Larisa Moskalyova
Larisa Moskalyova – oʻzbek xonandasi. Oʻzbekiston va Qoraqalpogʻiston xalq artisti. Oʻzbek, qoraqalpoq va rus tillarida qoʻshiqlar ijro etgan. Marvarid taxallusida ham ijod qilgan[1][2].
Larisa Moskalyova | |
|---|---|
 | |
| Tavalludi |
28-sentyabr 1974-yil |
| Janrlar | Pop, jaz, rok, shoshmaqom |
| Kasbi | Qoʻshiqchi, Taekvondo murabbiyi |
| Faoliyat yillari | 1992—hozirgacha |
| Veb-sayt | moskaleva.com |
Biografiyasi
tahrirLarisa Moskalyova 1974-yil 28-sentyabrda Oʻzbekiston SSRning Jizzax shahrida tugʻilgan. Toshkent shahrida joylashgan Abdulla Qodiriy nomidagi davlat madaniyat institutini tamomlagan. Madaniyatshunoslik yoʻnalishi boʻyicha magistr darajasini olgan.
Bolaligidan hayotini sahnaga bagʻishlab, turli musiqiy guruhlarda vokalchi sifatida faoliyat yuritgan. 1992-yildan „Ilhom“ teatridagi spektakllarda rol ijro eta boshlagan[3]. Undan keyin esa „Oloviddin“ nomli musiqa va drama teatrida ishlagan. Bir yildan ortiq vaqt davomida u „Sport“ telekanalida „Rondo“ interaktiv tok-shousining boshlovchisi sifatida ishlagan. Shuningdek, Larisa Oʻzbekistonda taekvondo (WTF) boʻyicha qora belbogʻ sohibasi boʻlgan birinchi ayol hisoblanadi. U taekvondo boʻyicha Oʻzbekiston ayollar terma jamoasi aʼzosi boʻlgan. Shuningdek, bu sohada murabbiylik ham qilgan.
Yutuqlari
tahrir- Polsha musiqalar tanlovi, Toshkent, 1-oʻrin
- Koreys musiqalari tanlovi, Toshkent, 1-oʻrin
- „Tong yulduzi“ televizion tanlovi, Moskva, 1-oʻrin
- „Oʻzbekiston – mening ona Vatanim“ vatanparvarlik qoʻshiqlari respublika televizion tanlovi. Toshkent, Gran-pri
- Samarqanddagi „Sharq taronalari“ xalqaro folklor festivali, faol ishtirokchi
- „Sado“ estrada qoʻshiqlari respublika teletanlovi, 1-oʻrin
- „Tarona“ mukofoti, 1999-yil
- „Discovery“ xalqaro musiqa tanlovi, Bolgariya, 3-oʻrin
- Oʻzbekiston xalq artisti[4]
- Qoraqalpogʻiston xalq artisti[5]
Shaxsiy hayoti
tahrirOʻzining yakkaxon faoliyati davomida Isroil, Germaniya, Amerika Qoʻshma Shtatlari, Birlashgan Arab Amirliklari, Xitoy, Ozarbayjon, Ukraina, Belarus, Qozogʻiston, Qirgʻiziston va boshqa mamlakatlarda ijodiy safarlarda boʻlgan. Faoliyati davomida 2 ta musiqiy klipda rol ijro etgan. Farruh Zokirovning „Manzura“ va „Super yulduz“ musiqiy kliplari shular jumlasidandir. Oʻzbekiston va xorijda oʻtkazilgan bayram va konsertlarda ishtirok etgan. Larisa turmush qurgan, ikki nafar farzandi bor.
Manbalar
tahrir- ↑ „Узбекская певица Лариса Москалева выступила на свадьбе в Майами со своим хитом 90-х «Без тебя» – видео“. Qaraldi: 6-sentabr 2023-yil.
- ↑ „Larisa Moskaleva yangi guruh tashkil qildi“. Qaraldi: 6-sentabr 2023-yil.
- ↑ „I'lhom teatr sayta“. Qaraldi: 6-sentabr 2023-yil.
- ↑ „Путешествие на родину. Лариса Москалёва“. Qaraldi: 6-sentabr 2023-yil.
- ↑ „МАЭСТРО НА ВСЕ ВРЕМЕНА“. Qaraldi: 6-sentabr 2023-yil.