femminile/femminile-dal-metz-arriva-grimshaw-da-sempre-il-rosso-e-il-mio-colore-377808

[4] ttps://www.acmilan.com/en/news/articles/women/2020-08-29/ac-milan-too-strong-for-san-marino

[5] ttps://www.acmilan.com/en/news/articles/women/2020-08-29/ac-milan-too-strong-for-san-marino

[6] ttps://www.figc.it/it/femminile/news/la-roma-fa-la-storia-le-giallorosse-conquistano-la-coppa-italia-battuto-in-finale-il-milan-ai-rigori-30-05-2021/

[7] ttps://www.acmilan.com/en/news/articles/media/2021-05-25/official-statement-christy-grimshaw

[8] Grimshaw

[9] ttps://www.scottishfa.co.uk/news/weir-penalty-secures-win-over-northern-ireland/?rid=1227

[10] ttps://www.scottishfa.co.uk/news/swnt-7-1-faroe-islands-match-report/?rid=13925

[1]

[2]

[3]

[4]

[5]

[6]

[7]

[8]

[9]

[10]