Toʻra Mirzayev

Mirzayev Toʻra (1936-yil 6-mart, Shofirkon tumani – 29.09.2020) — folklorshunos olim.

Toʻra Mirzayev
Tavalludi	6-mart 1936-yil Shofirkon tumani, Buxoro viloyati, Oʻzbekiston SSR
Vafoti	29-sentyabr 2020-yil(2020-09-29) (84 yoshda) Toshkent, Oʻzbekiston
Fuqaroligi	Oʻzbekiston
Ish joylari	Oʻzbek tili, adabiyoti va folklori instituti
Taʼlimi	Buxoro pedagogika instituti
Ilmiy darajasi	filologiya fanlari doktori
Ilmiy unvoni	professor
Mukofotlari

Filologiya fanlari doktori (1988), professor (1991). Buxoro pedagogika institutini tugatgan (1957). Jarqoʻrgʻon tumani maktablarida oʻqituvchi va oʻquv boʻlim mudiri (1957—1960), Oʻzbekiston Fanlar akademiyasi Til va adabiyot institutida aspirant (1961—1963), kichik (1964—1966), katta ilmiy xodim (1966—1971), folklor boʻlimi mudiri (1971-2002), direktor (1991-yildan; 1991—1998 yillarda — Adabiyot instituti), Oʻzbekiston Fanlar akademiyasi vitse-prezidenti (2001-yildan). Mirzayev tadqiqotlari xalq dostonlari va baxshilar epik repertuarini oʻrganishga bagʻishlangan. "Bulbul taronalari" (1971—73), "Pesni Bulbulya" (1974—77), "Oʻzbekskaya narodnaya poeziya" (1990), "Goʻroʻgʻli" dostonlari (1996—97), "Alpomish" (1999) kabi yirik asarlarni nashrga tayyorlagan va muharrirlik qilgan. Oʻzbek tilining izohli lugʻati yaratilishida tahrir hay'ati rahbari sifatida faoliyat olib borgan. Oʻzbek xalq qahramonlik eposi "Alpomish"ni nemis tilida Vaysvadenda nashr ettirgan (hamkorlikda, 2001). Beruniy nomidagi Oʻzbekiston Davlat mukofoti laureati (1973).

Manbalar

• Hodi Zarif, Toshkent.-1967;
• "Alpomish" dostonining oʻzbek variantlari, Toshkent.-
• Xalq baxshilarining epik repertuari, Toshkent.-1979.