Maqsud Isoqov
Maqsud Isoqov Isoqov Maqsud Uzoqovich (tugʻ. 1971-yil, Fargʻona viloyati,Oʻzbekiston SSR) —geolog olim, geologiya-mineralogiya fanlari nomzodi (1999), katta ilmiy xodim (2006), geologiya-mineralogiya fanlari doktori (2017).
Tarjimai holi
tahrirMaqsud Isoqov 1971-yil 28-yanvarda Fargʻona viloyatida tugʻilgan. 1993-yilda Toshkent davlat texnika universitetini togʻ-kon muhandis geologi mutaxassisligini tamomlagan. 1999-yilda geologiya-mineralogiya fanlari nomzodi ilmiy darajasiga ega boʻldi. 2006-yilda katta ilmiy xodim ilmiy unvoniga ega boʻlgan. 2017-yilda „O‘zbekiston oltin konlarida geologiya-qidiruv ishlarining uslubiyotini takomillashtirish va zaxiralarni baholashning ishonchliligini oshirish“ mavzusida doktorlik dissertatsiyasini himoya qilgan va geologiya va mineralogiya fanlari doktori ilmiy darajasiga ega boʻlgan.
Mehnat faoliyati
tahrir1993-1995-yillarda yosh mutaxassis sifatida Sharqiy-Qurama geologiya qidiruv ekspeditsiyasida texnik-geolog, 1995-2006 yillarda Mineral resurslar institutida kichik ilmiy xodim, katta ilmiy xodim, sektor mudiri va boʻlim mudiri, 2006-2008-yillarda Olmaliq kon-metallurgiya kombinati Angren kon boshqarmasida bosh geolog, 2008-2015-yillarda Mineral resurslar institutida direktor, 2015-2018-yillarda Vazirlar Mahkamasi boshqaruv apparatida sektor mudiri, 2018-2019-yillarda Geologiya va geofizika institutida direktor, 2019-2022-yillarda Mineral resurslar institutida direktor lavozimlarida ishlagan. 2022-yildan Geologiya fanlari universiteti rektori vazifasini bajarmoqda[1]. „Mineral resurslar instituti“ DM huzuridagi ilmiy darajalar beruvchi DSs.24/30.12.2019.GM.40.01 raqamli Ilmiy kengash raisi. Faoliyati davomida 10 ga yaqin ilmiy loyihalarga rahbarlik qilgan. 4 ta patent, 80 dan ortiq ilmiy ishlar, monografiyalar, shuningdek, zaxiralarni hisoblash boʻyicha ilmiy va ishlab chiqarish hisobotlari muallifi. 1 nafar fan doktori va 3 nafar magister yetishtirib chiqargan.
Mukofotlari
tahrir2021-yilda „Sodiq xizmatlari uchun“ medali bilan mukofotlangan.
2021-yilda „Innovatsion gʻoyalar yetakchisi“ koʻkrak nishoni bilan taqdirlangan.
Oilasi Oilali, 3 nafar farzandi bor.
Manbalar
tahrir- ↑ „Maqsud Isoqov Geologiya fanlari universiteti rektori vazifasini bajaruvchi etib tayinlandi“. uzreport.news (2022-yil 30-aprel). Qaraldi: 19-mart 2024-yil.
[1].
- ↑ „Maqsud Isoqov Geologiya fanlari universiteti rektori vazifasini bajaruvchi etib tayinlandi“. uzreport.news (2022-yil 30-aprel). Qaraldi: 19-mart 2024-yil.