Polina Gagarina

Polina Sergeyevna Gagarina (ruscha: Поли́на Серге́евна Гага́рина; 1987-yil 27-mart Moskvada tugʻilgan) – rossiyalik qoʻshiqchi, televideniye, ovoz va dublyaj aktrisasi, bastakor va model. Birinchi kanalning „Fabrika zvyozd-2“ (Yulduzlar fabrikasi-2) loyihasi ishtirokchisi va gʻolibi (2003). 2015-yilgi Euriviosn qoʻshiq tanlovida Rossiya nomidan qatnashib, ikkinchi oʻrinni egallagan.

Polina Gagarina Polina Sergeevna Gagarina
Gagarina 2015-yilda
Umumiy maʼlumot
Tavalludi	Полина Сергеевна Гагарина 27-mart 1987-yil (1987-03-27) Moskva, Rossiya SFSR
Janrlar	pop
Faoliyat yillari	2003 – bugun
Fuqaroligi	Rossiya
Turmush oʻrtogʻi	Pyotr Kislov
Bolalari	oʻgʻli Andrey Kislov, qizi Miya Isxakova
Amplua	Xonanda qoʻshiqnavis aktrisa
Veb-sayt	gagarina.com

Biografiyasi

1987—2002-yillar: bolalik va oʻsmirlik yillari

U 1987-yil 27-martda Moskvada tugʻilgan, bolaligi Gretsiyada oʻtgan. Golos („Ovoz“) shousining epizodlaridan birida u Mordoviya ildizlariga ega ekanligini tan oldi. Onasi – professional raqqosa – 1991-yilda yunon prodyuseri bilan Afinada „Alsos“ balet raqqosasi sifatida ishlash uchun shartnoma imzoladi. Gagarina u yerda uch yil yashadi, 1993-yil sentyabr oyida u birinchi sinfga bordi. Yozgi taʼtil uchun Rossiyaga qaytib, buvisining talabiga binoan u bilan Saratovda yashash uchun qoldi. U saralash bosqichida Uitni Xyustonning kompozitsiyasini ijro etib, musiqa maktabiga kirdi.

Gretsiyalik prodyuser bilan shartnoma tugagandan soʻng, Gagarinaning onasi Moskvaga qaytib keldi, u erga Polina ham koʻchib oʻtdi. Musiqa maktabini tugatgach, 14 yoshida Gagarina Davlat estrada va jazz musiqa kollejiga oʻqishga kirdi. Ikkinchi kursda oʻqituvchisi Natalya Andriyanova Gagarinani „Fabrika zvyozd“ („Yulduzli fabrika“) musiqiy televizion loyihasida ishtirok etishga taklif qildi.

2003-yil: „Fabrika zvyozd“ („Yulduzli fabrika“)

2003-yilda 16 yoshida Gagarina „Fabrika zvyozd-2“ televizion loyihasiga ishtirok etdi. U Maksim Fadeevning bir nechta qoʻshiqlarini ijro etdi va tanlovda gʻolib chiqdi. Keyinchalik koʻplab mutaxassislar Gagarinani shouning barcha gʻoliblari orasida eng kuchli qoʻshiqchi sifatida tan olishdi. Biroq, loyiha oxirida Gagarina Fadeev bilan hamkorlik qilishdan bosh tortdi.

2004—2007-yillar: karyeraning boshlanishi va „Poprosi u oblakov“ albomi

2005-yilda Gagarina APC Records bilan shartnoma imzoladi. Oʻsha yili u „Novaya volna“ („Yangi toʻlqin“) xalqaro tanlovida qatnashib, oʻzi yaratgan „Kolybelnaya“ qoʻshigʻi bilan uchinchi oʻrinni egalladi. 11-iyul kuni Moskvada ushbu qoʻshiq uchun rejissyor va operator Vladislav Opelyants tomonidan videoklip suratga olindi.

2006-yil boshida Georgiy Toidze rejissyorligida „Ya tvoya“ qoʻshigʻi uchun videoklip chiqdi. Keyinroq „Morning“ ashulasi uchun videoklip chiqdi. Xuddi shu yili „Ya pomnyu“ qoʻshigʻi yaratildi. Shuningdek, 2006-yilda Gagarina Moskva badiiy teatr maktab-studiyasiga oʻqishga kirdi.17-sentyabr kuni Le Club da Gagarinaning Moskvadagi birinchi yakkaxon konserti boʻlib oʻtdi.

2007-yilda Konstantin Meladze muallifligida „Ya tebya ne proshu nikogda“ singli yozilgan. 2007-yil 12-iyulda „Poprosi u oblakov“ („Bulutlardan surang“) debyut albomi chiqdi, unga „Kolybelnaya“, „Ya tvoya“ va „Ya tebya ne proshu nikogda“ kabi xitlar kiritilgan.

2008-2010: „O sebe“ albomi

2008-yilda Gagarina „Komu, zachem?“ qoʻshigʻini „Fabrika zvyozd“ ning yana bir gʻolibi, dugonasi Irina Dubtsova bilan birga ijro etdi.

2010-yil 11-martda „O sebe“ ikkinchi yakkaxon albomi chiqdi. Unga Dubtsova bilan "Komu, zachem? ", „Lyubov pod solntsem“ va „Gde jivyot lyubov“ qoʻshiqlari kiritilgan. Gagarina albomni quyidagicha taʼrifladi: "Yangi albom. Hayotning yangi bosqichi, ham ijodiy, ham shaxsiy. Men albomni „Men haqimda“ deb nomladim, chunki bu musiqa va soʻzlardagi hamma narsa sof haqiqatdir. Agar men haqimda biror narsa bilmoqchi boʻlsangiz, eng yaxshi yoʻl – ayrim nashrlar sahifalaridagi yangiliklarni oʻqishdan koʻra, qoʻshiqlarimni tinglashdir. Bu yerda yolgʻon gapirish mumkin emas va kerak emas".Albom chop qilinganidan keyin ARS bilan shartnoma tugadi, Gagarina uni uzaytirmadi.

Oʻsha yilning 11-iyunida Muz-TV 2010 mukofotida Gagarina va Dubtsova „Komu, zachem?“(„Kimga, nega?“) kompozitsiya uchun „Eng yaxshi duet“ sovrinini qoʻlga kiritdi. Oʻsha vaqtda Gagarina Moskva badiiy teatr maktabini tamomlagan.

2011-2015: muvaffaqiyat, uchinchi studiya albomi va Eurovision

2011-yil bahorida Ukrainada „Narodnaya zvezda −4“ (ukraincha: «Народна зірка — 4")musiqiy shoysi boshlandi, bu yerda tanlovdan oʻtgan ishtirokchilar Rossiya va Ukraina estradasi yulduzlari bilan duet kuylashdi. Gagarina odessalik Mixail Dimov bilan kuyladi. 2011-yil aprel oyida Rossiyaning MTV telekanalida „Bolshiye nadejdy“ yoshlar seriali chiqdi. Bu serialning rasmiy saundtreki „Ya obeshayu“ („Men vaʼda qilaman“) qoʻshigʻi boʻldi.

2011-yil avgust oyida Gagarina Ukrainadagi Rossiya radiosidan „Ya tebya ne proshu nikogda“ qoʻshigʻi uchun Zolotoy Grammofon mukofotiga sazovor boʻldi. Yil oxirida „Oskolki“ singli va unga videoklip suratga olindi.

2012-yil yanvar oyida" " („Spektakl okonchen“) yangi singli chiqdi va yanvar oxirida bu qoʻshiqqa videoklip tasvirga olindi. Bahorda Ukraina televideniesida „Katina lyubov“ seriali boshlandi, uning saundtreki Gagarinaning „Vernis lyubov“ („Sevgi qayt“) qoʻshigʻi edi. Iyun oyida (Rossiya)ning Birinchi kanalida „Fabrika zvyozd“ teleloyihasi yana „Rossiya vs Ukraina“ shiori ostida ishlay boshladi. Rossiya va Ukraina tanlovlarining mashhur ishtirokchilari qoʻshiq janglarida kimning jamoasi yaxshiroq ekanligini koʻrsatishlari kerak edi. Gagarina toʻrtta jangning uchtasida gʻalaba qozonib, Rossiya jamoasining gʻalabasiga hissa qoʻshdi. Shuningdek, yozda Gagarina Kazandagi XXVII Jahon yozgi Universiada 2013 elchisi boʻldi.

Avgust oyida „Net“ singli chiqdi, 2012-yil 31-avgustda uning videoklipi taqdim etildi. 29-sentyabr kuni Gagarina „Eng yaxshi rington“ nominatsiyasida „Spektakl okonchen“ qoʻshigʻi bilan RU.TV mukofotini qoʻlga kiritdi. 2012-yilning yozida Gagarina „Taʼtildagi Monstrlar“ multfilmida Mavis qahramoniga ovoz berdi.

1-dekabr kuni „Zolotoy grammofon“ tantanali marosimi boʻlib oʻtdi, unda Gagarina „Spektakl okonchen“ qoʻshigʻi uchun statuetka oldi. U shuningdek,Koʻp marotaba laureati boʻlgan „Yil qoʻshigʻi 2012“ televizion festivalida ishtirok etdi. 3-dekabr kuni „Krasnaya Zvezda“ loyihasida „Spektakl okonchen“ qoʻshigʻi 2012-yilning 20 ta eng yaxshi qoʻshiqlaridan biri deb topildi. 2012-yilda Gagarina TNT kanalidagi „Vkusno jit“ tok-shousining boshlovchilaridan biriga aylandi.

19-aprel kuni Moskvadagi „Izvestiya Hallda“ boʻlib oʻtgan „Sound Track 2013“ tantanali marosimida Gagarina „Sexy Women“ nominatsiyasida mukofot oldi. 2013-yil 25-may kuni Crocus City Hallda RU.TV mukofotini topshirish marosimi boʻlib oʻtdi. Ushbu marosimda Gagarina „Eng yaxshi ijrochi“ nominatsiyasida gʻolib chiqqan.

2013-yil 7-iyunda u MUZ-TV telekanali versiyasi boʻyicha „Yilning eng yaxshi yutuqlari“ nominatsiyasida gʻolib chiqdi. 17-iyun kuni har yili oʻtkaziladigan Fashion People Awards-2013 taqdirlash marosimida Gagarina „Fashion“ qoʻshiqchisi deb topildi. 2013-yil 22-iyulda yangi „Navek“ singli chiqdi.

U Konstantin Meladze muallifligidagi „Net“ qoʻshigʻi uchun ikkinchi „Zolotoy grammofon“ ni oldi.

2014-yil 14-aprelda „Shagay“ qoʻshigʻining premyerasi boʻlib oʻtdi. 12-noyabr kuni Gagarina ingliz tilidagi albomidan birinchi DAY singlini chiqardi, bu Therr Maitz aʼzosi Anton Belyaev bilan hamkorlikning samarasi edi.

2015-yil 11-mart kuni Birinchi kanal 2015-yilning may oyida Gagarina " A Million Voices " qoʻshigʻi bilan "Evrovidenie 2015 " qoʻshiq tanlovida Rossiyaning vakili sifatida qatnashishini eʼlon qildi. Bundan biroz oldin Gagarina " Toch-v-toch „ shousida ishtirok etdi.

2015-yil 19-may kuni u birinchi yarim finalda 182 ball bilan birinchi oʻrinni egalladi. 2015-yil 23-may kuni u Eurovision finalida 303 ball bilan ikkinchi oʻrinni egalladi.

2015-yil iyun oyidan boshlab Gagarina prodyuser va bastakor Konstantin Meladze bilan hamkorlikni toʻxtatdi.

2015-yil 25-iyulda u Konstantinovskiy saroyida 2018-yilgi Jahon chempionati saralash turniriga qur’a tashlash marosimida „A Million Voices“ qoʻshigʻini ijro etdi. 9-avgust kuni u Kazan shahridagi suv sporti boʻyicha jahon chempionatining yopilish marosimida ishtirok etdi.

2015-yil sentyabr oyida Gagarina Birinchi kanaldagi Golos loyihasida murabbiylardan biriga aylandi. 2015-yil oktyabr oyida yangi „Ya ne budu“ singli va unga video chiqdi. 2016-yil sentyabr oyida u yana „Golos“ shousida murabbiy boʻldi.

Ijtimoiy faoliyati

2018-yilda u Vladimir Putinning ishonchli shaxsi sifatida roʻyxatga olingan, 2018-yilgi prezidentlik saylovlarida uni qoʻllab-quvvatlagan „ Putin Team“ harakatining aʼzosi boʻlgan.

2018-yilda u Moskva meri lavozimiga nomzod Sergey Sobyaninning ishonchli vakili edi.

2018-yildan beri u Rossiya Federatsiyasi Prezidenti huzuridagi Madaniyat va sanʼat kengashining aʼzosi.

2022-yil 18-mart kuni u Lujniki stadionida Qrimning Rossiya Federatsiyasiga qoʻshilishining 1 yilligi sharafiga „Natsizmsiz dunyo uchun! Rossiya uchun! Prezident uchun“ nomli miting-konstertda ishtirok etdi.

Gagarinaga 2022-yilning aprelidan boshlab Estoniyaga kirish taqiqlangan.

Daromadi

Forbes maʼlumotlariga koʻra, Polina Gagarina 2020-yilda Instagramdagi rossiyalik blogerlar reytingida 0,89 million dollar daromad bilan ikkinchi oʻrinni egalladi.

Shaxsiy hayoti

• Birinchi turmush oʻrtogi – aktyor Pyotr Kislov (2007—2010).
  • oʻgʻli Andrey Kislov (2007-yil 14-oktyabrda tugʻilgan).
• Ikkinchi eri – fotograf Dmitriy Isxakov (2014-yil 09-sentyabridan 2021-yil fevralgacha).
  • qizi Miya Isxakova (2017-yil 26-aprelda tugʻilgan)

Diskografiyasi

Polina Gagarina Eurovision 2015 da

Eurovision 2015

Eurovision 2015

Studiyaviy albomlari

Ism	Ma `lumot
Poprosi u oblakov	Chiqarilgan: 2007-yil 12-iyul Yorliq: ARS records Format: CD, raqamli tarqatish
O sebe	Chiqarilish: 2010-yil 11-mart Yorliq: ARS records Format: CD, raqamli tarqatish
9	Chiqarish: 2016-yil 9-sentyabr Yorliq: Gazgolder Format: raqamli tarqatish
Vdox	Chiqarish: 2022-yil 25-noyabr Yorliq: Polina Gagarina Format: raqamli tarqatish

Albom singl

Yil	Ism	Albom
2005-yil	„Kolibelnaya“	Poprosi u oblakov
2006-yil	„Ya tvoya“
	„Morning“
2007-yil	„Ya tebya ne proshu nikogda“
	„Lyubov pod solnsem“	O sebe
2008-yil	„Gde-to jivyot lyubov“
	„Komu, zachem?“ (Irina Dubtsova bilan birga)
2009-yil	„Propadi vsyo“
2016-yil	„Day“	9
	„Tansuy so mnoy“
	„Stanu solnsem“
2022	"Voda"	Vdox
	"Babochki"

Albom boʻlmagan singllar

• 2010-yil – „Ya obeshayu“
• 2011-yil – „Oskolki“
• 2012-yil – „Navek“
• 2013-yil – " Spekrakl okonchen "
• 2013-yil – „Net“
• 2014-yil – „Yurish“
• 2015-yil – „A Million voises“ / „Million golosov“
• 2015-yil – „Ya ne budu“
• 2017-yil – „Dramy bolshe net“
• 2017-yil – „Obezorujena“
• 2018-yil – „Ya obeshayu“ (Yangi versiya)
• 2018-yil – „Vyshe golovy“
• 2018-yil – „Kamen na serdtse“
• 2018-yil – „Melanxoliya“
• 2019-yil – „Angely v tantse“
• 2019-yil – „Smotri“
• 2020-yil – „Ty ne tseluy“
• 2020-yil – „Nebo v glazah“
• 2020-yil – „Na rasstoyanii“
• 2020-yil – „Zima“
• 2021-yil – „Vchera“
• 2022-yil – „Navsegda“
• 2022-yil – „Voda“
• 2022-yil – „Dushi“ (Dima Bilan bilan hamkorlikda)
• 2023-yil – „Solntse vzoydyot“

Polina Gagarina ishtirokida

Yil	Ism	Albom
2014	„Immortal Feeling“ (Denis Matvienko Polina Gagarina bilan birga)
2016	„Golos“ (Basta Polina Gagarina bilan birga)	Basta 5, 1-qism (Basta albomi)
2017	„Angel veri“ (Basta Polina Gagarina bilan birga)	Albomsiz
	„Komanda“ (Smash va Yegor Creed Polina Gagarina bilan birgalikda)	Viva Amneziya (Smash albomi)
2018	„V nevesomosti“ (Emin Polina Gagarina bilan birga)	Prosti, moya lyubov (Eminʼa albomi)
	„Putevodnaya zvezda“(Polina Gagarina bilan „Putin team“)
	„Ty i ya“ (Charlz Aznavur Polina Gagarina bilan)	Albomsiz
2021	„Circles and Squares“ (Mans Zelmerlou Polina Gagarina bilan)	Figurali uchish boʻyicha jahon chempionati 2021

Saundtreklar

Yil	Ism	Albom
2015-yil	„Lyubov tebya naydyot“	Odnoy levoy (OST)
	„Bolshe snov“	Schastye-eto… (OST)
	„Kukushka“	Bitva za Sevastopol (OST)
	„Ne para“	Monstry na kanikulah (OST)
2017-yil	„My- vselennaya!“ (NEOPOLEON bilan birgalikda)	Horoshiy malchik (OST)
2022-yil	„Ostavit sled“	Stiker (OST)

Videokliplari

Yil	Klip	Rejissyor	Albom
2005	"Kolibelnaya"	Vladislav Opelyanets	"Poprosi u oblakov"
2006	"Ya tvoya"	Georgiy Toidze
	"Morning"	Irina Mironova
2007	"Ya tebya ne proshu nikogda"	Semyon Gorov
2009	"Komu? zachem" (Irina Dubsova bilan hamkorlikda)	Aleksey Golubev	"O sebe"
2011	"Oskolki"	Natalya Merkulova
2012	"Spektakl okonchen"	Sergey Solodkiy
	"Net"	Alan Badoev
2013	"Navek"
2014	"Immortal Feeling" (Denis Matvienko bilan hamkorlikda)
	"Shagay"	Sergey Solodkiy
2015	"Lyubov tebya naydyot" (OST Odnoy levoy)	Aleksey Golubev
	„A Million Voices“/ „Million golosov“
	"Bolshe snov" (OST Schactye-eto)	nomalum
	"Kukushka"	OST „Bilva za Sevastopol“
	"Ya ne budu"	Aleksey Golubev	albomsiz
	"Ne para"(OST Monstri na kanikulah)
2016	"Day"		"9"
	"Golos" (Basta bilan hamkorlikda)	nomalum	"Basta 5, Chast 1" (albom Basti)
	"Tansuy so mnoy"	Aleksey Satolin	"9"
2017	"Stanu solntsem"
	"Angel veri" (sovmestno s Bastoy)	Timofey Kolesnikov
	"Komanda" (Egor Kreed, SMASH bilan hamkorlikda)	Aleksey Golubev
	"Drami bolshe net"	Leonid Kolosovskiy	albomsiz
	"Obezorujena"	Aleksey Kupriyanov
2018	"V nevesomosti" (Eminʼem bilan hamkorlikda)	Serghey Grey	"Prosti, moya lubov" (Eminʼ ning albomi)
	"Putevodnaya zvezda" („Putin Team“ harakatining gimni)
	"Kamen na serdse"	Leonid KolosovskiyLeonid Kolosovskiy
	"Vishe golovi"	Alan Badoev
2019	"Melanholiya"	Zaur Zaseev Pavel Hudyakov hamkorligida	albomsiz
	"Smotri"	nomaʼlum
2020	"Na rasstoyanii"	Madet Shayahmetov
	"Ti ne seluy"	Anton Rodin
2021	"Circles and Squares" (Mans Zelmerlow bilan hamkorlikda)	nomalum	World Figure Skating Championships 2021
	"Vchera"	Alan Badoev [?]
2022	"Ostavit sled" (OST „Stiker“)	nomaʼlum	albomsiz
	"Navsegda"	Grigoriy Nikitin	albomsiz
	"Voda"	nomaʼlum
	"Babochki"	nomaʼlum	"Vdox"

Filmografiyasi

Aktyorlik ishlari

• 2015-yil – Odnoy levoy – Sofi / („Lyubov tebya naydyot“) qoʻshiq ijrosi
• 2018-yil – Zapovednik- kameo
• 2021-yil – Bivshiye – Lena Byorn, yozuvchi

Dublyaj

• 2012 – Monstri na kanikulah – Mavis / qoʻshiq ijrosi
• 2014 – Oz: Vozvrasheniye v Izumrudniy gorod – Doroti Geyl
• 2015 – Taʼtildagi HAYVONLAR 2 – Mavis / qoʻshiq ijrosi
• 2017 – Trio v peryah – boyqush Olga
• 2017 – My Little Pony filmi – Burya
• 2018 – Papa-mama gus – Lily oʻrdakcha
• 2018 – Monstri na kanikulah 3: More zovyot – Mavis
• 2019 – Ptichiy dozor – chaykaBrigitte
• 2020 – Trolli. Mirovoy tur – Rocks
• 2021 – Monstri na kanikulah 4:Transformaniya- Mavis
• 2023 – Trio v peryah 2- boyqush Olga[68]

Multfilm dublyaj

• 2020 – Polnoe pogrujeniye – delfin Mia

Boshqa

• 2007-yil – Dochki-materi – asosiy qoʻshiqni ijro etish
• 2012-yil – Katina lyubov – bosh qoʻshiqning ijrosi
• 2015-yil – Bitva za Sevastopol – asosiy musiqiy mavzu (Viktor Tsoyning " Kukushka „ qoʻshigʻining caver versiyasi)
• 2016 – Horoshiy malchik – “Biz koinotmiz!" qoʻshigʻi (filmning yakuniy qoʻshigʻi)
• 2022 – Stiker – "Ostavit sled" qoʻshigʻi

Reklamada

• Butunjahon diabetga qarshi kurash kuni, Basta bilan hamkorlikda (2016)
• Nescafe Gold (2016)
• Yogurt " Danone " (2017)
• Lenor konditsioneri (2020)
• „Cherniy jemchug“ kremi
• Sberbank
• Lays chipslari
• Sokolov Zargarlik brendi
• Ozon (Dmitriy Malikov bilan birga)
• " Halva " bank kartasini boʻlib toʻlash
• " Magnit " doʻkonlar tarmogʻi (2021)
• „Askona divanlari“ (2023)

Televidenie

• 2003-yilda u " Fabrika zvezd " loyihasida gʻolib chiqdi.
• 2005-yilda „ Novaya volna“ tanlovida 3-oʻrinni egalladi.
• U Ukrainaning " Narodnaya zvezda " telekoʻrsatuvida ishtirok etdi va u yerda ikkinchi oʻrinni egalladi.
• 2011-yilda u Birinchi kanalning " Prizrak operi " loyihasida ishtirok etgan.
• 2012-yilda u Birinchi kanalning " Fabrika zvyozd. Rossiya – Ukraina "loyihasida Rossiya jamoasi tarkibida ishtirok etdi.
• 2013-yilda u Birinchi kanalning " Dve zvezdi " loyihasida Aleksandr Julin bilan duetda ishtirok etdi.
• 2014-yilda u „Hochu k Meladze“ serialiti-shousida ustoz boʻlgan.
• 2015-yilda u Birinchi kanalning „ Toch-v-toch“ loyihasida ishtirok etdi, ammo „Evrovidenie 2015“ qoʻshiq tanlovidagi ishtirok etishi munosabati bilan undan voz kechdi.
• 2015-yil 19-va 23-may kunlari u Evrovidenie 2015 da Rossiyani himoya qildi va u yerda 2-oʻrinni egalladi.
• 2015—2016-yillarda „ Golos“ loyihasining 4-va 5-fasllari boʻyicha murabbiy boʻlgan.
• 2019-yilda u Xitoyning Hunan Television telekanalida taniqli professional ijrochilarning I Am a Singer xalqaro tanlovida ishtirok etdi. Polina birinchi bosqichda Konstantin Meladze tomonidan " Bitva za Sevastopol " filmi uchun aranjirovka qilingan "Kukushka " qoʻshigʻi bilan gʻolib chiqdi. Ikkinchi bosqichda qoʻshiqchi ikkinchi oʻrinni egalladi.
• 2019—2020-yillarda „ Golos“ loyihasining 8-va 9- mavsumi uchun murabbiy boʻlgan.
• 2020-yilda u " Golos. Deti " shousining 7- mavsumi uchun murabbiy boʻldi.
• 2021-yilda u ilgari ishtirok etgan " Toch to Toch " shousida hakam boʻldi.
• 2022-yilda u yana „ Golos. Deti“ shousining 9- mavsumi uchun murabbiy boʻldi.

Sovrinlari va mukofotlari

• 2005-yil 29-iyul – 1-avgust – „Novaya volna“ xalqaro musiqa tanlovida uchinchi oʻrin.
• 2006-yil 9-dekabr – „Ya tvoya“ qoʻshigʻi bilan „Pesnya goda“ telefestivalining laureati.
• 2007-yil 9-dekabr – „Ya tebya ne proshu nikogda“ qoʻshigʻi bilan „Yil qoʻshigʻi“ festivali laureati.
• 2008-yil 7-dekabr – „Lyubov pod solnsem“ va "Komu, zachem? ", xonanda har yili oʻtkaziladigan „Yil qoʻshigʻi“ festivali laureati boʻldi.
• 2010-yil 11-iyun – Irina Dubsova bilan birgalikda Muz-TV telekanalining „Eng yaxshi duet“ nominasiyasida gʻolib chiqdi.
• 2012-yil 18-iyun – „Feshn-pesnya“ nominasiyasida „Spektakl okonchen“ qoʻshigʻi bilan yillik Fashion People mukofotlari gʻolibi boʻldi.
• 2012-yil 29-sentyabr – „ RU.TV“ yillik mukofotining „Eng yaxshi rington“ nominatsiyasida „Spektakl okonchen“ qoʻshigʻi bilan gʻalaba qozondi.
• 2012-yil 1-dekabr – " Spektakl okonchen " hiti uchun nufuzli Zolotoy Grammafon mukofotining faxriy statuetkasi.
• 2012-yil 1-dekabr – „Spektakl okonchen“ qoʻshigʻi bilan „Yil qoʻshigʻi“ telefestivalining laureati.
• 2013-yil 1-yanvar – „Spektakl okonchen“ qoʻshigʻi uchun „ [[20 лучших песен|Eng yaxshi 20 ta]] qoʻshiq“ dasturidan diplom va qizil yulduz.
• 2013-yil 5-may – „Eng yaxshi qoʻshiqchi“ deb topildi, shuningdek, „Net“ qoʻshigʻiga ishlangan video „ RU.TV“ telekanalining sarhisobiga koʻra 2013-yilning eng yaxshi videoklipi boʻldi.
• 2013-yil 7-iyun – Muz-TV telekanalida „Yilning eng yaxshi yutuqlari“ nominasiyasida gʻalaba.
• 2013-yil 17-iyun – „Fashion People Awards“ premiyasining „Fesn qoʻshiqchi“ nominatsiyasida gʻolib boʻldi.
• 2013-yil 12-noyabr – 9-chi „Jenshina goda Glamur“ mukofotini topshirish marosimida Gagarina „Yil xonandasi“ deb topildi.
• 2013-yil 30-noyabr – „Net“ qoʻshigʻi uchun „Zolotoy Grammafon“ statuetkasi.
• 2013-yil 7-dekabr – „Net“ qoʻshigʻi bilan har yili oʻtkaziladigan „Pesnya goda“ festivali gʻolibi.
• 2014-yil 2-yanvar – „Net“ qoʻshigʻi uchun „Eng yaxshi 20 ta qoʻshiq“ dasturidan diplom va qizil yulduz.
• 2014-yil 22-noyabr – Music Box talqini boʻyicha „Yil qoʻshiqchisi“ deb tan olingan.
• 2014-yil 6-dekabr – „Shagay“ qoʻshigʻi bilan „Pesnya goda“ festivali laureati.
• 2015-yil 24-may – Eurovision 2015 qoʻshiq tanlovida ikkinchi oʻrin.
• 2015-yil 8-sentyabr – GQ jurnali tomonidan „Yil ayoli“ deb tan olingan.
• 2015-yil 10-noyabr – Glamour jurnali tomonidan „Yil ayoli“ deb tan olingan.
• 2015-yil 11-dekabr – „Ommaviy musiqaning eng yaxshi ijrochisi“ va „Eng yaxshi saundtrek“ nominatsiyalarida „Birinchi Rossiya milliy musiqa mukofoti“ „Bitva za Sevastopol“ („Sevastopol uchun jang“ filmidagi „Kukushka“ qoʻshigʻi uchun).
• 2015-yil 16-dekabr – Yandex.Musiqa xizmati 2015-yil yakunlarini sarhisob qildi. Yil qoʻshigʻi: rossiyalik qoʻshiqchi Polina Gagarina – „A Million Voises“.
• 2016-yil 18-aprel – „HELLO! Rossiya“ jurnalining tadqiqotlariga koʻra „Rossiyadagi eng zamonaviy“ nominatsiyasida „Rossiyadagi eng zamonaviy – 2016“ mukofotida gʻalaba.
• 2016-yil 10-iyun – „Eng yaxshi ijrochi“ nominatsiyasida „Muz-TV 2016 mukofoti“ gʻolibi.
• 2019-yil 22-mart – „Yilning eng yaxshi ayol xonandasi“ nominatsiyasida BraVo mukofoti.
• 2021-yil 2-dekabr – „Eng yaxshi estrada xonandasi“ nominatsiyasida „Viktoriya“ Rossiya milliy musiqa mukofoti laureati – „Vchera“.

Sanksiyalar

2022-yil mart oyida Gagarina Rossiyaning Ukrainaga bostirib kirishini qoʻllab-quvvatlagani uchun Latviya va Estoniya hududiga kirishi taqiqlandi..

Havolalar

• Gagarina Polina
• Konsertnie grafiki Polini Gagarinoy
• Polina Gagarina: „O tom, kak poxudela na 40 kg, vishla zamuj na 6-m mesyatse i ushla ot Fadeeva k Meladze“ – intervyu na sayte „7 dney“ Arxivnaya kopiya ot 7-iyunya 2013 na Wayback Machine
• Polina Gagarina: „Obmenivaytes polojitelnimi energiyami“ / „Krasota & Zdorove“, oktabr 2013