Kraft Foods

Kraft Foods Inc.
Turi	Ommaviy
Tarmogʻi	oziq-ovqat sanoati
Qachon asos solingan	1923
Hududiy xizmati	xalqaro
Rahbariyat	Irene Rosenfeld (rahbar & CEO)
Mahsulot(lar)i	Ultra qayta ishlangan oziq-ovqat

Kraft Foods Inc. (talaffuzi: Kraft Haynts) dunyodagi ikkinchi yirik oziq-ovqat konserni (Nestlé dan keyin). Kompaniyaning shtab-kvartirasi AQShning Illinoys shtati Nortfild shahrida joylashgan.

2015-yil mart oyida Kraft Foods Inc. va HJ Heinz kompaniyasi (1869-yilda tashkil etilgan) yagona The Kraft Heinz Companyga birlashgan. Heinz aksiyadorlari birlashgan kompaniyaning 51 foizini, Kraft Foods aksiyadorlari esa 49 foizini nazorat qiladi. Ushbu qaror ikkala kompaniyaning direktorlar kengashlari tomonidan bir ovozdan maʼqullangan.

Tarixi

Kompaniya 1903-yilda James Kraft (dastlab JL Kraft & Bros deb nomlangan) tomonidan tashkil etilgan. 1909-yildan 1953-yilgacha kompaniya prezidenti sifatida faoliyat yuritgan.

Chikagoda yashovchi James Kraft yozgi jaziramada pishloq sotib olish uchun hech qanday joy yoʻqligiga eʼtibor qaratadi, chunki pishloq issiqda tez buziliadi va shu sababdan doʻkonlar uni deyarli saqlamasdi. 1903-yilda Kraft ot aravasini ijaraga oladi, erta tongda ishlab chiqaruvchilardan pishloq sotib oladi va kunning jaziramasidan oldin xaridorlarga yetkazib beradi. 1912-yilda u Nyu Yorkda ofis ochgan. 1915-yilga kelib, Kraftning Illinoys shtatidagi zavodi oʻttiz turdagi pishloqni, shu jumladan saqlash muddati uzoqroq, pasterizatsiyalangan va qayta ishlangan pishloqni ishlab chiqarardi.

Birinchi jahon urushi paytida Kraft pishlogʻi armiya ratsioniga kiritilgan. Bu katta daromad keltirib, urushdan keyin Kraft AQSH va Kanadada bir nechta zavodlarni sotib olishga muvaffaq boʻladi^[1].

Birlashishi va sotib olishi

2010-yil yanvar oyida Britaniya qandolat ishlab chiqaruvchi Cadbury kompaniyasi direktorlar kengashi Kraft Foods kompaniyasining ushbu kompaniyani 11,9 milliard funt sterlingga (19,7 milliard dollar) sotib olish boʻyicha taklifini qabul qilganini eʼlon qilinadi.

Ajratilishi

2011-yil avgust oyida Kraft Foodsni ikkita mustaqil kompaniyaga boʻlish uchun tayyorgarlik eʼlon qilingan. Ulardan biri (Mondelēz International) gazaklar ishlab chiqarishni (Milka, Cadbury, saqich, pecheniye va boshqalar), ikkinchisi – Shimoliy Amerikada asosiy oziq-ovqat mahsulotlarini (makaron, pishloq, goʻsht, shirinliklar, soslar, ichimliklar) ishlab chiqarishni yoʻlga qoʻyadi^[2].

Egalari va boshqaruvi

2007-yilgacha Altria Group kompaniyani nazorat qilgan. 2009-yil 31-mart holatiga koʻra eng yirik aksiyadorlar: Berkshire Hathaway (9,4%), State Street Global Advisors (4,9%), Capital World Investors (4,6%), Barclays Global Investors (4%).

Kompaniya prezidenti - Irene Rosenfeld.

Kraftʼs Maxwell House qahva zavodi Xyuston, Texas

Faoliyati

Kraft Foods oʻz mahsulotlarini dunyoning 155 mamlakatida ishlab chiqaradi va sotadi. Kompaniyaning koʻplab brendlari oʻz toifalari boʻyicha dunyoda yetakchi hisoblanadi:

pishloq: Kraft;
qaymoqli pishloq: Philadelphia;
qahva: Jacobs, Carte Noire, Maxcafe va Maxwell House.

Kompaniya dunyodagi eng yirik qayta ishlangan pishloq ishlab chiqaruvchisi (oʻz maʼlumotlariga koʻra, jahon bozorining qariyb 35 foizini nazorat qiladi)^[3].

Manbalar

↑ „Dvoystvenniy soyuz“ sira i ketchupa: istoriya Kraft Heinz Company
↑ Ирина Скрынник. „Kraft Foods делит бизнес на растущий и рентабельный“. // vedomosti.ru. 2012-yil 14-fevralda asl nusxadan arxivlangan. Qaraldi: 2011-yil 5-avgust.
↑ Aleksandr Demchuk, Svetlana Mentyukova. Trubi xvatit na vsex // Kommersant, № 38/P (3614), 12 marta 2007

Havolalar

Kompaniyaning global veb-sayti^(ingl.)

[1] „Dvoystvenniy soyuz“ sira i ketchupa: istoriya Kraft Heinz Company

[2] Ирина Скрынник. „Kraft Foods делит бизнес на растущий и рентабельный“. // vedomosti.ru. 2012-yil 14-fevralda asl nusxadan arxivlangan. Qaraldi: 2011-yil 5-avgust.

[3] Aleksandr Demchuk, Svetlana Mentyukova. Trubi xvatit na vsex // Kommersant, № 38/P (3614), 12 marta 2007

[1]

[2]

[3]