Poytugʻ

Poytugʻ — Andijon viloyati Izboskan tumanidagi shahar (1980 yildan). Tuman markazi (1935-yildan). Transport yo'li stansiyasi. Viloyat markazi (Andijon shahri)dan 12 km. Aholisi 48,9 ming kishi (2021). Katta Farg'ona kanalidan suv oladi.

Poytugʻ
shahar
40°54′0″N 72°15′0″E
Mamlakat	O'zbekiston
viloyat	Andijon viloyati
tuman	Izboskan (tuman)
Asos solingan	Miloddan avvalgi 120 yil
Ilk eslatilishi	XIV asr
Avvalgi nomlari	Boytog', Poytog'
Rasmiy til(lar)i	o'zbek
Aholisi  (2021)	48 890
Vaqt mintaqasi	UTC+5
Pochta indeks(lar)i	171200
Avtomobil kodi	60
[[File:|290px|Poytugʻ xaritada]]

Toponimistlarning fikricha, shahar nomi „poy“ — quyi, etak va „tug'“ — to'g'on so'zlaridan vujudga kelgan (Mahmud Koshg'ariyda tug' — to'g'on). Shunga asoslanib, toponim „to'g'on tagi, to'g'on yoni“ bo'lishi mumkin.

Poytug'da tuman hokimiyati binosi, maʼmuriy tashkilotlar, ip yigiruv-to'quv, poyabzal, shoyi to'qish fabrikalari, paxta tozalash zavodi, non kombinati, viloyat taʼmirlash ishlab chiqarish korxonasi, avtostansiya, dehqon bozori, savdo, madaniy, maishiy xizmat ko'rsatish shoxobchalari bor. Umumiy taʼlim maktablari, litsey, 2 kasb-xunar maktabi, 5 kutubxona, madaniyat va istirohat bog'i, Xotira maydoni mavjud. Markaziy kasalxona, 3 poliklinika, tez tibbiy yordam bo'limi faoliyat ko'rsatadi.