Prezident maktabi (Jizzax)
Jizzax shahridagi Prezident maktabi („Prezident taʼlim muassasalari agentligi“ saytida Jizzax shahridagi Prezident maktabi[1]) — 2021-yil 15-noyabr kuni Jizzax shahrida ochilgan zamonaviy taʼlim muassasasi[3]. Maktabda darslar STEAM yoʻnalishiga oid oʻquv qoʻllanma va darsliklar orqali olib boriladi[1]. Maktabga Yangi Zelandiya, Hindiston, Pokiston, Xorvatiya, Filippin va Shotlandiya kabi xorijiy davlatlardan mutaxassislar jalb qilingan[3]. Ular bilan birga 23 nafar mahalliy oʻqituvchilar faoliyat yuritadi. Prezident maktablari uchun kirish imtihonlari Cambridge universitetining Cambridge Assessment International Education imtihon kengashi tomonidan oʻtkaziladi.
| Jizzax Prezident maktabi Jizzax shahridagi Prezident maktabi | |
|---|---|
| Joylashgan yeri | |
| Sayiljoy mahallasi Jizzax viloyati Jizzax shahri,  Oʻzbekiston
| |
| Maʼlumot | |
| Maktab turi | Prezident maktabi |
| Ochilgan sanasi | 2021-yil 15-noyabr |
| Mutaxassislar | Mahalliy 23 ta, chet ellik 11 ta[1]. |
| Direktor | G'aniyev Ma'ruf[2]. |
| Til | Oʻzbekcha Inglizcha |
| Website | Jizzax shahridagi Prezident maktabi |
Ochilish tarixi
tahrirJizzax shahridagi ushbu oʻquv muassasasi rasman 2021-yil 15-noyabrda ochilgan. Ochilish marosimida viloyat hokimligi masʼullari, sektor rahbarlari, Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi direktori Hilola Umarova, Oliy Majlis Senati aʼzolari va mexnat faxriylari qatnashgan. Oʻquv kompleksi qurilishi uchun davlat byudjetidan 70 milliard 700 million soʻm sarflangan[3][4]. Kompleks tarkibida 168 oʻrinli oʻquv binosi, shuncha oʻrinli yotoqxona, 120 oʻrinli oshxona, sport zali, bosseyn va 10.000ga yaqin kitobni oʻzida jamlagan kutubxona mavjud. Maktab bitiruvchilari shahodatnoma, attestat, shuning bilan birga xalqaro darajadagi dastur diplomiga ega boʻlishi mumkin.
Qulayliklar
tahrirMaktab oʻquvchilari 5 mahal ovqat, bepul maktab formasi va bepul yotoqxona bilan taʼminlanadi. Oʻquvchilar darsdan boʻsh paytida kompyuterda ishlashlari uchun zarur shart sharoitlar yaratilgan. Sinfxonalar smart doskalar bilan jihozlangan. Barcha turdagi sport anjomlariga ega sport zali, basketbol va futbol maydonchalari ham mavjud[1].
Manbalar
tahrir- ↑ 1,0 1,1 1,2 1,3 „Jizzah shahridagi Prezident maktabi“. Portal.piima.uz. Qaraldi: 2023-yil 18-iyul.
- ↑ „O’zbekiston Respublikasi Prezident ta'lim muassasalari agentligi tasarrufidagi maktablar to‘g‘risida umumiy ma’lumot (nomi, joylashgan joyi, ish tartibi, aholi bilan ishlash bo‘yicha telefon raqamlari, rasmiy veb-sayti, elektron pochta manzili, rahbarning F.I.Sh., geografik joylashuvi)“. data.egov.uz. data.egov.uz. Qaraldi: 4-iyun 2023-yil.
- ↑ 3,0 3,1 3,2 „Jizzax shahrida Prezident maktabi ochildi“. xs.uz. 2023-yil 31-avgustda asl nusxadan arxivlangan. Qaraldi: 31-avgust 2023-yil.
- ↑ „Jizzaxda prezident maktabi ochildi“. Qaraldi: 2023-yil 1-sentyabr.