Xurshid Muxtorov
Xurshid Alijon oʻgʻli Muxtorov (ruscha: Хуршидбек Алижон оглы Мухторов; 13-sentyabr 1994-yil, Guliston, Oʻzbekiston) – Oʻzbekistonlik futbolchi, Fargʻonaning „Neftchi“ jamoasida himoyachi pozitsiyasida oʻynaydi.
| Shaxsiy maʼlumot | |||
|---|---|---|---|
| Toʻliq ismi | Xurshid Alijon oʻgʻli Muxtorov | ||
| Tavallud sanasi | 13-sentyabr 1994-yil | ||
| Tavallud joyi | Guliston Oʻzbekiston | ||
| Boʻyi | 1.89 cm (1⁄2 in) | ||
| Ampluasi | Himoyachi | ||
| Klub maʼlumoti | |||
Joriy klub | Neftchi | ||
| Raqami | 14 | ||
| Professional faoliyati* | |||
| Yillar | Jamoa | Isht. | (Gol.) |
| 2012—2013 | Guliston | ? | (?) |
| 2014 | Lokomotiv U21 | 0 | (0) |
| 2015 | Qoʻqon 1912 | 2 | (0) |
| 2015 | Soʻgʻdiyona | 9 | (0) |
| 2016 | Lokomotiv | 1 | (0) |
| 2016—2018 | OKMK | 43 | (1) |
| 2018—2019 | Nasaf | 34 | (1) |
| 2020 | Navbahor | 20 | (0) |
| 2021—2022 | Lokomotiv | 36 | (2) |
| 2023 | Turon | 21 | (4) |
| 2024— | Neftchi | 7 | (0) |
|
*Professional klublardagi gollari (ichki chempionat) (27-yanvar 2024-yil uchun) | |||
Futbolchilik faoliyati
tahrirXurshid futbolchilik faoliyatini Sirdaryo futbol maktabida boshlagan. 2012-yilgi mavsumda ilk professional faoliyatini Sirdaryoning „Guliston“ klubi tarkibida boshlagan. Xurshid oʻzining baland boʻyi va himoyada tezkor harakat qilishi sababli Vadim Abramov eʼtiboriga tushgan va 2014-yilda Toshkentning „Lokomotiv“ bilan shartnoma imzolgan va mavsumni temiryoʻlchilar jamoasida boshlagan. Tarkibdagi raqobat sabali asosan yoshlar jamoasi tarkibidagi oʻyinlarida ishtiroj etgan. 2015-yilgi mavsumda „Qoʻqon 1912“ jamoasi tarkibiga oʻtgan. Qoʻqon jamoasi tarkibida yarim mavsum davomida asosiy tarkibdan oʻrin ololmagan va mavsum ikkinchi yarmida Jizzaxning „Soʻgʻdiyona“ tarkibida oʻtkazgan. Mavsum qolgan qismida jizzaxliklar tarkibida 9 ta oʻyinda ishtirok etgan.
2016-yilgi mavsum oldidan „Lokomotiv“ jamoasi tarkibiga qaytdi. Toshkent ikkinchi tashrifi vaqtida tarkibdagi raqobat sabab asosiy jamoa tarkibidan oʻrin olmadi va yarim mvasum davomida 1 ta oʻyinda ishtirok etgan. Mavsum ikkinchi yarmida temiryoʻlchilar bilan shartnomani bekor qilghan va Olmaliqning „OKMK“ jamoasi tarkibiga oʻtgan[1]. Olmaliqlik tarkibida 2 yilga yaqin vaqt davomida oʻynadi va 50 yaqib oʻyinda 1 ta gol muallifi boʻlgan.
2018-yilgi mavsum yozgi transfer oynasida „OKMK“ tarkibidan Qarshining „Nasaf“ jamoasi tarkibiga oʻtgan. Qarshi klubi tarkibi bir yarim mavsum davomida oʻynadi[2] va 40 ga yaqin oʻyinda 1 ta gol muallifiga aylandi. 2020-yilgi mavsum oldidan Namanganning „Navbahor“ jamoasi bilan shartnoma imzolagan[3][4]. 2021-yilgi mavsumda ikkinchi bor „Lokomotiv“ jamoasiga qaytdi[5] va ikki mavsum davomida oʻynadi. Xurshid bu safar jamoaning asosiy tarkib aʼzolaridan biriga aylandi va ikki yil davomida 40 dan oshiq oʻyin oʻtkazda, 2 ta gol muallifiga aylandi[6][7].
2023-yilgi mavsum oldidan „Lokomotiv“ jamoasini tark etdi[8] va Yaypanning „Turon“ klubi tarkibiga oʻtdi[9]. Yaypan jamoasi tarkibida faoliyatidagi eng sermahsul mavsumini oʻtkazdi. Himoyachi boʻlishiga qaramay mavsum davomida 25 ta oʻyinda ishtirok etdi hamda 5 ta gol va 1 ta gol hammualliflik qildi. Mavsum yakunida „Turon“ jamoasi bilan shartnomasi yakuniga yetganidan soʻng, yangi mavsum oldidan „Neftchi“ jamosi ygʻginlarida ishtirok etga. 2024-yil yanvar oyida Fargʻonaning „Neftchi“ klubi bilan shartnoma imzolagan[10][11].
Yutuqlar
tahrir- Oʻzbekiston Kubogi sohibi: 2014
- Oʻzbekiston Superligasi ikkinchi oʻrin: 2014
- Oʻzbekiston Superkubogi ikkinchi oʻrin: 2014
Manbalar
tahrir- ↑ „"Lokomotiv" Xurshid Muxtorovni "Olmaliq"qa ijaraga berdi“ (2016-yil 12-iyul).
- ↑ „"Насаф"ни яна бир футболчи тарк этди“ (2020-yil 6-yanvar).
- ↑ „Rasman: "Nasaf" himoyachisi "Navbahor"ga o'tdi“ (2020-yil 6-yanvar).
- ↑ „Хуршид Мухторов “Навбаҳор”ни тарк этди“ (2021-yil 13-yanvar).
- ↑ „Xurshid Muxtorov - Lokomotiv futbolchisi“ (2021-yil 12-yanvar).
- ↑ „DETAILED STATS OF KHURSHIDBEK MUKHTOROV“.
- ↑ „Muxtorov Superligada 3 yildan so'ng gol urdi. Holmuhammedov qaytdi. "Lokomotiv" - "Qo'qon-1912" uchrashuvidan 9ta fakt“ (2022-yil 12-may).
- ↑ Muxtorov "Lokomotiv"dan ketdi „Xurshid Muxtorov "Lokomotiv"dan ketdi“ (2022-yil 7-dekabr).
- ↑ „Rasman: Xurshid Muxtorov - "Turon" futbolchisi!“ (2022-yil 22-dekabr).
- ↑ „Rasman: "Neftchi" "Nasaf" va "Navbahor" jamoalari sobiq azosi bilan shartnoma imzoladi“ (1-aprel).
- ↑ „Хуршид Мухторов «Нефтчи» билан шартнома имзолади“.
Havolalar
tahrir- Xurshid Muxtorov (Wayback Machine saytida 2024-01-27 sanasida arxivlangan) OʻzPFL saytida
- Xurshid Muxtorov Transfermarkt saytida
- Xurshid Muxtorov Soccerway saytida