Urganch davlat universiteti
Urganch davlat universiteti — Oʻzbekistondagi oliy taʼlim muassasasi. Xorazm viloyati, 1942-yil iyulda Urganch shahrida toʻliqsiz oliy maʼlumotli oʻqituvchilar tayyorlash instituti sifatida tashkil etilgan. 1992-yilda Oʻzbekiston Respublikasi Prezidentining „PF-356“.-sonli Farmoni asosida Urganch Davlat Universiteti maqomi berilgan.
 | |
Xalqaro nomi |
ingl. Urgench State University[1] rus. Ургенчский государственный университет |
|---|---|
| Turi | Universitet |
| Asos solingan sanasi | 1942 |
| Rektori | Abdullaev Bahrom Ismoilovich „Urganch Davlat Universiteti“. |
| Manzili | |
| Veb-sayti | urdu.uz |
Universitet tarixi
tahrirUrganch davlat universiteti ilgaridan faoliyat koʻrsatib kelgan Xorazm davlat pedagogika instituti asosida tashkil topgan. Xorazm Davlat pedagogika instituti 1-sentyabr 1942-yilda toʻliqsiz oliy maʼlumotli oʻqituvchilar tayyorlaydigan institut asosida tashkil topgan [2]. Institut tarkibida 4 ta fakultet mavjud edi: fizika-matematika, oʻzbek tili va adabiyoti, rus tili va adabiyoti, tarix. 1991-yilga kelib XDPI da 6 ta fakultet va 22 kafedra faoliyat olib borgan.
Faoliyati
tahrirUrganch davlat universiteti O‘zbekiston Respublikasining eng qadimiy universitetlaridan biridir. Hozirgi kunda Urganch davlat universiteti o‘quv va ilmiy tadqiqot, masofaviy taʼlim va olimlarni faol rag‘batlantirishda yuksak natijalarga erishmoqda. Universitet Oʻzbekistonning shimoli-gʻarbiy qismidagi Xorazm viloyatida, mamlakatning tarixiy va madaniy markazlaridan biri boʻlgan hududda joylashgan. Xiva shahri sayyohlar orasida mashhur, shahardagi Ichan-qalʼa majmuasi YuNESKOning Butunjahon merosi ro‘yxatiga[3] kiritilgan. Shahar 2500 yildan ortiq tarixga ega boʻlgan tarixiy obidalarga ega. Xorazm, ayniqsa, ilm-fan tarixida boy ilmiy merosga ega bo‘lib, talabalar uchun o‘ziga xos tadqiqot muhitini taqdim etadi. Xorazmda 8-11-asrlarda Al-Xorazmiy, Abu Rayhon Beruniy kabi buyuk allomalari tavallud topgan. Ular bugungi kunda mavjud boʻlgan ilmiy bilimlarga katta hissa qoʻshdilar. Masalan, algebra so‘zi „Kitob muxtasar min hisob aljabr valmuqobala“ („Aljabr valmuqobala hisobi haqida qisqacha kitob“) asari nomidan kelib chiqqani yaxshi maʼlum, algoritm so‘zi esa uning nomidan kelib chiqqan. Bu olimlar faoliyat ko‘rsatgan Xorazmning tarixiy maskanlariga tashrif buyurish orqali talabalar 8-15-asr ilm-fani tarixi, shuningdek, Al-Xorazmiy va Abu Rayhon Beruniy asarlarining ularning taraqqiyot va ilm-fanga qo‘shgan ulkan hissasi haqidagi bilimlarini kengaytiradilar.
Urganch davlat universitetida 30 000 dan ortiq talabalar yaxshi ilmiy va taʼlim muhiti yaratilgan. Universitet professor-o‘qituvchilari tomonidan 160 dan ortiq o‘quv dasturlari ishlab chiqilib, bakalavrlar, magistrlar va doktorantlar uchun Muhandislik, Matematika, Kompyuter ilmlari, Tarix, Iqtisodiyot, Kimyo, Biologiya, Biotexnologiya, Oziq-ovqat fani, Pedagogika va boshqa bilim yo‘nalishlari bo‘yicha muvaffaqiyatli amalga oshirilmoqda.
Urganch davlat universiteti Erasmus+ xalqaro kredit mobilligi loyihalari CLASS[4], EPCA [5], ELBA [6], IRES [7], 3D Digital Silk Road [8], English for STEM, SUMRICA [9] doirasida xorijiy universitetlar bilan hamkorlik qiladi. Universitet 100 dan ortiq oliy oʻquv yurtlari va ilmiy-tadqiqot muassasalari bilan hamkorlik toʻgʻrisida shartnomalar imzolagan. Talabalarimiz Italiya, Fransiya, Sloveniya, Ispaniya, Portugaliya, Daniya, Polsha, Gretsiya, Rossiya va boshqa mamlakatlarda akademik mobillik asosida tahsil olish imkoniyatiga ega.
Fakultetlar
tahrir- Fizika-matematika
- O‘zbek filologiyasi
- Xorijiy filologiya,
- Tabiiy va qishloq xo‘jaligi fanlari
- Pedagogika
- Sport va san'at
- Ijtimoiy-iqtisodiy fanlar
- Texnika
- Kimyoviy texnologiyalar
Mashhur bitiruvchilar
tahrir- Muxtor Saidov
- Erkin Samandar
- Gavhar Ibodullayeva
- Egambergan Karimov
- Anor Mahmudova
- Qurbon Muhammadrizo
Manbalar
tahrir- ↑ „Urgench State University“ (en). Times Higher Education (THE). Qaraldi: 17-iyul 2020.
- ↑ „O‘zbekiston Respublikasi Prezidentining Farmoni“ (1992-yil 28-fevral). — „O‘zbekiston Respublikasi Oliy Kengashining Axborotnomasi, 1992-y., 4-son, 206-modda“. Qaraldi: 2024-yil 25-may.
- ↑ „UNESCO World Heritage Convention“. UNESCO World Heritage Centre. Qaraldi: 2024-yil 5-fevral.
- ↑ „Consortium“. Qaraldi: 2024-yil 23-yanvar.
- ↑ „EPCA“. 2024-yil 6-fevralda asl nusxadan arxivlangan. Qaraldi: 2024-yil 23-yanvar.
- ↑ „Erasmus-ELBA-project-2020-2023“.
- ↑ „IRES in Uzbekistan - USA-Uzbekistan Collaboration for Research, Education and Student Training“. Qaraldi: 2024-yil 23-yanvar.
- ↑ „Summary of the international conference “IT in Cultural Heritage (IT-CH’2023)”“. Qaraldi: 2024-yil 23-yanvar.
- ↑ „SUMRICA - Sustainable Urban Mobility Research in Central Asia“. Qaraldi: 2024-yil 23-yanvar.
 |
Vikiomborda Urganch davlat universiteti haqida turkum mavjud |