Diyor Xolmatov
Diyor Akmal oʻgʻli Xolmatov (ruscha: Холматов, Диёр; 2002-yil 22-iyul, Fargʻona) – oʻzbek futbolchisi, Paxtakor klubi va Oʻzbekiston futbol terma jamoasida yarim himoyachi pozitsiyasida oʻynaydi[1].
| Shaxsiy maʼlumot | |||
|---|---|---|---|
| Toʻliq ismi | Diyor Akmal oʻgʻli Xolmatov | ||
| Tavallud sanasi | 22-iyul 2002-yil | ||
| Tavallud joyi | Fargʻona, Oʻzbekiston | ||
| Boʻyi | 174 m (570 ft 10 1⁄2 in) | ||
| Ampluasi | Yarim himoyachi | ||
| Vazni | 70 kg | ||
| Klub maʼlumoti | |||
Joriy klub |
 Paxtakor | ||
| Raqami | 28 | ||
| Professional faoliyati* | |||
| Yillar | Jamoa | Isht. | (Gol.) |
| 2020— |
Paxtakor | 70 | (5) |
| Milliy terma jamoa‡ | |||
| 2021 |
Oʻzbekiston U-21 | 1 | (0) |
| 2021—2024 |
Oʻzbekiston U-23 | 15 | (0) |
| 2023– |
Oʻzbekiston | 1 | (0) |
|
*Professional klublardagi gollari (ichki chempionat) (2023-yil 12-dekabr uchun) ‡ Milliy terma jamoadagi gollari (2023-yil 25-dekabr uchun) | |||
Futbolchilik faoliyati
tahrirIlk yillari
tahrirDiyor Xolmatov 2002-yil 22-iyul Fargʻonada tugʻilgan. Diyor taniqli futbolchi Akmal Xolmatovning farzandi[2]. U Paxtakor futbol akademiyasi bitiruvchisi hisoblanadi. 2014-yilgi Bahodir Ibrohimov xotira turnirida eng yaxshi yarim himoyachi deb topilgan[3]. 2021-yilgacha Diyor Xolmatov Paxtakor U18 tarkibida harakat qilgan. Paxtakor U18 safida 3 ta oʻyinda maydonga tushib 1 ta gol urgan. Umumiy hisobda 19 daqiqa maydonda harakat qildi. 2021-yilning 1-yanvar kuni Paxtakorning asosiy jamoasi safiga qoʻshiladi. Diyor Xolmatov transfermarktdagi narxi 400 ming yevroni tashkil etadi[4].
Paxtakor safida
tahrirU kattalar futbolida Shota Arveladze boshchiligida Oʻzbekiston chempionatida 2020 -yil 28-oktabr kuni „Mashal“ jamoasiga qarshi oʻyinda (4:1) debyut qilgan. 2021-yil oxirida u Oʻzbekistonning eng yaxshi uch nafar yosh futbolchilaridan biriga kiritilgan[5].
Diyor Xolmatov 2021-yilning 1-yanvar kuni Paxtakorning asosiy jamoasi safiga qoʻshilgan. Diyor Xolmatov 2021-yilgi mavsumda Paxtakor safida Oʻzbekiston superligasida 19 ta oʻyinda maydonga tushib 1 ta gol kiritdi va Oʻzbekiston kubogida 3 ta oʻyinda maydonga tushdi. Umumiy hisobda 1306 daqiqa maydonda harakat qildi. 2021-yilning 21-dekabrda Paxtakor klubi Diyor Xolmatov bilan shartnomani 2 yilga uzaytirdi[6][7]. Oʻzbekistonning 2021-yildagi futbol boʻyicha eng yaxshilarini aniqlash uchun sport jurnalistlari oʻrtasida soʻrovnoma oʻtkazildi. Unga koʻra Diyor Xolmatov 71 ball bilan eng yaxshi yosh futbolchilar ichida 3-oʻrinni oldi[8]. Transfermarkt portali va Championat.asia sayti hamkorlikda 2021-yilning eng yaxshilarini aniqlashdi. Unga koʻra Diyor Xolmatov Superliganing eng yaxshi yosh futbochlisi deb topildi[9]. Diyor Xolmatov 2022-yilgi mavsumda Paxtakor safida Oʻzbekiston superligasida 10 ta, Oʻzbekiston kubogida 1 ta va Osiyo chempionlar ligasida 4 ta oʻyin oʻtqazadi. Umumiy hisobda 407 daqiqa maydonda harakat qildi. Keyinchalik u „Paxtakor“ning asosiy oʻyinchisiga aylandi va u bilan toʻrt marta Oʻzbekiston Superligasi gʻolibi boʻldi. Osiyo chempionlar ligasida ishtirok etgan[10].
Terma jamoadagi faoliyati
tahrirDiyor Xolmatov Oʻzbekistoning bir qancha yosh toifalarida uynagan. Jumladan: Oʻzbekiston U 19, Oʻzbekiston U 21 va Oʻzbekiston U 23. Diyor 15 yoshgacha boʻlgan Oʻzbekiston yoshlar terma jamoasida ham oʻynagan[11]. Oʻzbekiston U 21 jamoasidagi ilk debyut oʻyinini 2021-yil 28-may kuni Ukraina U 21 jamoasiga qarshi oʻtkazgan. Oʻzbekiston U23 jamoasidagi ilk debyut oʻyinini 2021-yil 27-oktabr kuni Saudiya Arabistoni U 23 jamoasiga qarshi oʻtkazgan. Diyor Xolmatov 2022-yil Oʻzbekistonda boʻlib oʻtgan AFC U-23 Osiyo chempionati uchun Oʻzbekiston U 23 yakuniy 23 ta futbolchidan iborat qaydnomasiga kiritilgan[12].
Oʻzbekiston U 23 terma jamoasi aʼzosi sifatida 2022 va 2024-yilgi turnirlarda yoshlar terma jamoalari oʻrtasidagi Osiyo chempionatida ikki marta kumush medalni qoʻlga kiritgan.
U Oʻzbekiston milliy terma jamoasi safida ilk bor 2023-yilning 25-dekabr kuni murabbiy Srechko Katanc boshchiligida Qirgʻizistonga qarshi norasmiy oʻyinda (4:1) maydonga tushgan. U Qatarda boʻlib oʻtadigan 2023-yilgi Osiyo Kubogi uchun Oʻzbekiston terma jamoasiga kiritilgan va Tailandga qarshi turnirda (2:1) bor-yoʻgʻi bitta oʻyin oʻtkazgan. JCh-2026 saralash kampaniyasi doirasida u uchta oʻyin oʻtkazgan[13].
2024-yilgi Parij Olimpiasi oʻyinlari boshlanishi arafasida Temur Kapadze Xolmatovni turnirda qatnashadigan futbolchilarning roʻyxatiga kiritgan[14].
Faoliyatidagi statistikasi
tahrirKlub safidagi statistikasi
tahrir| Klub | Mavsum | Liga | Milliy Kubok | AFC | Boshqa | Umumiy | ||||||
|---|---|---|---|---|---|---|---|---|---|---|---|---|
| Dvizion | Isht | Gol | Isht | Gol | Isht | Gol | Isht | Gollar | Isht | Gol | ||
| Paxtakor | 2021-yil | Superliga | 19 | 1 | 19 | 1 | 6 | 0 | — | 44 | 2 | |
| 2022-yil | Superliga | 10 | 0 | 1 | 0 | 4 | 0 | — | 15 | 1 | ||
| Jami | 19 | 1 | 20 | 1 | 10 | 0 | — | 59 | 3 | |||
Oʻzbekiston milliy futbol terma jamoasi safida statistikasi
tahrir| Yil | Isht | Gol |
|---|---|---|
| 2023 | 1 | 0 |
| 2024 | 2 | |
| Jami | 3 | 0 |
Yutuqlari
tahrirPaxtakor[15]: Oʻzbekiston Superligasi chempioni 2020, 2021, 2022, 2023
Paxtakor[16]: Oʻzbekiston Superkubogi sohibi 2021, 2022
Manbalar
tahrir- ↑ „Diyor Xolmatov“. 2022-yil 26-mayda asl nusxadan arxivlangan. Qaraldi: 2022-yil 10-sentyabr.
- ↑ „Сын уроженца Таджикистана: Главный пример для меня отец – Акмал Холматов“ (ru). Sports.tj (2024-yil 17-aprel). Qaraldi: 2024-yil 25-iyul.
- ↑ „Турнир памяти Баходира Иброхимова. «Бунёдкор» - чемпион!“ (ru). championat.asia (2014-yil 25-avgust). Qaraldi: 2024-yil 25-iyul.
- ↑ „2021-yilning 1-yanvar kuni Paxtakorning asosiy jamoasi safiga qoʻshiladi“.
- ↑ „Лучший молодой футболист года“ (ru). ufa.uz (2021-yil 27-dekabr). Qaraldi: 2024-yil 25-iyul.
- ↑ „Paxtakor klubi Diyor Xolmatov bilan shartnomani 2 yilga uzaytirdi“.
- ↑ „"Пахтакор" продлили контракт с Диёром Холматовым на два года“ (ru). sports.uz (2021-yil 21-dekabr). Qaraldi: 2024-yil 25-iyul.[sayt ishlamaydi]
- ↑ „Diyor Xolmatov eng yaxshi yosh futbolchilar ichida 3-o`rinni oldi.“.
- ↑ „Diyor Xolmatov Superliganing eng yaxshi yosh futbochlisi deb topildi“. 2022-yil 10-sentyabrda asl nusxadan arxivlangan. Qaraldi: 2022-yil 10-sentyabr.
- ↑ Diyor Xolmatov Soccerway saytida
- ↑ „CAFA U-15 Boys Tournament: Юношеская сборная Узбекистана начала своё участие с победы“ (ru). sports.uz (2017-yil 4-iyul). Qaraldi: 2024-yil 25-iyul.[sayt ishlamaydi]
- ↑ „Oʻzbekiston U23 yakuniy qaydnomasiga kiritildi“.
- ↑ [[{{{1}}} milliy futbol terma jamoasi|{{{1}}}]]
- ↑ „Объявлен состав сборной Узбекистана на Олимпиаду-2024. В него вошел футболист из КПЛ“ (ru). Sports.kz (2024-yil 4-iyul). 2024-yil 5-iyulda asl nusxadan arxivlangan. Qaraldi: 2024-yil 7-iyul.
- ↑ „Paxtakor jamoasiga 2021-yilgi Oʻzbekiston Superligasi kubogi topshirildi“.
- ↑ „Paxtakor O‘zbekiston Superkubogi-2021 sohibi“.
Havolalar
tahrir- Diyor Xolmatov Soccerway saytida
- Diyor Xolmatov FootballDatabase.eu saytida
- Diyor Xolmatov National-Football-Teams.com saytida