Timofey Alekseychuk
Timofey Danilovich Alekseychuk (1921-yil 6-fevral – 2010-yil 16-dekabr) – sovet zobiti, Ulugʻ Vatan urushi qatnashchisi, kapitan[1], 1-Ukraina frontining 1-gvardiya armiyasi 99-oʻq korpusi 197-oʻq polkining miltiq batalyoni komandiri. Sovet Ittifoqi Qahramoni (1944-yil 1-oktyabr), isteʼfodagi polkovnik.
| Timofey Danilovich Alekseychuk | |
|---|---|
 | |
| Tavalludi |
6-fevral 1921-yil Komarichi, Rossiya SFSR |
| Vafoti |
16-dekabr 2010-yil (89 yoshda) Moskva, Rossiya |
| Fuqaroligi |
 SSSR |
| Qoʻshin turlari | piyoda askarlar |
| Xizmatdagi yillari | 1939—1976 |
| Jang/urush | Ulugʻ Vatan urushi |
| Mukofotlari |
     |
| Isteʼfoda | Moskva iqtisodiyot va statistika instituti o'qituvchisi |
Hayoti
tahrirTimofey Danilovich Alekseychuk 1921-yil 6-fevralda Bryansk viloyati, Sevskiy tumani, Radogoshchskaya volostining Komarichi qishlogʻida ishchi oilasida tugʻilgan. Millati belarus. 1939-yilda Qizil Armiya safiga chaqirilgan. 1941-yilda V.I.Lenin nomidagi Toshkent birlashgan harbiy bilim yurtini tamomlagan.
1942-yil noyabr oyidan Ulugʻ Vatan urushi, Zakavkazye, Shimoliy Kavkaz va 1-Ukraina frontlarida jang qilgan. 1943-yilda Butunittifoq Kommunistik partiyasi/KPSS partiyasiga qabul qilingan.
Batalyon komandiri Alekseychuk Ukraina SSRni ozod qilish uchun boʻlgan janglarda (Kiyev va Jitomir-Berdichevdagi hujum operatsiyalari) oʻzini koʻrsatgan. 1943-yil 26-dekabrda Studenitsa qishlogʻi (Ukrainaning Jitomir viloyati, Korostyshevskiy tumani) uchun boʻlgan jangda yarador boʻlgan, ammo, jang maydonini tark etmagan. 1943-yil 31-dekabrda uning qoʻmondonligidagi miltiq batalyoni fashistlar mudofaasini yorib oʻtib Jitomir shahriga kirgan va dushmanni yoʻq qilgan. Jitomir shahrini ozod qilishga oʻnta tank, uch yuztacha askar va ofitserlar jalb etilgan.
SSSR Oliy Kengashi Prezidiumining 1944-yil 10-yanvardagi „Qizil Armiya generallari, ofitserlari, serjantlari va oddiy askarlariga Sovet Ittifoqi Qahramoni unvonini berish toʻgʻrisida“gi farmoni bilan „jangovar vazifalarni naʼmunali bajarganliklari, koʻrsatgan jasorat va qahramonligi uchun" kapitan Alekseychuk Timofey Danilovichga Lenin ordeni va „Oltin yulduz“ medali hamda Sovet Ittifoqi Qahramoni unvoni berilgan[2][3].
Urush tugaganidan keyin u SSSR qurolli kuchlarida xizmat qilishni davom ettirgan. 1947-yilda M.V.Frunze nomidagi harbiy akademiyani bitirgan. 1976-yilda polkovnik unvoni bilan nafaqaga chiqqan.
Timofey Danilovich Alekseychuk keyinchalik Moskva shahrida yashagan. Nafaqaga chiqishdan oldin Moskva iqtisodiyot va statistika institutida dars bergan.
Mukofotlari
tahrir- Oltin Yulduz medali
- Lenin ordeni
- Ikkita Qizil Bayroq ordeni
- Birinchi darajali Vatan urushi ordeni
- Ikkita Qizil Yulduz ordeni
- Medallar, shu jumladan:
- „1941–1945-yillardagi Ulugʻ Vatan urushida Germaniya ustidan qozonilgan gʻalaba uchun“ medali
- „1941–1945-yillardagi Ulugʻ Vatan urushidagi gʻalabaning yigirma yilligi“ yubiley medali
- „1941–1945-yillardagi Ulugʻ Vatan urushidagi gʻalabaning 30 yilligi“ yubiley medali
- „1941–1945-yillardagi Ulugʻ Vatan urushidagi Gʻalabaning 40 yilligi“ yubiley medali
- Chexiya Respublikasining Znoymo shahrining faxriy fuqarosi
Adabiyotlar
tahrir- Герои Советского Союза — наши земляки, Брянск, 1965.
- Полем боя испытаны, M., 1981.
Manbalar
tahrir- ↑ На дату присвоения звания Героя Советского Союза.
- ↑ Gazeta „Izvestiya“ № 9 ot 11 yanvarya 1944 goda s Ukazom o prisvoenii zvaniya Geroya Sovetskogo Soyuza.[sayt ishlamaydi]
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 yanvar (№ 3 (263)). — С. 1. Архивировано 7 dekabr 2021 года.