Gennadiy Kutateladze
Gennadiy Platonovich Kutateladze (1931-yil 25-avgust, Margʻilon, Oʻzbekiston SSR — 2015-yil 30-mart, Bishkek, Qirgʻiziston) — sovet va qirgʻiz arxitektori, Qirgʻiziston SSRda xizmat koʻrsatgan arxitektor (1974)[1].
| Gennadiy Platonovich Kutateladze | |
|---|---|
| gruzincha: გენადი პლატონოვიჩ ქუთათელაძე | |
 | |
| Tavalludi |
25-avgust 1931-yil |
| Vafoti |
30-mart 2015-yil (83 yoshda) Bishkek |
| Fuqaroligi |
 Qirgʻiziston |
| Taʼlimi | Moskva arxitektura instituti |
| Kasbi | Meʼmor |
| Faoliyat yillari | 1957—1987 |
| Unvoni | Qirgʻiziston SSRda xizmat koʻrsatgan arxitektor (1974) |
| Mukofotlari |
   |
Tarjimayi holi
tahrirGennadiy Kutateladze 1931-yil 25-avgustda Margʻilonda tavallud topgan[2][3]. Millati gruzin[1]. 1957-yilda Moskva arxitektura institutini umumiy arxitektura mutaxassisligi boʻyicha tamomlagan[3]. 1957—1961-yillari „Kirgizgiprostroy“ davlat loyihalash institutida ishlagan[3], ushbu muasssasada oddiy arxitektordan to loyihalar bosh arxitektori lavozimida ishlagan[4]. 1971-yilda Kutateladze Frunze shahar ijroiya qoʻmitasi qarashli Arxitektura va qurilish bosh boshqarmasi boshligʻi lavozimiga oʻtkaziladi, keyinchalik esa Frunze shahrining bosh meʼmori lavozimiga tayinlanadi. 1958-yildan SSSR arxitektorlar uyushmasi aʼzosi[4]. Ushbu jamoa tarkibida Kutateladze Frunze shahrining arxitektura va qurilish loyihasini ishlab chiqishda ishtirok etgan.
1958-yili Toktogul Satilganov maqbarasi boʻyicha oʻtkazilgan respublika tanlovida jamoasi bilan faxriy oʻrinni, 1967-yili Qirg'iziston SSRda qishloq qurilishi uchun bir qavatli bir va ikki xonadonli turar-joy binolari loyihalari boʻyicha oʻtkazilgan respublika tanlovida jamoasi bilan birga 2-oʻrinni, 1970-yil Qirgʻiziston SSR Kant tumanidagi „Alamedin“ sovxozining markaziy binosini rejalashtirish va qurish boʻyicha oʻtkazilgan butunittifoq tanlovida jamoasi bilan birga 2-oʻrinni, xuddi shu yili Frunze shahridagi „Inturist“ mehmonxonasi oʻtkazilgan butunittifoq tanlovida jamoasi bilan faxriy oʻrinni, 1972-yilda Frunze shahridagi Tasviriy sanʼat muzeyi boʻyicha oʻtkazilgan respublika tanlovida jamoasi bilan 3-oʻrinni egallaydi.
1971—1975 yillarda Frunze shahar xalq deputatlari shahar Kengashi deputat boʻlgan[4].
Vafoti
tahrir2015-yil 30-mart kuni Bishkek shahrida 83 yoshida vafot etadi[1][2][3].
Meʼmorchilik ishlari
tahrir- 1963-yil — Frunze shahridagi markaziy dorixona binosi (jamoaviy);
- 1967-yil — Mixail Frunze muzeyi (jamoaviy), Frunze shahridagi „Kirgizgiprostroy“ instituti binosi[4];
- 1969-yil — Qirgʻizistonning shimoliy hududlari uchun bir qavatli turar-joy binolari uchun standart loyihalar kompleksi (jamoaviy);
- 1970-yil — Frunze nomidagi chorvachilik institutining markaziy binosi;
- 1971-yil — Frunze shahridagi Qirgʻiziston SSR Qurilish vazirligi binosi;
- 1973-yil — „Kirgizdortransproyekt“ instituti binosi (jamoaviy);
- 1974-yil — Qirgʻiziston SSR Kant tumanidagi Karl Marks nomidagi sovxozning 600 oʻrinli klubi (jamoaviy);
- 1976-yil — Frunze shahridagi „Pishpek“ mehmonxonasi (jamoaviy);
- 1981-yil — Frunze shahridagi „Koʻk-Jar“ mikrorayoni (jamoaviy);
- 1983-yil — „Oʻsh bozori“ (jamoaviy);
- 1984-yil — Frunze shahridagi Lenin prospektini kompleks yoritish (jamoaviy), Frunze shahridagi Vladimir Lenin nomli markaziy maydon (jamoaviy);
- 1986 yil — Frunze shahridagi Kirgizagroprom binosi (jamoaviy), Frunze shahridagi Moliya vazirligi axborot-hisoblash markazi binosi va Meva-sabzavotchilik vazirligi binosi (jamoaviy)[4].
Manbalar
tahrir- ↑ 1,0 1,1 1,2 „Kutateladze Gennadiy Platonovich“ (rus tilida). 2022-yil 26-avgustda asl nusxadan arxivlangan. Qaraldi: 2023-yil 9-iyun.
- ↑ 2,0 2,1 „Kutateladze Gennadiy Platonovich“ (rus tilida). 2023-yil 9-iyunda asl nusxadan arxivlangan. Qaraldi: 2023-yil 9-iyun.
- ↑ 3,0 3,1 3,2 3,3 „V Kirgizstane skonchalsya avtor masshtabnoy arxitekturnoy perestroyki sentra Bishkeka Gennadiy Kutateladze“ (rus tilida). 2020-yil 28-sentyabrda asl nusxadan arxivlangan. Qaraldi: 2023-yil 9-iyun.
- ↑ 4,0 4,1 4,2 4,3 4,4 „Kutateladze, Gennadiy Platonovich“ (rus tilida). 2023-yil 5-oktyabrda asl nusxadan arxivlangan. Qaraldi: 2023-yil 9-iyun.