Yuriy Nikolayev

Yuriy Nikolayev (1923-yil 14-dekabr, Samarqand viloyati, Oʻzbekiston SSR, SSSR – 1977-yil 7-yanvar, Dushanbe, Tojikiston SSR, SSSR) – tojik tarixchisi, tarix fanlari doktori, professor.

Yuriy Nikolayev
Tavalludi	14-dekabr, 1923-yil Samarqand viloyati, Oʻzbekiston SSR, SSSR
Vafoti	7-yanvar, 1977-yil Dushanbe, Tojikiston SSR, SSSR
Fuqaroligi	SSSR

Biografiyasi

Yuriy Nikolayev 1923-yil 14-dekabr kuni Oʻzbekiston SSRga qarashli boʻlgan Samarqand viloyatida tugʻilgan. U 1948-yilda Moskva davlat tarix va arxiv institutini tamomlagan. 1948-yildan 1949-yilgacha Tojikiston markaziy davlat arxivi mudiri lavozimida faoliyat yuritgan. Yuriy Nikolayev 1949-yildan 1950-yilgacha Tojikiston davlat universitetining kafedra laboranti lavozimida ishlagan. U 1949-yil Tojikiston davlat universitetining aspirantura taʼlim bosqichiga oʻqishga qabul qilinib, 1952-yilda muvaffaqiyatli tamomlagan. U 1952-yildan 1958-yilgacha Stalinobod davlat institutining SSSR tarixi kafedrasi dotsenti sifatida faoliyat yuritgan. 1960-yildan 1963-yilgacha esa Tojikiston davlat tarix va etnografiya instututining Sovet tarixi kafedrasi mudiri, 1963-yildan 1969-yilgacha kafedra dotsenti lavozimlarida ishlagan. Yuriy Nikolayev 1973-yil Tojikiston davlat universitetida professor ilmiy unvoniga erishgan. Xuddi shu yili, Tojikiston politexnika institutida kafedra mudiri lavozimida faoliyat yuritgan. Yuriy Nikolayev 156 ta ilmiy ishlar muallifi hisoblanib, Tojikiston davlat institutida „Ikkinchi jahon urushidan keyingi bolalarning hayoti“ mavzusida izlanishlar olib borgan. U 23 ta xalqaro konferensiya va sammitlarda ishtirok etgan. 1956-yil Stalinobod yaqinidagi janglarda qatnashgan. Yuriy Nikolayev 1977-yil 7-yanvar kuni Tojikiston SSRga qarashli boʻlgan Dushanbe shahrida vafot etgan.

Mukofotlari

Yuriy Nikolayev 1956-yil SSSR Oliy Kengashi Sovetining qaroriga muvofiq, „2-darajali Ulugʻ Vatan urushi ordeni“ bilan taqdirlangan. Shu bilan birgalikda, Tojikiston SSR Oliy Kengashining faxriy yorliqlari bilan mukofotlangan.