Muqaddas Xoliqova

Muqaddas Xoliqova (1960-yil 14-aprel, Toshkent, OʻzSSR) – oʻzbek teatr va kino aktrisasi, Oʻzbekistonda xizmat koʻrsatgan artist (2001), Oʻzbekiston xalq artisti (2014).

Muqaddas Xoliqova
Tavalludi	14-aprel 1960-yil (1960-04-14) Toshkent, OʻzSSR
Fuqaroligi	OʻzSSR → Oʻzbekiston
Kasbi	Aktrisa
Mukofotlari

Hayoti

Muqaddas Xoliqova 1960-yil 14-aprelda Toshkent shahrida tavvalud topgan. 1977–1981-yilarda Toshkent sanʼat institutining „Teatr va kino aktyorligi“ fakultetida tahsil olgan. 1981-yildan Oʻzbek milliy akademik drama teatriga aktrisa sifatida oʻz faoliyatini olib bormoqda.

Faoliyati

Teatrdagi faoliyati

Muqaddas Xoliqova sanʼatdagi ijodining dastlabki yillaridan to shu kunga qadar takrorlanmas obrazlar yaratib, teatrning yetuk aktrisalaridan biriga aylandi. U Hamzaning „Boy ila xizmatchi“sida Poshshaoyim, F.Musajonovning „Najot istab“ida qaynona, „Avgʻon reportaji“da jurnalist, „Tuhmat“da qizil tanli, Karlo Gatssininig „Baxtli gadolar“ida qiz, Shekspirning „Koriolan“ida ayol, Oʻ. Hoshimovning „Qatogʻon“ida ayol, Y.Muqimov, X.Rasulovovlarning „Spitamen“ da ona, M.Avezovning „Eng suluv kelinchak“ida Zuhra, „Tergov davom etadi“da Farogʻat, „Oʻtgan kunlar“da Toʻybeka kabi yana bir qancha koʻp rollarni mahorat bilan ijro etgan. Erkin Xushvaqtov Muqaddas Xoliqovaning ijodiy imkoniyatlaridan, feʼl-atvoridan kelib chiqqan holda, bundan ir necha yil avval qoʻyilgan „Qalliq oʻyini“ spektaklini hamda „Koʻngil“ pyesasini aynan Muqaddas Xoliqovaga atab yozdi va bu asarlar teatr sahnasida muvaffaqiyat qozondi.

Yil	Nomi	Obraz	Izoh
	Kuzning birinchi kuni
	Qutqaruv
	Oʻtgan kunlar
	Kuyov
	Yolgʻon gapiradigan yaxshi xotin
	Taxtlar oʻyini
	Shayton va farishta
	Otello

Kinodagi faoliyati

Muqaddas Xoliqova bir qator videofilmlarda yorqin obrazlar yaratdi. „Alisher Navoiyda“ kanizak, Choʻlponning „Kecha va kunduz“, „Bobur“da Jahongir Mirzoning onasi, M.Yunusovning „Layli va Majnun“ida enaga, M.Boboyevning „Koʻngil koʻchalari“da oʻquvchining onasi, M.Asadullayevning „Qirq togʻoraning qirq nogʻorasi“da Tursinoy, „Shunchaki hazil“da ayol kabi rollarni mahorat bilan ijro etgan. E.Xushvaqtovning „Chimildiq“da xola, „Oshiqlar“, „Nahotki sen“, „Boyvachcha“, „Amakivachchalar“, „Toʻydagi taziya“, „Taqdir charxpalagi“, „Vildon“, „Sevginator yoxud qaynona operatsiyasi“, „Merskivich“, „Oʻjar kelin“ kabi filmlarda turli xarakterdagi rollarni ijro etdi. 30 yillik ijodi davomida 100 ga yaqin katta-kichik rollar oʻynab mashhur sanʼatkor sifatida elga tanildi. Uning qoʻshiqlar uchun yaratilgan kilplardagi rollari, „Otalar soʻzi-aqlning koʻzi“, „Dengizdan tomchi“ koʻrsatuvlarida yaratgan obrazlari muxlislar tahsiniga sazovor. Ilk ustozi rahmatli Oʻzbekiston xalq artisti Ikroma Boltayevadan sahna sirlarini oʻrgandi. Yana ustozlari Rixsi Ibrohimova, Toʻti Yusupova, Yayra Abdullayevalar. Muqaddas Holiqova bir qator mashhur rejissiyorlatlr teatrda Oʻzbekiston xalq artisti T.Azizov, M.Azimov, Valijon Rahimovlar bilan birga ishlagan. Kinoda M.Abzalov, A.Shahobiddinov, Y.Toʻychiyev, A.Bekturdiyev, Y.Ortiqov, A.Gʻaniyev, R.Malikovlar yaratgan filmlarda ishtirok etdi

Yil	Nomi	Obraz	Izoh
2007	Vijdon	Dilfuzaning ammasi
	Sevginator-2
	Poyga
	Qirq togʻoraning qirq nogʻorasi	Tursinoy
	Qodirxon
	Oshiqlar
	Qaysarginam

Mukofotlari

• 2001-yil – Oʻzbekistonda xizmat koʻrsatgan artist;
• 2014-yil – Oʻzbekiston xalq artisti.