Dolen Omurzakov stadioni
Dolen Omurzakov stadioni Qirgʻizistonning Bishkek shahridagi koʻp maqsadli stadiondir. Hozirda asosan futbol oʻyinlari uchun foydalaniladi[2]. Stadion 23 000 tomoshabinga moʻljallangan boʻlib, hozirda Qirgʻiziston futbol klublari Dordoy Bishkek va Alga Bishkekning uy maydoni hisoblanadi. Stadion ilgari „Spartak“ stadioni nomi bilan tanilgan.
| Joyi | Bishkek, Qirgʻiziston |
|---|---|
| Asos solingan | 1939 |
| Qachon qurilgan | 1941 |
| Qachon ochilgan | 1941 |
| Qachon taʼmirlangan | 1963 |
| Egasi | FFKR |
| Operator | KTRK |
| Yuzasi | Gibrid |
| Hajmi | 23,000[1] |
| Maydon egalari | |
|
Qirgʻiziston milliy futbol terma jamoasi Dordoy Bishkek Alga Bishkek | |
Tarixi
tahrirDolon Omurzakov nomidagi asosiy sport arenasi („Spartak“ stadioni) Qirgʻiziston poytaxti Bishkek shahrida joylashgan koʻp funksiyali stadion boʻlib, mamlakatdagi eng yirik stadiondir. 23 000 tomoshabinga moʻljallangan. Arena Qirgʻiziston milliy futbol jamoasi va „Dordoy“ futbol klubining uy stadionidir. Shuningdek, stadionda baʼzan Bishkekdagi turli futbol klublari va Qirgʻizistonning turli yosh toifalaridagi uy oʻyinlari ham boʻlib oʻtadi.
Stadion Qirgʻiziston SSR sport qoʻmitasining birinchi rahbari, 1950-yillarning boshidan 1970-yillarigacha bu lavozimda 30 yildan ortiq ishlab kelgan, oʻsha davrning mashhur sport yetakchisi Dolen Omurzoqov[3][4] nomi bilan atalgan.
Stadion dastlab oddiygina „Spartak“ deb nomlangan va 1939-yilda tashkil etilgan. Stadion 1941-yilda qurib bitkazilgan. Sovet davrida Bishkek futbol jamoalari uy uchrashuvlarini stadionda oʻtkazishgan. Shuningdek, ushbu stadionda Qirgʻizistonning eng mashhur futbol klubi „Alga“ oʻz uy uchrashuvlarini oʻtkazgan. Hozirda bu klub oʻz uy uchrashuvlarini asosan 10 000 tomoshabinga moʻljallangan „Dinamo“ stadionida oʻtkazmoqda.
Stadion birinchi marta 1963-yilda, keyinroq 1980-yillarning oxiri va 2000-yillarning boshlarida kapital taʼmirlangan. Stadionda futbol oʻyinlaridan tashqari, boshqa sport turlari boʻyicha musobaqalar, turli davlat va shahar bayramlari va tadbirlari oʻtkaziladi.
Manbalar
tahrir- ↑ „Stadion im. Dolena Omurzakova“. soccerway. Qaraldi: 18-avgust 2017-yil.
- ↑ „Dolen Omurzakov nomidagi stadion Qirg'iz Respublikasi – O'zbekiston bahsiga shay!“ (2024-yil 9-sentyabr).
- ↑ „Tarixiy shaxslar: Omurzakov Dolen Omurzakovich“ (Qirgʻiz) (2014-yil 18-mart).
- ↑ „Долен Омурзаков ким бўлган?“ (2024-yil 10-sentyabr).