Montana

Montana — AQShning shim.gʻarbiy qismidagi shtat. Togʻli shtatlar guruhida. Kanada bilan chegaradosh. Maydoni 380,8 ming km². Aholisi 909,4 ming kishi (2002), shundan shahar aholisi 52%. Maʼmuriy markazi — Xelina shahri. Yirik shaharlari: Billings va Great Falls. Shtatning gʻarbiy qismini Qoyali togʻlar egallagan, sharqiy qismi Preriy platosidan iborat. Iqlimi moʻtadil, kontinental iqlim. Yanvarning oʻrtacha havo harorati —8°, iyulniki 20°. Yillik yogʻin 350–400 mm. Yirik daryolari: Missuri va uning irmogʻi Yellouston. M. hududida Gleysher va Yellouston milliy parklarining bir qismi joylashgan.

Montana Montana
Shtat
Montana bayrogʻi Montana tamgʻasi
Shtat laqabi: (Treasure State)
Mamlakat	AQSh
Poytaxt	Helena
Eng yirik shaharlar	Billings Missoula Great Falls
Maydon    • Butun    • % suv	AQSh: 4-oʻrinda 380,838 km² 1.01 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 44-oʻrinda 935,670 2.39 kishi/km² 1 3
YIM    • YIM    • YIM/kishi	AQSh: 47-oʻrinda $27,482 million $29,649
Ittifoqqa kirish    • Sana	41-boʻlib 8-noyabr 1889
Vaqt	UTC-7 (MST)
Qisqartma	MT [30]
Shtat guli	Bitterroot (Lewisia rediviva)
Shtat daraxti	Ponderosa Pine (Pinus ponderosa)

M. iqtisodiyotining yetakchi tarmogʻi — kon sanoati va ekstensiv qishloq xoʻjaligi. Mis, qoʻrgʻoshin va rux eritish, yogʻochsozlik, oziq-ovqat sanoati korxonalari bor. Asosiy qishloq xoʻjaligi ekinlari: bugʻdoy va qand lavlagi. Milliy parklarga koʻplab turistlar keladi.