Florence Howell Barkley
Florence Howell Barkley (1880-yil — 1954-yil) — amerikalik landshaft dizayni rassomi va illyustrator. U asosan dengiz manzaralarini moy va akvarelda tasvirlash hamda koʻplab mashhur gazetalarga sur’atlar chizib berish bilan tanilgan. Shuningdek, Florence Howell Barkley rasmiy taʼlim olishga muvaffaq boʻlgan kam sonli ayollardan biri edi. Uning eng mashhur ojodiy ishi 1912-yilda yaratilgan va 1913-yilda namoyish etilgan. Uning karyerasi Birinchi jahon urushi tufayli toʻxtab qoladi va keyinchalik asosan mustaqil illyustratsiya ishlaridan iborat asarlar yarata boshlaydi.
| Florence Howell Barkley | |
| Tavalludi | 1880-yil 17-fevral Maysville (Kentucky) |
| Vafoti | 1954-yil Northfield |
| Millati | amerikalik |
| Oqim | Modernizm |
| Mashhur suratlari | Jerome Avenue Bridge (tarjimasi „Jerome Avenue koʻprigi“) |
Hayotining dastlabki yillari
tahrir
Florence Howell Barkley 1880-yil 17-fevralda Kentukki shtatining Maysville shahrida irlandiyalik immigrant va mexanik ishchi Henry Clay Barkley va Isabella Imogene Howell oilasida tugʻilgan[1]. U yetti aka-uka bilan Maysvilleda oʻsgan va barchasi maktabda oʻqishgan. 1897-yilda ota-onasi vafotidan keyin Barkley singlisi Helen, ukasi Frank, ukasi Harry va Harryning rafiqasi Lillie bilan birga yashadi. Uning akalari HC Barkley & Company nomli kichik poyafzal doʻkonini ochishdi, singlisi ushbu ishlarda oilasiga qarashgan[2]. Bu vaqt ichida Barkley va uning singlisi Helen akvarel va pastel ranglarda peyzajlar hamda gulli kompozitsiyalarning rasmlarini yaratishni boshladilar. Ular Mason okrugi yarmarkasida tashkil etilgan tanlovlarga oʻz asarlarini taqdim etishadi[3]. Barkley 20 yoshga toʻlgunga qadar Maysvilleda aka-ukalari bilan yashagan.
Taʼlimi
tahrir1900-yilda 20 yoshida Barkley sanʼat sohasini batafsil oʻrganish uchun Sinsinnatiga koʻchib oʻtdi. U Sinsinnati sanʼat akademiyasida tahsil olgan, u yerda peyzaj rasmini oʻrgangan.
Barkley keyinchalik ayollar uchun tashkil etilgan Filadelfiya dizayn maktabida ham tahsil oladi. Ushbu maktabda u Robert Henri tomonidan oʻqitilgan koʻp ayollardan biri edi. Robert Henri ayollar modernizmining rivojlanishiga yordam berdi, chunki uning shogirdlari oʻzining modernistik gʻoyalarini turli ommaviy axborot vositalarida qoʻllashdi. Barkley uning koʻrsatmasi ostida yaxshigina rivojlanadi. Keyinchalik eng mashhur modernistik asarlarini yaratdi. U maktabdagi boshqa taniqli ayol rassomlar, jumladan Josephine Hopper va Henrietta Shore bilan doʻstona munosabatda edi[4].
Ijodiy faoliyati
tahrirBarkley Nyu-York shahriga koʻchib oʻtdi va The World nashrida illyustrator sifatida ishladi[5]. U yarim yil davomida illyustrator boʻlib ishlagan va boʻsh vaqtlarida landshaft rasmlarini yaratgan.
Barkleyning eng koʻzga koʻringan asari Jerome Avenue Bridge (tarjimasi „Jerome Avenue koʻprigi“) peyzaj rasmidir. Ushbu moyli rasmda Bronksda, uning qarorgohi yaqinida joylashgan Makombs toʻgʻon koʻprigi tasvirlangan. Dastlab Landscape over the City (tarjimasi „Shahar ustidagi landshaft“) deb nomlangan, narxi 100 dollar boʻlgan ushbu asar 1913-yilda Armory Showning E galereyasida namoyish etilgan[6]. U Arthur Bowen Davies, Walt Kuhn va Joseph Stella asarlari yonida namoyish etilgan. Barkley koʻrgazmada ishi namoyish etilgan ellikta ayoldan biri edi.
Uning ikkita asari 1917-yil 10-apreldan 6-maygacha Nyu-York shahridagi Grand Central Palacedagi „Mustaqil rassomlar jamiyati“ning birinchi yillik koʻrgazmasi doirasida namoyish etildi[7].
Faoliyatining boshida Birinchi jahon urushi boshlandi va u rasm chizishni toʻxtatdi va Qizil Xochda ishladi[8].
Barkley urushdan keyin, 1921-yilda Nyu-Yorkdagi Century Illustrated Monthly Magazine jurnalida ishlagan. U yuzlab maqolalar uchun rasmlar yaratdi. Uning illyustratsiya uslubi boʻsh chiziqlar va biroz mavhum raqamlar bilan bogʻliq edi[9]. U Nyu-Yorkning 15-Wardida rassom Grace James bilan birga yashagan[10].
Manbalar
tahrir- ↑ 1880 U.S. Federal Population Census. National Archives, 1880.
- ↑ 1900 U.S. Federal Population Census. National Archives, 1900 — 23-bet.
- ↑ „The Evening Bulletin“ (1900-yil 9-avgust).
- ↑ Levin, Gail. Edward Hopper: An Intimate Biography. University of California Press, 1998 — 164-bet.
- ↑ Wardle, Marian. American Women Modernists: The Legacy of Robert Henri, 1910-1945. Rutgers University Press, 2005 — 179-bet.
- ↑ „Armory Show 1913 Complete List“. The Armory Show at 100. New York Historical Society. Qaraldi: 2015-yil 12-may.
- ↑ Society of Independent Artists (New York. Catalogue of the ... Annual Exhibition of the Society of Independent Artists ..., Harvard University (English), The Society, 1917.
- ↑ Wardle, Marian. American Women Modernists: The Legacy of Robert Henri, 1910-1945. Rutgers University Press, 2005.
- ↑ Informal Talks About The Century Magazine. Scribner & Company (1922).
- ↑ 1930 U.S. Federal Population Census. New York: National Archive, 1922.