Mequitta Ahuja
Mequitta Ahuja (1976-yil) – Maryland shtatining Baltimor shahrida yashovchi, kelib chiqishi afro-amerikalik va janubiy osiyolik boʻlgan zamonaviy amerikalik feminist rassom. Ahuja afsona va qahramonlik mavzularini oʻziga xoslik bilan uygʻunlashtirgan avtoportret asarlarini yaratadi[1].
| Mequitta Ahuja | |
|---|---|
| Tavalludi |
1976-yil 3-fevral Grand Rapids, Michigan |
| Fuqaroligi | AQSh |
| Taʼlimi | Hampshire kolleji |
| Kasbi | Rassom |
| Veb-sayti | MequittaAhuja.com |
Hayotining dastlabki davri
tahrir
Mequitta Ahuja Michigan shtatining Grand Rapids shahrida tugʻilgan. Otasi hindistonlik va onasi afro-amerikalik boʻlgan. Ahuja Konnektikutda oq tanlilar jamiyatida oʻsgan va afro-amerikalik jamoalarining madaniyati bilan kam aloqada boʻlgan. Uning shu muhitda tarbiyalanishi ijodida umumiy mavzudir[2].
Ahuja 1998-yilda Massachusets shtati Amherst shahridagi Hampshire kollejida bakalavr darajasini va 2003-yilda Chikagodagi Illinoys universitetida magistr darajasini oldi. Illinoys universitetida unga rassom Kerri James Marshall ustozlik qildi[3].
Faoliyati
tahrir2007-yilda Nyu-York shahridagi Ahujaning debyut koʻrgazmasi boʻlib oʻtdi. Ahuja sanʼati avtoportret texnikasi orqali irq, jins va oʻziga xoslik kabi masalalarning ijtimoiy qurilishini oʻrganadi. Oʻz rasmlarini yaratish uchun Ahuja ijro, fotografiya va rasm chizishni oʻz ichiga olgan uch bosqichli jarayonga tayanadi. Ahuja kostyumlar, rekvizitlar va pozalarni oʻz ichiga olgan bir qator koʻrinishlarni ishlab chiqishdan boshlaydi.
Ahuja oʻzining rasmlarini feministik ekanligini takidlaydi[4]. Oʻz ishlarida qatʼiy ayol obrazi mavjudligiga ishora qiladi va shaxsiyat masalalarini koʻrib chiqishda tez-tez afro-amerikalik va janubiy osiyolik ildizlariga murojaat qiladi. Ahujaning asarlari Amerika Qoʻshma Shtatlari, shuningdek, Parij, Bryussel, Berlin, Hindiston, Dubay va Milanda namoyish etilgan. 2010-yilda Ahuja ARTnewsning fevral sonida „Tomosha qilish kerak boʻlgan rassom“ sifatida tanilgan va yillar davomida u oʻz sanʼati uchun koʻplab mukofotlar, jumladan 2011 yilda Tiffany Foundation mukofoti va 2009 yilda Joan Mitchell Grant sovrindori tilga olinadi. 2018-yilda u Guggenheim memorial jamgʻarmasining Guggenheim stipendiyasiga sazovor boʻldi[5][6][7][8].
Manbalar
tahrir- ↑ „Usable Pasts: 2009-10 Artists-in-Residence Mequitta Ahuja, Lauren Kelley, and Valerie Piraino“ (en-US). The New Yorker (2010). 2023-yil 15-iyunda asl nusxadan arxivlangan. Qaraldi: 2018-yil 5-sentyabr.
- ↑ „Tress IV, 2008 - Mequitta Ahuja“. Minneapolis Institute of Art. 2021-yil 22-oktyabrda asl nusxadan arxivlangan. Qaraldi: 2024-yil 16-yanvar.
- ↑ Wolff, Rachel (2010). "The Key to Her Locks". ART News 109 (2): 76–77.
- ↑ „Feminist Art Base - Mequitta Ahuja“. Elizabeth A. Sackler Center for Feminist Art. Brooklyn Museum. 2023-yil 14-iyulda asl nusxadan arxivlangan. Qaraldi: 2014-yil 28-aprel.
- ↑ „2011 Biennial Awards“ (en). The Louis Comfort Tiffany Foundation. 2023-yil 27-yanvarda asl nusxadan arxivlangan. Qaraldi: 2018-yil 17-fevral.
- ↑ „Artist Programs - Supported Artists - Mequitta Ahuja“ (en). Joan Mitchell Foundation. 2023-yil 30-sentyabrda asl nusxadan arxivlangan. Qaraldi: 2018-yil 17-fevral.
- ↑ Evans, Michelle „Baltimore Artist Awarded 2018 Guggenheim Fellowship“ (en). Baltimore (2018-yil 18-aprel). 2023-yil 16-iyunda asl nusxadan arxivlangan. Qaraldi: 2019-yil 6-aprel.
- ↑ Ober, Cara „Artist At Work: Mequitta Ahuja Wins A Guggenheim“ (en-US). BmoreArt (2018-yil 16-aprel). 2024-yil 17-yanvarda asl nusxadan arxivlangan. Qaraldi: 2019-yil 17-aprel.