Tavfiq al-Hakim

Tavfiq al-Hakim (9-oktyabr 1898-yil; Iskandariya – 26-iyul 1987-yil; Qohira) – Misrlik arab yozuvchisi va jamoat arbobi. Qohiradagi „Arab tili akademiyasi“ aʼzosi.

Tavfiq al-Hakim
Tavalludi	9-oktyabr 1898-yil Iskandariya, Misr Xadivligi
Vafoti	26-iyul 1987-yil(1987-07-26) (88 yoshda) Qohira, Misr
Ijod qilgan tillari	Arab tili
Fuqaroligi	Misr
Yoʻnalish	Dramaturgiya
Mukofotlari	Misr Davlat mukofoti

Hayoti

Tavfiq al-Hakim 1898-yil 9-oktyabrda Iskandariyada tavallud topgan. 1924-yilda Qohiradagi Oliy yuridik maktabni tugatgan. Parijda Yevropa xalqlari adabiyoti va sanʼatini oʻrgangan. 1927–1934-yillarda adliya idoralarida tergovchi, 1934–1943-yillarda maorif va taʼlim vazirliklarida ishlagan. 1959–1960-yilda Misrning YUNESKOdagi vakili boʻlgan. Ijodi asosan mustamlakachilikka qarshi kurash, xotin-qizlar ozodligi mavzulariga bagʻishlangan.

Tavfiq al-Hakim arab adabiyotida ijtimoiy turmushni tasvirlovchi birinchi roman („Ruhning qaytishi“, 1933) muallifi. Adabiyot sohasidagi Misr Davlat mukofoti laureati (1961). Uning „Tugʻyon“ romani (1974) va ayrim hikoyalari oʻzbek tilida nashr etilgan.

Asarlari

• „Chaqirilmagan mehmon“ (1918);
• „Yangi ayol“ (1924);
• „Ruhning qaytishi“ (1933)
• „Naychi“ (1934);
• „Provinsiya tergovchisining xotiralari“ (1937);
• „Shahrizoda“ (1934);
• „Pigmalion“ (1942);
• „Qamoqxona hayoti“ (1964)
• „Parmachining taqdiri“ (1966);
• „Tugʻyon“ (1974).