Saida Mansurxoʻjayeva
Saida Mansurxoʻjayeva Saidrasulovna (1979-yil, Toshkent, Oʻzbekiston SSR) – oʻzbek raqqosasi va aktrisasi. Oʻzbekistonda xizmat koʻrsatgan artist. Oʻzbekiston xalq artisti[1].
| Saida Mansurxoʻjayeva | |
|---|---|
| Tavalludi |
1979 |
| Fuqaroligi |
 Oʻzbekiston |
| Taʼlimi |
Toshkent xoreografiya bilim yurti Toshkent davlat yuridik instituti |
| Kasbi |
Raqqosa aktrisa |
| Mukofotlari |
  |
Biografiyasi
tahrirSaida Mansurxoʻjayeva 1979-yilda Toshkent shahrida tugʻilgan. Toshkent xoreografiya bilim yurti (xoreografiya boʻlimi) va yuridik institutini tamomlagan. 1994-yili hozirgi „Oʻzbekiston“ Davlat ashula va raqs ansamblida ish boshlagan. „Yalla“ ansambli bilan uzoq vaqt faoliyat olib borgan. Uning chiqishlari Fransiya, Buyuk Britaniya, Italiya, Yaponiya, Hindiston va boshqa mamlakatlarda boʻlib oʻtgan[2].
Kinodagi faoliyati
tahrirSaida Mansurxoʻjayeva ilk marta 16 yoshida reklama roligida suratga tushgan. Lekin ushbu loyihadagi ishtiroki muvaffaqiyatsiz chiqadi. Biroz vaqt oʻtib, 1996-yili rejissor Poʻlat Fayziyev Saidani „Margʻiyona“ filmiga bosh rol uchun taklif etadi. Kartinadagi roli unga muvaffaqiyat olib keladi. 1998-yilda Zulfiqor Musoqov suratga olgan „Kichkina tabib“ filmida Shahnoza rolini oʻynaydi. Saida Mansurxoʻjayeva 2006-yilda suratga olingan „Goʻzallik siri“ filmidagi rassom qiz rolini ijro etadi. Saidaning qahramoni Laylo mashhur dizayner va rassomga aylanib, Fransiyada oʻtkazilgan xalqaro koʻrgazmada qatnashadi va shuhrat qozonadi. Saida Mansurxoʻjayeva „Saida“ nomli professional raqs maktabi raisi[3]. Oʻquvchilariga raqsga tushishni oʻrgatadi.
Filmografiyasi
tahrirSaida Mansurxoʻjayeva suratga tushgan filmlar xronologik tartibda keltirilgan[4].
| Yil | Film | Rol | Rejissor |
|---|---|---|---|
| 1996 | Margʻiyona | Margʻiyona | Poʻlat Fayziyev |
| 1998 | Kichkina tabib | Shahnoza | Zulfiqor Musoqov |
| 2006 | Goʻzallik siri | Laylo | Jamilaxon Poʻlatova |
| 2012 | Burch va muhabbat | Oltinoy | Ozod Shams |
| 2015 | Mehmonxona (serial) | Nargiza | Akram Isoqov |
| 2022 | Pari sovgʻasi | Gulchehra | Farhod Mahmudov |
Oilasi
tahrirSaida Mansurxoʻjayeva turmushga chiqqan, oilali. Otasi velosport boʻyicha sport ustasi, onasi filolog. Raqqosa va aktrisa Goʻzal Mansurxoʻjayeva uning opasi.
Saida Mansurxoʻjayeva 2014-yilda Samiya qizini dunyoga keltirgan.
Mukofotlari
tahrirManbalar
tahrir- ↑ „Республиканский конкурс народного танца имени Мукараммы Тургунбаевой превзошел все ожидания, открыл новые яркие имена“. kultura.uz. Qaraldi: 23-mart 2025-yil.
- ↑ „Саида Мансурходжаева (Saida Mansurxo'jayeva) биография“. kino-teatr.ru. Qaraldi: 23-mart 2025-yil.
- ↑ „Kinoda yarq etib ko‘ringan va keyin “yo‘qolib qolgan” aktrisalar“. Qaraldi: 23-mart 2025-yil.
- ↑ „Саида Мансурходжаева (Saida Mansurxo'jayeva) фильмография“. kino-teatr.ru. Qaraldi: 23-mart 2025-yil.
- ↑ „Ўзбекистон Республикаси Президенти Фармони“. Oʻzbekiston adabiyoti va sanʼati. № 35. 1-bet.
- ↑ „2011 йил "Шухрат", "Хизмат кўрсатган", "Жасорат" ва бошқа мукофотлари!“. sayyod.com. Qaraldi: 23-mart 2025-yil.