Dildora Niyozova
Dildora Niyozova (1978-yil 14-sentabr, Toshkent, OʻzSSR, SSSR) – taniqli oʻzbek qoʻshiqchisi. „Ishonma“ nomli hazil qoʻshigʻi bilan xalq orasida tanilgan. Turli yillarda Xalqlar doʻstligi saroyida oʻzining 6 ta yakkaxon konsert dasturini taqdim etgan. 300 dan ortiq mualliflik qoʻshiqlari, 14 ta musiqiy albomi mavjud.
Dildora Niyozova | |
|---|---|
| Tavalludi |
14-sentyabr 1978-yil |
| Janrlar | estrada |
| Kasbi | qoʻshiqchi |
| Faoliyat yillari | 2000-yildan hozirga qadar |
| Fuqaroligi |
 SSSR →  Oʻzbekiston |
| Turmush oʻrtogʻi | Latifjon Yunusov |
| Taʼlimi | Respublika estrada-sirk kolleji |
| Millati | oʻzbek |
| Bolalari | 2 ta |
Biografiyasi
tahrirDildora Niyozova 1978-yil 14-sentyabr kuni Toshkent shahrida tugʻilgan[1]. Baʼzi bir manbalarga koʻra, Dildora Niyozova Yulduz Usmonovaning ashaddiy muhlisi boʻlgan, bolaligidan uning qoʻshiqlarini xirgoyi qilib yurgan. Respublika estrada-sirk kollejida tahsil olgan. Sanʼatning estrada yoʻnalishidagi ijodini 2000-yilda boshlagan[2]. Turli yillarda Xalqlar doʻstligi saroyida oʻzining 6 ta yakkaxon konsert dasturini taqdim etgan. 300 dan ortiq mualliflik qoʻshiqlari, 14 ta musiqiy albomi mavjud[1].
Dildora Niyozovaning „Ishonma“ nomli hazil qoʻshigʻi unga omad keltiradi[3]. U shu qoʻshigʻi orqali keyinchalik xalqqa taniladi. Xonandaning aytishicha „Ishonma“ qoʻshigʻini Fargʻona vodiysidagi toʻylarning birida undan bir necha marotaba qayta kuylashini soʻrashadi. Shu toʻyda qoʻshiqning rekord natijasi qayd etilib, bitta qoʻshiq ketma-ket 15 marta ijro etiladi. „Ishonma“ni Dildora Niyozovadan avval xorazmlik erkak qoʻshiqchi ijro etgan[2].
Dildora Niyozova oʻzining mega xit taronalari muallifi[4] Ruslan Sharipov bilan duet qilgan. Ular birgalikda kuylagan „Chilla“ dueti xit boʻlgach, Ruslan Sharipov ijodni tark etgan[5].
Oilasi
tahrirDildora Niyozova 2 farzandning onasi[1]: bir oʻgʻli va Muslima ismli qizi bor (2015-yil 9-oktyabrda tugʻilgan)[6][7]. Turmush oʻrtogʻi Latifjon Yunusov[8].
Manbalar
tahrir- ↑ 1,0 1,1 1,2 „“Litsenziyamni topshirishga tayyor edim”. Dildora Niyozova oʻranganidan soʻng “Oʻzbekkonsert”da boʻlgan majlis haqida gapirib berdi (video)“. Daryo.uz (2021-yil 16-iyun). Qaraldi: 2022-yil 16-iyun.
- ↑ 2,0 2,1 „“Qizil olma”, “Esingdami seni?”, “Ishonma” va oʻzbek estradasidagi 20-30 yildan buyon “yashayotgan” boshqa qoʻshiqlar (video)“. Daryo.uz (2022-yil 3-yanvar). Qaraldi: 2022-yil 16-iyun.
- ↑ „Ra’no Yarashevadan Feruza Normatovagacha. Oʻzbek shou-biznesining hijobga kirgan vakillari (foto)“. Daryo.uz (2021-yil 15-oktyabr). Qaraldi: 2022-yil 16-iyun.
- ↑ „“Ruslan Sharipov darvesh odam edi”. Javohir Zokirov “Ruslan Sharipovni doʻstlari yoʻqlamay qoʻygan”, degan gaplarga izoh berdi“. Daryo.uz (2022-yil 12-iyun). Qaraldi: 2022-yil 17-iyun.
- ↑ „Xonanda Ruslan Sharipovning shov-shuvga sabab boʻlgan suratlari: Kim nima deydi?“. Kun.uz (2016-yil 9-iyun). Qaraldi: 2022-yil 17-iyun.
- ↑ „Dildora Niyozova qiz farzandli boʻldi (foto)“. Kun.uz (2015-yil 14-oktyabr). Qaraldi: 2022-yil 17-iyun.
- ↑ „2015-yilda farzand koʻrgan oʻzbek san'atkorlari reytingi e'lon qilindi“. Kun.uz (2016-yil 4-yanvar). Qaraldi: 2022-yil 17-iyun.
- ↑ „Sevgi yosh tanlamaydi: Oʻzbek shou-biznesidagi yoshi orasida katta farq boʻlgan mashhur juftliklar (foto)“. Daryo.uz (2022-yil 7-fevral). Qaraldi: 2022-yil 16-iyun.