Dmitriy Chigiryov
Dmitriy Yevgenyevich Chigiryov (2001-yil 1-aprelda tugʻilgan) – rossiyalik konkida uchuvchi, hozirda Oʻzbekiston terma jamoasi aʼzosi[1]. Hozirgi konkida uchish boʻyicha hamkori Yekaterina Geynish bilan birga 2025-yilgi Qishki Osiyo oʻyinlari chempioni, 2024-yilgi Skate Canada International musobaqasi kumush medali va 2024-yilgi John Nicks xalqaro juftlik musobaqasining bronza medali sovrindori.
| Dmitriy Chigiryov | |
|---|---|
 Geynish va Chigiryov 2024-yilgi Skate Canada International musobaqasida | |
| Shaxsiy maʼlumotlari | |
| Asl ismi | Дмитрий Евгеньевич Чигирёв |
| Toʻliq ismi | Dmitriy Yevgenyevich Chigiryov |
| Ikkinchi ismi | Dmitriy |
| Davlat |
 Oʻzbekiston (2024-yildan) Rossiya (2018–2023) |
| Tavalludi |
1-aprel 2001-yil Saransk |
| Boʻyi | 1.88 m (6 ft 2 in) |
| Sherigi |
Yekaterina Geynish (2022-yildan) Anastasiya Kostyuk (2021–2022) Yekaterina Belova (2018–2021) |
| Murabbiyi |
Nina Mozer Vladislav Jovnirskiy Igor Chudin |
| Jamoasi | Oʻzbekiston qishki sport turlari assotsiatsiyasi |
| Uchishni boshlagan | 2008 |
Biografiyasi
tahrirChigiryov 2001-yil 1-aprelda Rossiyaning Saransk shahrida tugʻilgan. 2023-yildan 2024-yilgacha ikki karra jahon chempioni Yevgeniya Medvedeva bilan yaqin munosabatda boʻlgan[2][3][4].
Chigiryov 2008-yilda figurali uchish bilan shugʻullana boshlagan. Dastlab Saranskdagi figurali uchish akademiyasida 2016-yilgacha yakkalik konkida uchuvchi sifatida mashq qilgan. Keyinroq juftlikka oʻtishga qaror qilgan. Juftlik konkida uchuvchi sifatidagi dastlabki ikki yili davomida Nadejda Labazina va Lina Dreyer bilan hamkorlik qildi[5]. Keyinchalik Moskvaga koʻchib oʻtdi va Artur Dmitriyev qoʻl ostida UOR 4 Moskva Gomelskiy akademiyasida mashgʻulot oʻtkazdi. Yekaterina Belova bilan birlgalikda musobaqalarda qatnasha boshladi. Bu juftlik 2019-yilgi oʻsmirlar oʻrtasidagi Rossiya chempionatida toʻqqizinchi, 2020-yilgi oʻsmirlar oʻrtasidagi Rossiya chempionatida oʻninchi va 2020-yilgi Rossiya chempionatida oʻn ikkinchi oʻrinni egallagan holda uch mavsum birga kurash olib borishdi. 2020-2021-yilgi figurali uchish mavsumidan keyin ajraldi. Chigiryov Nina Mozer va Vladislav Jovnirskiy qoʻl ostida mashq qilish uchun Moskvadagi „Vorobyovy Gori“ konkida uchish maktabiga oʻtishga qaror qildi.
2022-yil aprel oyida Mozer va Jovnirskiy Chigiryovni Anastasiya Kostyuk bilan juftlashtirdi. Bu juftlik 2022-yilgi Budapest Trophy musobaqasida oʻsmirlar oʻrtasida kumush medalni qoʻlga kiritdi. Ularning hamkorligi tez orada tugatildi.
2021-2022-yilgi figurali uchish mavsumidan keyin Chigiryov Yekaterina Geynish bilan birga mashq qila boshladi. Geynish va Chigiryov 2022-yilgi kattalar oʻrtasidagi Rossiya kubogi Gran-prisining 2 va 5 bosqichlarida qatnashishdi. Ikkala musobaqada ham beshinchi oʻrinni egallashdi.
2023-yilning may oyida juftlik Oʻzbekiston nomidan musobaqalarga qatnashish qarorini eʼlon qilishdi[6].
Geynish va Chigiryov 2024-yilgi John Nicks xalqaro juftlik musobaqasida bronza medalini qoʻlga kiritdi. 2024–2025-yilgi Gran-pri musobaqalarida qatnashish uchun tanlangan bu juftlik 2024-yilgi Skate Canada International musobaqasida qatnashib, qisqa dasturida toʻrtinchi oʻrinni, konkida erkin uchish dasturida ikkinchi oʻrinni qoʻlga kiritdi[7]. Bu natija bilan Geynish va Chigiryov kattalar oʻrtasidagi Gran-pri medalini qoʻlga kiritgan Oʻzbekiston sharafini himoya qilgan birinchi juftlik boʻldi[8]. Bir hafta oʻtgach, juftlik 2024-yilgi Grand-Prix de France musobaqasida qatnashdi. Qisqa dasturda beshinchi va konkida erkin uchish dasturida yettinchi oʻrinni egallab, umumiy hisobda oltinchi oʻringa tushib ketdi.
Dasturlar
tahrir- GP – ISU Grand Prix musobaqasi
- CS – ISU Challenger Series musobaqasi
| Mavsum | Qisqa dastur | Erkin dastur | Eslatma |
|---|---|---|---|
| 2022–23 |
Nikolay Nekrasov (muallif) |
Michel Legrand (muallif) |
|
| 2024–25 |
Kiyoshi Yoshida (muallif) |
Concha Buika / Jacob Sureda (muallif) |
Yekaterina Geynish bilan juftlik
tahrir| Mavsum | 2024—25 |
|---|---|
| GP Grand Prix de France | 6 |
| GP Skate Canada International | 2 |
| CS John Nicks Pairs Challenge | 3 |
| Qishki Osiyo oʻyinlari | 1 |
Manbalar
tahrir- ↑ „Russian figure skaters intend to compete for Uzbekistan“ (en-US). yuz.uz (2024-yil 21-may). Qaraldi: 2024-yil 28-oktyabr.
- ↑ Матросова. „Парень Медведевой и дочь Морозова меняют спортивное гражданство. Что происходит?“. Championat. Qaraldi: 2024-yil 28-oktyabr.
- ↑ Сыкова. „"Я сейчас девушка свободная": Евгения Медведева объявила о расставании с фигуристом Дмитрием Чигиревым“. The Voice Magazine. Qaraldi: 2024-yil 4-noyabr.
- ↑ Несын. „Любимый мужчина фигуристки Евгении Медведевой задумал "побег" в сборную Узбекистана. Дмитрий Чигирев уже подал необходимые для перехода документы“. KP.RU. Qaraldi: 2024-yil 28-oktyabr.
- ↑ „Екатерина Белова/Дмитрий Чигирев“. Instagram. Qaraldi: 2024-yil 28-oktyabr.
- ↑ „Фигуристы Гейниш и Чигирев намерены выступать за Узбекистан“. Tass. Qaraldi: 2024-yil 28-oktyabr.
- ↑ Slater, Paula. „Stellato-Dudek and Deschamps defend Skate Canada title“. Golden Skate (2024-yil 27-oktyabr). Qaraldi: 2024-yil 2-noyabr.
- ↑ „History made! 🇺🇿“. Facebook. International Skating Union. Qaraldi: 2024-yil 28-oktyabr.