Vadim Finkelshteyn
Vadim Grigoryevich Finkelshteyn (1964-yil 14-avgust; Fargʻona, Oʻzbekiston SSR) – rossiyalik tadbirkor, „M-1 Global“ xalqaro kompaniyasi prezidenti. Vadim Finkelshteyn MMA Imperia kiyimlari tarmogʻining asoschisi.
| Vadim Frinkelshteyn | |
|---|---|
| ruscha: Вадим Григорьевич Финкельштейн | |
| Tavalludi |
1964-yil 14-avgust |
| Fuqaroligi |
 SSSR Rossiya\ |
| Kasbi | tadbirkor |
Yoshligi
tahrir1964-yil 14-avgustda urush yillarida oilasi evakuatsiya qilingan Fargʻona (Oʻzbekiston SSR) shahrida tugʻilgan. 1970-yilda Finkelshteynlar Leningradga qaytib kelishgan. Vadim 14 yoshligida onasi vafot etgan. Vadimning Yevgeniy Finkelshteyn ismli ukasi bor.
20 yoshiga qadar Finkelshteyn sotuvchi boʻlib ishlagan, keyinchalik beshta boʻlim boshligʻi boʻlgan. 21 yoshida meva-sabzavot savdosi bilan shugʻullanadigan „Aromat“ kooperativiga asos solgan. Keyin oʻzbek restoranini ochgan. 90-yillarning boshlarida Vadim Gollandiyaga joʻnab ketgan. Bir yil oʻtgach, Finkelshteyn Rossiya bozorini Royal spirti bilan taʼminlay boshlagan. Shu bilan birga, Rossiyaga goʻshtni ulgurji yetkazib berish bilan shugʻullanuvchi Infin Gala International kompaniyasini Gollandiyada roʻyxatdan oʻtkazgan.
RED DEVIL
tahrir1995-yilda Vadim Finkelshteyn buyrugʻi bilan gollandiyalik mutaxassislar „RED DEVIL“ energetik ichimligini ishlab chiqqanlar[1]. Energiya bozoridagi faoliyati Yevropa aralash yakkakurashlari turnirlari tashkilotchilarining eʼtiboridan chetda qolmaydi, ular chempionatlardan birining homiysi boʻlish uchun yangi ishlab chiqaruvchiga murojaat qilishadi.
MMA boʻyicha professional janglar
tahrir1997-yilda „RED DEVIL“ sport klubi negizida Sankt-Peterburgda aralash yakkakurashlar federatsiyasi tashkil etilgan. Oʻsha yili Vadim Rossiyada Yevropa ochiq chempionati maqomini olgan va „Yubileyniy“ sport majmuasi arenasida boʻlib oʻtgan aralash yakkakurashlar (MMA yoki aralash yakkakurashlar – aralash jang sanʼati) boʻyicha birinchi turnirni tashkil qilgan. Ushbu turnirning tashkil etilishi muvaffaqiyatli boʻlganini koʻrib, Vadim yiliga bir nechta turnirlarni tashkil qila boshlagan, unda: Fyodor Emelyanenko, Jeff Monson va boshqa taniqli sportchilar ishtirok etgan. 2008-yilda „M-1 Global“ aralash yakkakurash ligasi tashkil etilgan (kompaniya prezidenti tomonidan), Yaponiyada M-1 Yarennoka qoʻshma turnirini oʻtkazgan.
Vadim Fyodor Emelyanenko 2003-yildan 2012-yilgacha sportni tark etgunga qadar birga ishlagan. Shuningdek, 2008-yilda Vadim Finkelshteyn yangi loyiha – dunyoning bir qancha: Rossiya, Gollandiya, Buyuk Britaniya, Finlandiya va boshqa mamlakatlarida oʻtkazilgan „M-1 Challenge“ klublari oʻrtasidagi xalqaro jahon chempionatiga asos solgan. 2008-yil Sankt-Peterburg (Rossiya) klubi – „RED DEVIL“ gʻolib boʻlgan. 2009-yilda Vadim M-1 Selection loyihasini ishga tushirgan. 2014-yil 7-iyun kuni Ingushetiyada boʻlib oʻtgan M-1 Challenge 49 turniri dengiz sathidan 1500 m dan ortiq balandlikdagi eng ommaviy musobaqa boʻlib, Rossiya rekordlar kitobiga kirgan[manba kerak]. Turnir 23255 nafar tomoshabinni jamlagan.
MMA havaskor sport turlari
tahrir2012-yil 16-mayda Rossiya MMA ittifoqi tashkil etilgan. Vadim Ittifoqning vitse-prezidenti boʻlgan. Fyodor Emelyanenko esa prezident etib saylangan. Fedor va Vadimning iltimosiga binoan aralash yakkakurashlar (MMA) 2012-yil 27-sentyabrda rasmiy sport turi sifatida tan olingan. 28-30 sentyabr kunlari MMA boʻyicha birinchi rasmiy Rossiya chempionati boʻlib oʻtgan[2]. 30-sentyabr kuni kongress boʻlib oʻtgan va Monakoda roʻyxatdan oʻtgan Butunjahon MMA assotsiatsiyasi (WMMAA – Butunjahon MMA uyushmasi) tashkil etilgan. Uyushma prezidenti Vadim, faxriy prezidenti Fedor Emelyanenko. 2012-yil 14-noyabrda MMA boʻyicha ochiq Yevropa chempionati boʻlib oʻtgan. Ayni paytda Butunjahon MMA assotsiatsiyasiga 46 mamlakat vakillari aʼzodir[3].
2018-yil fevral oyida Sankt-Peterburgning Primorskiy tumanida Vadim M-1 Arena sport-koʻngilochar majmuasini ochgan[4].
Manbalar
tahrir- ↑ „Живая вода“ (2008-yil 17-mart). 2018-yil 26-mayda asl nusxadan arxivlangan. Qaraldi: 2018-yil 25-may.
- ↑ „Союз ММА России“. 2015-yil 17-martda asl nusxadan arxivlangan. Qaraldi: 2015-yil 27-aprel.
- ↑ „Main page — World Mixed Martial Arts Association — We are the future of MMA“. 2014-yil 9-sentyabrda asl nusxadan arxivlangan. Qaraldi: 2015-yil 27-aprel.
- ↑ Андрей Шарков. „В Приморском районе прошло открытие нового спортивного комплекса «М-1 Арена»“. Спорт день за днем (2018-yil 9-fevral). 2018-yil 15-mayda asl nusxadan arxivlangan. Qaraldi: 2018-yil 15-may.