Roman Skornyakov
Roman Skornyakov (1976-yil 17-fevralda tugʻilgan, Sverdlovsk, RSFSR, SSSR) — oʻzbekistonlik va russiyalik figurachi. U 1996-yilgacha yakkalik holatdagi figurali uchishda Rossiya bayrogʻini, keyinchalik Oʻzbekiston bayrogʻini himoya qilgan. Roman Skornyakov 1997-2003-yillarda — Oʻzbekiston milliy chempioni boʻlgan. 1998-2002-yillarda Qishki Olimpiada oʻyinlarida Oʻzbekiston milliy termasida ishtirok etib, ikki marotaba 19-oʻrinni egallaydi. U 2000-2002-yillarda toʻrt qit’a chempionatida 7-oʻrinni qoʻlga kiritadi.
| Roman Skornyakov | |
|---|---|
| Shaxsiy maʼlumotlari | |
| Jinsi | Erkak |
| Tavallud sanasi |
17-fevral 1976-yil Yekaterinburg, RSFSR |
| Sport | |
| Qaysi sport | figurali uchish |
Tarjimai hol
tahrirRoman Skornyakov 4 yasharidan[1] buyon “Yunost” (Yoshlik) sport maktabida Igor Ksenofontov[2] va Marina Voysexovskiylar[3] bilan figurali uchish boʻyicha shugʻullanib kelgan. U olimpiya zahiralar maktabini tamomlagan. 1995-1996-yillarda Rossiyaning ikkita chempionatida ishtirok etib, ikkinchi oʻntalikdan joy olgan. Shundan keyin u 1997-2002-yillarda yakkalik holatdagi erkaklar figurali uchish boʻyicha doimiy mamlakat chempioni sifatida 7 yil mobaynida Oʻzbekiston bayrogʻini himoya qilgan.Shu bilan bir qatorda Oʻzbekistonda sport anjomlari yetarli boʻlmaganligi sababli Skornyakov Yekaterinburgda mashgʻulotlarini davom ettiradi, lekin 1998-yildan AQSHdagi Deyl-Sitiga koʻchib oʻtadi[4][5].
U Oʻzbekiston uchun figurali uchish boʻyicha eng yirik jahon musobaqalarida: yetti bor jahon chempionatida, ikki marotaba Nagano va Solt-Leyk-Sitida oʻtkazilgan qishki Olimpiada oʻyinlarida ishtirok etgan. Mazkur musobaqalarda u eng kuchli yigirmata sportchilar qatoridan oʻrin egalladi. Sornyakovning eng katta muvaffaqiyatlaridan biri — 1999-yilda Kanvondoda boʻlib oʻtgan Qishki Osiyo oʻyinlarida kumush medalni qoʻlga kiritishi boʻldi.
U 2000-yilning yanvar oyida kelib chiqishi asli rossiyalik boʻlgan oʻzbek figurali uchuvchisi, Oʻzbekiston chempioni va toʻrt qit’a chempionati gʻolibi Tatyana Malinina bilan oila qurdi. Oradan vaqt oʻtib 2004-yilda bu juftlikdan Ilya ismli oʻgʻil farzand dunyoga keladi, 2017-yilda esa AQSH chempionatida oʻz yosh toifasida eng yaxshisi sanalgan. Soʻng Skornyakov 2022-yilda jahon chempionatida ilk bor ishtirok etgan.
Sport faoliyatining soʻnggida ikki juftlikning murabbiyi hisoblangan Igor Ksenofontov vafotidan keyin Skornyakov va Malinina birga figurali uchish boʻyicha shugʻullanishgan[6].
Ayni kunda Roman Skornyakov Virjiniya shtatidagi Deyl-Sitida murabbiy sifatida faoliyat olib boradi[1].
Sport yutuqlari
tahrir| Xalqaro | |||||||||
|---|---|---|---|---|---|---|---|---|---|
| Musobaqalar/mavsum | 94-95 | 95-96 | 96-97 | 97-98 | 98-99 | 99-00 | 00-01 | 01-02 | 02-03 |
| Qishki Olimpiya o'yinlari | 19 | 19 | |||||||
| Jahon chempionati | 20 | 14 | 21 | 17 | 20 | 19 | 20 | ||
| To'rt qit'a chempionati | 9 | 7 | 12 | 7 | |||||
| GP Lalique | 7 | ||||||||
| GP NHK Trophy | 12 | 8 | 4 | 10 | 7 | ||||
| GP Sparkassen | 7 | 11 | |||||||
| Golden Spin of Zagreb | 6 | ||||||||
| Skate Israel | 5 | 9 | |||||||
| Osiyo o'yinlari | 2 | ||||||||
| Osiyo kubogi | 7 | 2 | |||||||
| Milliy | |||||||||
| O'zbekiston | 1 | 1 | 1 | 1 | 1 | 1 | 1 | ||
| Rossiya | 16 | 11[3] | |||||||
| GP = Chempionlar seriyasi / Gran-pri | |||||||||
Manbalar
tahrir- ↑ 1,0 1,1 „Move to America Benefits Skorniakov“ (en). Golden Skate (2002-yil 28-mart). Qaraldi: 2017-yil 12-iyun.
- ↑ „Crystal Report Viewer“. www.isuresults.com. Qaraldi: 2017-yil 12-iyun.
- ↑ 3,0 3,1 „Роман Скорняков - Roman Skornyakov - Личности“. www.fskate.ru. Qaraldi: 2017-yil 11-iyun.
- ↑ „Вон из дома. Все фигуристы, которые уезжали из России за границу“ (ru). Sports.ru (2015-yil 6-sentyabr). Qaraldi: 2017-yil 12-iyun.
- ↑ „At 26, Russian Becomes Potential Worlds-beater“ (en). tribunedigital-chicagotribune. 2017-yil 27-yanvarda asl nusxadan arxivlangan. Qaraldi: 2022-yil 5-iyul.
- ↑ Move to America Benefits Skorniakov |website = Golden Skate |date= 28 March 2002 }}