Maqsud Isoqov
Maqsud Uzoqovich Isoqov (1971-yil, Fargʻona viloyati, Qoʻqon shahri) – geolog olim, geologiya-mineralogiya fanlari nomzodi (1999), katta ilmiy xodim (2006), geologiya-mineralogiya fanlari doktori (2017)[1].
| Maqsud Uzoqovich Isoqov | |
|---|---|
 | |
| Geologiya fanlari universiteti rektori | |
|
Mansab davri 2022-yil 29-aprel – hozirgacha | |
| Hukumat boshligʻi | Abdulla Oripov (siyosatchi) |
| Prezident | Shavkat Mirziyoyev |
| Oʻtmishdoshi | Bobir Islomov |
| Shaxsiy maʼlumotlari | |
| Tavalludi |
28-yanvar 1971-yil Farg'ona viloyati, OʻzSSR |
| Fuqaroligi |
 Oʻzbekiston |
| Ilmiy unvoni | Geologiya-mineralogiya fanlari doktori |
| Maʼlumoti | Toshkent davlat texnika universiteti |
| Vebsayti | https:uzgeouniver.uz |
Tarjimai holi
tahrirMaqsud Isoqov 1971-yil 28-yanvarda Fargʻona viloyati Qoʻqon shahrida tugʻilgan.
1993-yilda Toshkent davlat texnika universiteti geologiya-qidiruv fakultetining "Razvedka" mutaxassisligini tamomlagan. 1999-yilda Geologiya-mineralogiya fanlari nomzodi ilmiy darajasiga ega boʻldi. 2005-yilda Katta ilmiy xodim ilmiy unvoniga ega boʻlgan. 2017-yilda Doktorlik dissertatsiyasini himoya qilgan va geologiya va mineralogiya fanlari doktori ilmiy darajasiga ega boʻlgan. 2004 yilda AQShning yetakchi kon sanoati kompaniyalarida amaliy stajirovka oʻtagan. Xitoy, Yaponiya, Turkiya, Germaniya va Rossiyaning yetakchi ilmiy markazlari, texnologik kompaniyalari va taʼlim muassasalari bilan hamkorlikda ilmiy-amaliy loyihalarni amalga oshirishda faol ishtirok etgan.
Maqsud Isoqov rahbarligida nodir metallar va kamyob yer elementlarining noan'anaviy konlarini qidirish va mineral xomashyoni qayta ishlashning innovatsion usullari ishlab chiqilgan va sanoatga joriy qilingan. Uning rahbarligida konseptual jihatdan yangi avlod raqamlashtirilgan geologiya, geodinamika va metallogeniya mazmunidagi zamonaviy xaritalar yaratilgan. Faoliyati davomida 10 ga yaqin ilmiy loyihalarga rahbarlik qilgan. 4 ta patent, 60 dan ortiq ilmiy ishlar, (maqolalar, o'quv qo'llanmalar va boshq.), monografiyalar, hamda zaxiralarni hisoblash boʻyicha ilmiy va ishlab chiqarish hisobotlari muallifi. Shunigdek fan doktori va magistrlar yetishtirib chiqargan.
Mehnat faoliyati
tahrir- 1993-1995-yillarda yosh mutaxassis sifatida Sharqiy-Qurama geologiya qidiruv ekspeditsiyasida texnik-geolog.
- 1995-2006 yillarda Mineral resurslar institutida kichik ilmiy xodim, katta ilmiy xodim, sektor mudiri va boʻlim mudiri.
- 2006-2008-yillarda Olmaliq kon-metallurgiya kombinati Angren kon boshqarmasida bosh geolog.
- 2008-2015-yillarda Mineral resurslar institutida direktor.
- 2015-2018-yillarda Vazirlar Mahkamasi boshqaruv apparatida sektor mudiri.
- 2018-2019-yillarda Geologiya va geofizika institutida direktor.
- 2019-2022-yillarda Mineral resurslar institutida direktor lavozimlarida ishlagan.
- 2022-yildan Geologiya fanlari universiteti rektori vazifasini bajarmoqda[2]."Mineral resurslar instituti" DM huzuridagi ilmiy darajalar beruvchi DSs.24/30.12.2019.GM.40.01 raqamli Ilmiy kengash raisi.
Mukofotlari
tahrir- 2021-yilda „Sodiq xizmatlari uchun“ medali bilan mukofotlangan.
2021-yilda „Innovatsion gʻoyalar yetakchisi“ koʻkrak nishoni bilan taqdirlangan.
Manbalar
tahrir- ↑ „Maqsud Isoqov Geologiya fanlari universiteti rektori vazifasini bajaruvchi etib tayinlandi“. uzreport.news (2022-yil 30-aprel). Qaraldi: 19-mart 2024-yil.
- ↑ „Maqsud Isoqov Geologiya fanlari universiteti rektori vazifasini bajaruvchi etib tayinlandi“. uzreport.news (2022-yil 30-aprel). Qaraldi: 19-mart 2024-yil.