Mirzaravot

Mirzaravot — Namangan viloyatida joylashgan qishloq. Maʼlumotlarga qaraganda, bu yerlarda Uchqo‘rg‘on — Namangan arigʻi (Yangiariq, XIX asr) qazilgunga qadar aholi yashamagan. Ariq qazilgach, turli hududlardan qazuv ishlariga jalb qilingan ishchilar bu yerlarga kelib, shu hududda yashay boshlaganlar. Ishboshilardan biri — Qulmirza ismli kishi boʻlib, u birinchilar qatorida bu yerga uy quradi. Qishloq nomi ham aynan shu Mirza ismli shaxs nomi bilan bogʻliq.