Jorvan Vieira
Jorvan Vieyra (1953-yil 29-sentabrda tugʻilgan) – braziliyalik va portugaliyalik futbol murabbiyi va sobiq futbolchi, Braziliya A Seriyasida „Botafogo“, „Vasko da Gama“ va „Portugaliya“ klublarida oʻynagan va hozirgi kunda murabbiy sifatida faoliyat boradi.
 | |||
| Shaxsiy maʼlumot | |||
|---|---|---|---|
| Tavallud sanasi | 29-sentyabr 1953-yil | ||
| Tavallud joyi | Dukidi-kashias, Braziliya | ||
| Ampluasi | Himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1970–1972 | Vasco da Gama | ||
| 1972–1978 | Botafogo | ||
| 1978–1980 | Portuguesa | ||
| Boshqargan klublari | |||
| 1980 | Qatar SC | ||
| 1982–1983 | Oman U-20 | ||
| 1983–1984 | FAR Rabat | ||
| 1984 | Wydad Casablanca | ||
| 1984 | Tihad Sportif Casablanca | ||
| 1984–1986 | IR Tanger | ||
| *Professional klublardagi gollari (ichki chempionat) | |||
Faoliyati
tahrirFutbolchilik faoliyati
tahrirVieyra Braziliyaning Rio-de-Janeyro shtatidagi Dukidi-kashias shahrida tugʻilgan. U oʻzining professional futbolchilik faoliyatini toʻrt yili davomida Sport tibbiyoti yoʻnalishida oʻqiganidan soʻng boshlagan, 1970-yillarda Braziliyaning „Vasko da Gama“, "Botafogo " va „Portuguesa“ klublarida oʻynagan[1].
Murabbiylik faoliyati
tahrirVieyra 1986-yilda Meksikada boʻlib oʻtgan futbol boʻyicha jahon chempionatida Marokash milliy terma jamoasi bosh murabbiyi yordamchisi etib tayinlangan. Musoboqada hamyurti Xose Fariya bilan birga u Marokashni Angliya, Portugaliya va Polsha oʻrin olgan guruhda, guruh gʻolibi sifatida turnirning ikkinchi bosqichiga yoʻl olgan.
Keyinchalik u Quvaytning 20 yoshgacha boʻlgan terma jamoasida[2] bosh murabbiy sifatida faoliyat olib borib, yaxshi natijalar koʻrsatgan. 1999-yilgi mavsumda „Al Qodisiya“ jamoasini Quvayt ligasi chempioni boʻlishida katta hissa qoʻshgan. 2001-yilda Misrning „Al-Ismoiliy“ klubini boshqarganidan soʻng keyingi muvaffaqiyatlariga erishgan. Oʻsha yili Vieyra yana Ummonning 20 yoshgacha boʻlgan terma jamoasiga bosh murabbiy etib tayinlangan. Bir yil ishlagandan soʻng, Vieyra Malayziyaning 20 yoshgacha boʻlgan terma jamoasiga murabbiylik qilgan va Ummonga qaytgan. Ummonda „Al-Nasr Salaloh“ jamoasini Sulton Qobus kubogida finalga qadar yetib borishi xizmat qilgan va keyinchalik Saudiya Arabistonining „Al-Taʼee“ klubiga bosh murabbiylik qilgan[3].
2007-yil 26-dekabrda Vieyra Eron Pro-ligasida Mes Kerman FK bilan taxminan 640 000 dollar evaziga bir yillik shartnoma imzolagani rasman eʼlon qilingan[4]. Ammo bir necha kundan soʻng, 29-dekabrda bitim moliyaviy sabablarga koʻra amalga oshmagan[5].
2008-yil 2-fevralda Vieyra OChL 2007 finalchisi „Sepahan“ klubi bilan 18 oylik shartnoma imzolagan[6]. Vieyra 2008-yilning 9-iyunida, shartnoma muddati tugashiga 12 oy qolganda „Sepaxon“ FK tomonidan ishdan boʻshatilgan[7].
Vieyra 2008-yil 2-sentyabrda Iroq terma jamoasi bilan bilan bir yillik shartnoma imzolagan va Iroq terma jamoasi ikkinchi marta boshqargan. Iroqdagi ikkinchi faoliyatida Fors koʻrfazi kubogida yetakchilik qilgan[8].
2013-yil 10-avgustda Jorvan Vieyra Quvayt milliy terma jamoasiga murabbiy etib tayinlangan. Braziliyalik murabbiyning Iroq terma jamoasi bilan birgalikda 2007-yilgi Osiyo Kubogida muvaffaqiyatlarni qoʻlga kiritgani quvaytliklar tanlovida katta sabab boʻlgan[9].
2018-yilning okytabr oyida Jorvan Viera Misrning Ismoili jamoasiga murabbiy etib tayinlangan. 2018—2019-yilgi mavsumdagi arab klublari chempionlar kubogida bir qator yomon natijalar sababli 2018-yilning 13-dekabrida, atigi 2 oy ishlaganidan soʻng isteʼfoga chiqarilgan.
Osiyo Kubogidagi muvaffaqiyat
tahrir2007-yilgi Osiyo Kubogi finaliga ikki oydan kamroq vaqt qolganida Vieyra urushdan vayron boʻlgan Iroq terma jamoasiga murabbiy etib tayinlangan. Vieyra ularni 2007-yilgi WAFF chempionati finaliga qadar yetakladi, ammo finalda Eronga qarshi oʻyinda 1:2 hisobida yutqazib, ikkinchi oʻrinni egallagan. Ushbu turnirdan soʻng Iroq terma jamoasi Osiyo kubogida ishtirok etgan. Ajablanarlisi shundaki, u turnirdan oldin favorit deb hisoblangan Avstraliyani 3:1 hisobida magʻlub etib, Koreyani penaltilar seriyasida ortda qoldirgan[10] va yakunda finalda oʻzining azaliy raqiblaridan biri Saudiya Arabistoni terma jamoasini 1:0 hisobida magʻlub etgan. Trunir yakunida Iroqni 2007-yilgi Osiyo kubogida chempion boʻlishiga olib keldi[11].
Shaxsiy hayot
tahrir- Jorvan Vieira musulmon. U Marokashda murabbiylik qilayotganda islomni qabul qilgan, bu haqda shunday deydi: "Maʼlumotlarga koʻra, men islomni qabul qilganman, lekin „qabul qildim“ degani toʻgʻri emas – men ilgari dindor boʻlmaganman. Men ham daʼvo qilinganidek, faqat arab xotinim tufayli musulmon boʻlganim ham toʻgʻri emas"[2].
- U 7 tilda, jumladan, arab tilida ham gapira oladi[2].
- Fransiyadan sport fanlari doktori unvoniga ega[2].
- U portugaliyalik otaning oʻgʻli, onasi braziliyalik va marokashlik Xadicha Fahimga uylangan[12]. Buning natijasida u Braziliya, Portugaliya va Marokash millatiga ega[13].
- Jorvan oʻzini asosan portugal deb hisoblaydi, har doim oʻzi bilan portugal pasportini olib yurishini va futbol oʻyinlaridagi guvohnomalarida uning portugaliyalik ekanligini tan oladi. Portugaliyaning „Diário de Notícias“ gazetasiga bergan intervyusida u hatto kelajakda umrining qolgan qismini Portugaliyada oʻtkazishni xohlashini va Portugaliya futbol klubiga murabbiylik qilishni rejalashtirayotganini ham aytib oʻtdi[14].
Yutuqlar
tahrirMurabbiy
tahrirIroq
Osiyo Kubogi chempion: 2007
Manbalar
tahrir- ↑ „The World Game“. 2007-yil 11-oktyabrda asl nusxadan arxivlangan. Qaraldi: 2007-yil 31-iyul.
- ↑ 2,0 2,1 2,2 2,3 „SoccerBlog.com: Jorvan Vieira: Iraq's coach and an ambassador of peace“. 2007-yil 28-sentyabrda asl nusxadan arxivlangan. Qaraldi: 2007-yil 2-avgust. Soccerblog Profile
- ↑ „The AFC Asian Cup 2007 Official Website“. 2007-yil 16-iyulda asl nusxadan arxivlangan. Qaraldi: 2007-yil 14-iyul. AFC Asian Cup Official Website
- ↑ „Mes Officials Begin Negotiations, Former Iraqi NT Head Coach in Kerman with 600 Mil“. persianleague.com. 2007-yil 31-dekabrda asl nusxadan arxivlangan. Qaraldi: 2007-yil 26-dekabr.
- ↑ „Vieira parts company with Mes“. theworldgame.com.au. 2011-yil 15-avgustda asl nusxadan arxivlangan. Qaraldi: 2007-yil 29-dekabr.
- ↑ „Sepahan names Vieira as new coach“. persianleague.com. 2011-yil 20-iyulda asl nusxadan arxivlangan. Qaraldi: 2008-yil 2-fevral.
- ↑ „Vieira released by Sepahan“. the-afc.com. 2008-yil 13-iyunda asl nusxadan arxivlangan. Qaraldi: 2008-yil 10-iyun.
- ↑ [1] ESPN
- ↑ „kuwait appoint asian vieira“. 2013-yil 24-avgustda asl nusxadan arxivlangan.
- ↑ [2] The International Herald Tribune Newspaper
- ↑ [3] BBC Sports News
- ↑ Veja magazine, # 2020, Editora Abril, p.101, August 8, 2007
- ↑ „.: Jornal Record :.“. 2007-yil 29-sentyabrda asl nusxadan arxivlangan. Qaraldi: 2007-yil 7-avgust. The Journal Record
- ↑ „DN Online: O treinador 'português' do Iraque que sonha treinar o Penafiel“. 2007-yil 17-oktyabrda asl nusxadan arxivlangan. Qaraldi: 2007-yil 7-avgust. Diário de Notícias Newspaper
